مدرسة الخليج الدوليه

السلام عليكم ورحمة الله وبركاته

انا ابي اسال كل وحده مدخله عيالها مدرسة الخليج الدوليه اللي نظامها كندي واهيا بخيطان ياريت تعطوني معلومات مفيده عنها ورايكم فيها اوتجارب ناس تعرفونهم لاني احترت بينه وبين اجيال فيدوني وماراح اخليكم بدعوه حلوه

والله حتا نا ابي اعرف اول مره ادري ان في مدرسه بخيطان غير الايه بي اس

اجيال لالالالالالالالالالالالا حرام عليج لادخلين عيالج فيها مدرسه فاشله فاشله

رغم انها احلى مدرسه دخلتها صفوفها اتينن بس شالفايده

الحين انا بطلع جان قلتلج بعض القصص بس ارد راح اكتبلج عنها

وبالنسبه للكنديه اعرف ناس مدخلين عيالهم فيها يقولون زينه انا رحتلها حليوه وهاديه

مشكوره دانسنق كوين وام ضاري والله انج مبرده قلبي بهالمنتدى الله يبرد قلبج ويحفظلج الحلوين ويبارك فيهم بس انا دخلت مدرسة الخليج الدوليه احس مبناهم وايد قديم وماادري ليش متردده عشان جذي ابي معلومات وتجارب عنها بس قوليلي اشفيها اجيال مبناهم روعه وناس وايد تمدح بس بعد احس اني مو مقتنعه تكفين نورينا الله ينورج

هلا والله اختي اعذريني تاخرت وايد المدرسه وايد قويه بالانجليزي والعربي ومتعاونين مع اولياء الامور وفيها استعداد للحضانه بري كيجي يعني من عمر سنتين ونص وروحي شوفيهم بجنوب خيطان وغيروا اسمها الحين صار المدرسه الكنديه الثنائيه لانها كنديه اصلا ومنهجهم اونتاريو احسن منهج على مستوى العالم والتسجيل سهل ان شاء الله اكون افدتج ادعيلي الله يسلمج

اجيال حبيبتي صار فيها تكدس وتعتمد على الياهل اما الكنديه فيها دراسه واحس ناس تدرس اما اجيال خرطي بخرطي هذا مختصر وانتي وكيفج واذا بتسمعين شوري شوفي ولدج او بنتج اذا يستاهل مدرسه خاصه والا لا لان بعض اليهال الاهالي ماتدري عن قدرات عيالها بس اسم تدخل خاصه وبس لان عن تجربه بنتي دخلتها ليما الصف الخامس وصار ولا في فايده والمدارس بعد لج عليها اجيال من كثر اليهال مايدرون شرح المدرس والا لا وراح من عمرها 4 سنين ماستفادة شي وكل ماسالت عنها قالوا زينه وهي خربوطه اما الكنديه بصراحه الفصول شوي يعني كل مرحله صف واحد بس وهاديه المدرسه والناظر حيل متعاون معاج ويسمع شنو تقولين اما اجيال ولا يعدون لج اعتبار

اختي اوتار بتكلم لج عن معاناتي انا بنتي كيجي ون كانت بالاكاديمية الامريكية اللي بالرقعي
طبعا كانت فاشله وعدد الاطفال امثر من 25 طفل قمت وقلت خلني انقلها من اللي سمعته عن اجيال رحت سويت اختبار وطبعا ما انقبلت ما تكتب اسمها ولا تكتب الالوان اي تتكلم بس كتابة لا رحت للخليخ طبعا ما صدقوا ان جاهم طفل سوا لها اختبار تافه واقبلوها انا كنت معتقدة انها بتكون عند مس شيلي اللي انا كنت سامعه انها قوية فسجلتها طبعا انصدمت ما في مستوى كل شي على الاهل اي تحسنت شوي بس من غير واجبات او اي شي وكانت ابلتهم باكستانية وصف واحد وقلت ما عليه كملت لها السنة عندهم وانصدمت ان g 1 ثلاث صفوف وحاطين بنتي بالصف الثالث طبعا حاطينها بالرغم من انها اول وحده مسجلة حاطين الاول للي جاين من الامريكية اللي اصلا هما اقوياء بالانجلزي اما الصف الثاني حاطين له ابله كانت ادرس g2 طبعا اكتشفت ان معظم ابلاتهم جدا لا وقابلين اطفال من مدارس الحكومة بكل المراحل ليما سادس لا وبعض الصفوف واصل العد د22 طبعا انا كلمت مستر موريس ان ينقل بنتي للصف الاول عصب لا وزفني ما جني ام قديمة عندهم وما رضى وقال لي تبين اسحبيها قلت له حرام عليك كل سنة تقصون علينا بابله جديدة لا ومعظم ابلاتهم من اصول عربية او هندية او باكستانية والله لو الاقي لبنتي مدرسة تقبلها جان وديتها بس تدرون الاختبارات صعبة وااايد
من جذي قاعدة احاول ادور مدرسة اتاسسها بالانجليزي والرياضيات علشان اسوي لها اختبار باي مدرسة ثانية لان حدها فاشلة وهمهم الفلوس والا شلون يقبلون من الحكومة واسفه اذا طولت عليج