مدرسة إبن الجوزي ؟؟؟؟؟؟؟

بنات تكفون أنا معلمة لغة إنجليزية توني متعينة و بنقل من مدرستي و حدي خايفة
البعض امدحولي مدرسة إبن الجوزي يقولون ناظرتهم زينه
أحد يعرف منو رئيسة قسمهم ؟ و القسم المعلمات اللي فيه شلون صايرين ؟؟
بلييييييييييييييييييييز ساعدونيييي

للرفع,مااعرفها

مشكورة فطوووم ما قصرتي
المدرسة تابعة حق منطقة الفروانية التعليمية للي يعرفها

السلام عليكم .. نصيحة لوجه الله .. انا ما اعرفج بس الله يخليج لا تصدقين الكلام هذه المدرسة اعرف وحدة فيها من ثلاث سنوات قصتها تقطع القلب . حدث لها ظلم ظلم كبير في هذه المدرسة ..وبطلعة الروح اانقلت منها و تقدرين تقولين عنها معتقل .. ماهي مدرسة وسألت انا عنها وأكدو لي الخبر ناس منحاشين منها اعرف ناس في مدارس منطقة الفروانية كانوا يدرسون في هذه المدرسة وطلعوا يقولون انكتب لنا عمر جديد ادارة ظالمة وسيئة وما تقدر المعلمات . والله ما فيه شئ اسمه رحمه يعرفونه مدرسة تخرع كل شئ فيها يجيب المرض انحاشي بعمرج والله انها معتقل كبير..هذا ما سمعته من معلمات كانن يعملن في داخل هذا المعتقل أقصد في هذه المدرسة

اختي درر النور اذا ممكن بس تقولون لي شنو سالفة المعلمة الى قبل ثلاث سنين

لان انا اعرف وايد مدرسات بهالمدرسة ما وصل الامر الى معتقل ولا اقولج انها مدرسة توب لا حالها حال اي مدرسة

وناظرتهم احسن من ناظرات وايد انا ما امدح المدرسة لاني ما اعرفها بس من الى سمعته من رفيجاتي ان ناظرتهم زينه

اختي رئيسة قسم الانجليزي هذي اول سنه بالمدرسة لان الاولانية صارت موجهه انجليزي
اسمع عنها انها ماشالله شغلها حلو
اما الناظرة من احسن الناظرات

مشكوورة وااايد حبيبتي

ما ادري انا ما سمعت عنها انها زينة المدرسة
وعيالها وااااااايد شياااطين .. يقلون اسوأ مدرسة بالمنطقة
رئيسة القسم فعلا طلعت موجهة واهي موجهتنا فمن حظج … ما دري عاد عن اليديدة
بس ما احد مدح بالادارة .. يقلون وايد تحابي … وايد تظلم … العام متفقين على مدرسة ينزلون تقدريها مع انها طالعة اشراف
استخيري يا قلبي وتوكلي على الله

مشكورة وايد على المعلومات
الله يعطيكم العافية ما تقصرون