مدرسة بالتربية بالدبلوم

انا سعوديه معاي دبلوم جامعي تربوي لغه عربيه وعلوم اجتماعيه وخبره بالتدريس في السعوديه 5 سنوات ومؤهلي يقابل التطبيقي عندكم المشكله اني اذا قدمت على وظيفه بالتربيه يرفضوني بحجة اني مو بكالوريوس ومره طحت عليهم بجريده مسويين لقاءات مع الوفدات المصريات جان يسألون وحده عن مؤهلها جان اتقول دبلوم تربوي
المهم قلت لزوجي يروح ايشوف شالسالفه واخذ الجريده معاه جان يقولون له لا هذي معاها خبره 8 سنوات قال زوجي طيب ليش هم زوجتي خبره 5 سنوات ولي ملف بالتربيه ورقم المهم حا فوا السالفه كلها
وانا لمن قدمت خلاص كانت معاملتي ماشيه بس وقفتها نوريه الصبيح الله يسامحها بحجة اني دبلوم مع اني مقدمه كل شي الشهاده والخبره وصوره عن دوام زوجي بالجيش ونوريه يومها كانت هي رئيسة الوفد اللي راح لمصر شهالتناقض بصراحه ضااااق خلقي

المهم قدمت على وزارة الاوقاف مدرسه مع الواسطه قبلوني على بند المكافأة براتب شهري 200 دينار بس ؟؟؟؟
المهم مرت سنتين بهالوظيفه ومو راضيين يعدلون وضعي مع ان الخليجيين تعدلت اوضاعهم الا انا بحجة هالدبلوم وما يحسبون لي اي شي حتى الاداء الوظيفي محرومه منه يعني ما يقيموني ولا شي مع ان الموجهات يدخلون علي وانا والحمد لله ممتازه بشهادة الجميع بس وضعي مو شي اجازات مافيه لا مرضي ولا غيره اذا ولدت يخصمونها من حسابي بصراحه مليت وطقت جبدي وشكلي بخليها بس كل مره اقول لا يمكن تتعدل الاوضاع
بنات بليز اللي تعرف احد بالتربيه تسأله عن موضوعي واذا اقدر اتوظف بعقد بليييييز ردو علي لا اتطنشوني

والله حرااااااااام … بس اذا في مجااال كملي دراسه … واكيييد في قوانين بالتربيه بس انا ما اعرفها ….والله يكوون في عونج وما تكونين مقرودة ….

اي دراسه 3 اطفال واهلي بالسعوديه ودوام ما يصير
مشكووووره حبيبتي والله اسعدني مرورج وردج الحلو

أقول رايي بدون زعل ؟!!

بصراحه .. كل واحد يعيش بديرتا "مللك"

عدل ؟

معقولة لي رحت السعودية واشتغلت عندهم .. يخلون معاشي حالي حال بنت السعودية .. مايسير !

انتي لو تحسبين معاشج بالدولار يطلع 600 دولار

.. حلو للمدرسين

لا تقارنين روحج بلكويتيات .. هذيلا عاشو على ارضها الطيبة اكثر منج وانولدو فيها وتربو .. فأعتقد يحق لهم الزيادة على غيرهم ..

وهالفكرة موجودة بكل الدول على ما اعتقد ..

اعيدها لج :

كل واحد بديرتا ملك

لا ما فيه زعل
بس انا مو حاطه موضوعي لطرح الاراء لا انا حاطته ابي الحل
ومشكووووره

بنات ارجو ان الموضوع ما يزعلكم انا مو قصدي شي بس والله اني اعاني شكثر من هالسالفه بلييز اللي ما يعجبها كلامي لا اترد

للرفع

حياج الله حبيبتي بيننا

ليش نزعل كلامج ما في شي يزعل حبيبتي

انت ما احتجتي علينا ولا يبتي طارينا انت احتجتي على خواتنا المصريات

وبالعكس اخذي راحتج وطرحي الموضوع الي بخاطرج مدام انج ما غلطتي باحد

انا الي اعرفه ان ما في اي احد يقبلونه بالتدريس شهادته دبلوم

ما عدا تخصص الموسيقى

وممكن الحين تحصلين معلمات شهادتهم دبلوم بس تعيين قديم حده

الحين حتى مادة الحاسوب الي عندها شهادة الدبلوم ما ياخذونها معلمة حاسوب حتى لو كويتيه

بالنسبه للمقابله الي قرأتيها بالجريده ممكن تكون لتخصص نادر ومو متوفر والوزاره بحاجته

