|
|
منوو سامعه عن مدرسة القبس بالسالميه أبي معلومات عن المدرسه شرايكم بمستوهاا وتعاملهم مع الطلبه ؟؟
انا درست فيها سنة وحده بس وانحشنت
مدرسة نتفه وقمته ريحة الطلبة اررف مايتسبحوون وبعض الصفوف درايشها مسكره ممنوع تتبطل لانها تطل على ساحة الصبيان يعني نمووت من الخنقه الهوا غير صحي داخل الفصل و قسم الابتدائي يبووي اول مره اشوف ابتدائي جذي وصخين !!
وغير المجاري الي كله مطفحة بالساحة وغصبن على ام الي يابتنا نوقف بطابور الصباح وبالفرصة وبالبدنية ماكو ساحة غيرها حتى مسرح ماعندهم
والاداره وييع حدهم الهم الناظرة القديمة مائدة بوخميس كانت احسن ناظرة والحين تقاعدت يعني المدرسة مافيها شي يسوى
واذا انتي شعرج بوي ولا صابغته غصبن عليج تلبسين حجاب !! شهالقرار خو شعري وكيفي والاداره يعاملونج جنه المنة عليهم ليش قبلووج
انا اقول شوفي لج مدرسة ثانية حرام تضيعين عمرج بهالمدرسة الوصخة
رحت الكويت الاهليه بالفروانيه ماعجبتني وام هاني زفت والمنارات باسالميه ثنائية اللغه وأنا أبي مدرسه عربيه
ماتعرفوون مدرسه سنعه ؟؟ علماا اني ساكنه الفروانيه .
صج اهي مو بالمستوى المطلوب بس انا ماكان يدامي الا اهي لان يويو اسم الله عليه كبير وله اخر سنه تسجيل
بعدين الابلات والادارة وااااااااااااااايد والشهاده لله حبوبين وسلسين ويحترمون اللي داش عليهم