مدرسة أحمد عطية الأثري بالفردوس . منو تعرفها ؟؟

السلام عليكم بنات

شلونكم

بغيت أسألكم عن هالمدرسة

تعرفونها ؟؟؟

شلون إدارتها ؟؟

الناظره ؟؟ الوكيله ؟؟

الطلبه ؟؟

وكل شي

بالأخص قسم العلوم

قسم العلوووم يجنننن يهبلون

الاداره تغبرت وحسب نعاملج انتي

الاولاد نفس اللي بالابيت

وانتي تقدرين تحكمين فيهم

انا كنت فيها سنتين وانتقلت نقل خارجي انتقلنا من بيتنا

بس مادري ان شاء الله يردون عليج البنات اللي يعرفونها الحين

اب اب اب

يعطيج العافيه كويتيه طمنتيني

لانكروزر تسلميلي على الرفع

مشكورين ما قصرتو

وبانتظار باقي البنات

وينكم بنات

والله اللي أعرفه ان المعلمات كلهم انتقلوا
بسبب معاملة رئيسه القسم حيل جافه معاهم
والأداره كل سنه غيربس عندهم وكيله ثابته ويمدحونهاالبنات
وموفقه ان شاء الله

اختي انا حطوني فيها بس والله لو تنطبق السماء على الأرض ماراح أداوم فيها ما حد مدحها .. الكل يقول انحاشي
وصراحه انا طنشتهم وأدور على واسطات حتى أفتك منهم واذا ما لقيت راح أقدم استقالتي .. انا ماني عايفه عمري .. صبيان .. ولوعة جبد أنا سألت ناس لهم علاقة ومديرات ومديرات مساعدات ونصحوني بالنقل .. وقالوا ليش معاقبينك يوم حطوك فيها .. صراحة انا أنتظر الفرج الحين .. انا أساسا صبيان ما أحب أدرسهم .. بس أنت حره اسألي ناس واستخيري أنا مستخيره وماني قادرة أتقبلها نهائي والله يوفقك .. وشكرا .. والله الخدمات اذا ما عجبهم االبيت يغيرونه وانا المدرسة يجبروني أدرس في مكان ما أقدر أعطي فيه لو في منطقتي قلت أبلعها لكن منطقة بعيدة عني وبعد صبيان .

احنا عندنا بالمدرسه معلمات نقل اجباري السنه الى طافت
كانو يبون مدرستهم أحمد عطيه معنه مدرستنا بنات وهدوء بس يقولون تعودنا على المدرسات اهناك وعلى الصبيان وغثاهم
لدرجة يحسبون الايام بس متى يردون لمدرستهم

هلا يا الغلايه .. والله أنا لما خبرت مديرة مساعدة وقلت لها ويش رايك حطوني بعطيه الأثري المسكينة تخرعت وطالعت فيني وقالت حطوك فيها قلت ايه .. قالت انحاشي .. قبي .. واسلمي بعمرك .. ورحت وسألت أكثر وقالوا ناس مدرسة فوضى وناس قالوا كلها مشاكل .. ومشهورة بكافة مناظق الكويت التعليمية .. يعني أنا فوضت أمري لله .. بس أقول لك فيه مدرسات ادمنوا تدريس الصبيان وما يقدرون يدرسون بنات وتعلموا على الدفاشه والصراخ أنا وحده اول ما درست بنات تعودت على الهدوء والذرابه .. ما أقدر أمسك عصا وأطرد ورا الصبيان .. في المناوبات ما أقدر مشاكل الصبيان كثيرة خاصة لما يتضاربون مع بعض والمشكله بعضهم أحجامهم كبيرة عيال الوجبات السريعة .. الله يعين والمدرسة الي تعودت تدرس بنات صعب تتعامل مع شراسة الأولاد البات حلوين وكلهم ذرابه وأدب واحترام .. والصبيان يمه كله يصارخون لا حتى واحد منهم أتذكر على باله أنا كبرهم ماهو مصدق اني مدرسة ويقول أبلة انت صغيرونه .

صبر جميل والله المستعان متى تنكتب لناالنحشه من التربية ومن صراخ الطلاب .. ما يسير أحول روضه .

ماعندي فكرة عن هالمدرسه بس تدريس الصبيان متعببببب الله يعين

يعطيكم العافية بنات

مشكورين عالمرور

درر النور نطري رسالتي الخاصة