حاولي تكملين والله معاج وراح تلقين الايام تركض بسرعه وصج انه تعب بس تحملي

والله يوفقج ويسهل امورج

السلام عليكم

صج قهر اذا انتي متأكده ان في احد دبلوم وانتي دبلوم ما اقبلوج اكيد قمه القهر
بس انا خبري ان ما يصير دبلوم لازم جامعيه
وفي بعض المدارس الخاصه يمكن يقبلون دبلوووم
شتسوين بعد والله قهر بس هذي الدنيا

اختي ضحاوي مشكوره حبيبتي الحمد لله انج فاهمتني انا قصدي انهم حطو قانون معادلة رواتب الخليجيين وطبقوها ما عدا انا مع اني موظفه صار لي سنتين بدون اي معنى حتى الاجازات ما فيه والله اغيب شكثر بطريقه مو طبيعيه تدرين حمل وولاده والاطفال كل شوي واحد تعبان وبالمستشفى اسبوع اسبوعين واهلي مو عندي عشان اتكل عليهم وبالنسبه للاخت اللي ردت علي بطريقه مبين فيها انها موفاهمه شالسالفه لقيتها بموضوع اتقول انها قريب بتتوظف يعني مو موظفه وبالتالي هي ما تعرف النظم والقوانين وما تعرف شنو يعني عقد يالله الله يسامحها
وبالنسبه للي قريتها كان تخصصها لغة عربيه ما ادري يمكن مالقوا احد هناك فعبروا فيها وعطوها عقد
يالله المستعان

اختي لولو 77 مشكووووووره
ايه دبلوم ونفس تخصصي وانا ملفي عندهم وكاشتين فيه
وبالنسبه للمدارس الخاصه موشي درست فيها 4شهور بس وما قدرت اكمل بصراحه ظلم وشغل فوق طاقتج والرواتب لج عليهاوفوق هذا اولياء الامور لهم كلمه حتى على الناظره يعني حاولي انج اتهدين واتطوفين بصراحه ما تحمل

وبالنسبه لاكمال الدراسه انا قدمت على كلية التربية بالسعودية انتساب وقبلوني كان نظامهم للي معاها دبلوم اتكمل 3 سنوات بس لمن سجلت تغير كل شي صر 5 سنوات بصراحه كثيييييييييييييييييييييييره وما اقدر فطنشت

الله يعين ..

بس مثل ما قالوا البنات ..ما اتوقع بالتربية الحين تعيين دبلوم ..

وحتى البكلريوس يبون فوقه دورات ..

الحل انج يا اما تكملين دراستج ..او تتوظفين بالمدارس الخاصة وحاولي بالمدارس الاجنبية او ثنائة اللغة ..

واذا عن الشغل والكراف >>>فالكل يشتغل ويكرف سواء بالخاص او الحكومة ..

حبيبتى دامج دبلوم انسي تتوظفين مدرسة بالتربية ممنوع و خاصة ان هم عندهم طلبات وايدة و قاعدين يتنقون الحين حتى الجامعيات اذا مو جيد جدا ما يتوظفون و فى تخصصات من كثرهم تلاقين اللى يتوظفون هم اعلى تقادير و اكثر خبرة
فنصيحة يا تتوظفين مدارس خاصة و لا ترى الشخل و كملى و تعالى توظفى و ترى اذا انتى دبلوم معاشج 200 و انتى غير كويتية بنات الكويت بدبلوم يتوظفون على 350 عادى حبيبتى

اه و الجواب ترى من خبرة بالتربية مو من مزاجى

بس اختي المدرسه اللي كنت فيها كان الاداري المسؤول رجال وبصراحه وكل شوي تلقينه قدامج يعني حتى بغرفة المدرسات تلقينه داش وبصراحه انا ما اقدر اتحمل انا منقبه واروح للحصص ونقابي وعباتي الراس علي يعني ما فيه خصوصيه كلش وكنت ما اقول لزوجي بس لمن درى قال بلاها المدرسه

كلامج صح بس انا الحين مدرسه بالاوقاف وابي وضعي يتعدل بس مو راضيين ؟؟؟؟
زين يحسبون لي الخبره هم مو راضين ؟؟؟
ما ادري شكلي بكمل انتساب بالجامعه المفتوحه فرع الرياض لان مؤهلي موجود بالسعوديه وقالوا انج تا خذين البكالوريوس بسنتين ياريت
ومشكوووووورين كل اللي ردو

الحين بس عرفت ان ما فيه حل الا الشهاده الله يوفقني واكمل