مدرسات المتوسطة ابي أسألكم ؟؟؟

السلام عليكم معلماتنا

انا معلمة بمنطقة مبارك الكبير بالمرحلة المتوسطة
وانا انسانة اشتغل فوق طاقتي

يعني معلمة مجتهدة جدا جدا

معلمة تربية فنية على الاسم

اللي اعرفه ان منطقة مبارك النصاب فيها كبير يعني من 15 الى 18
ولان العام شلت المدرسة كلها على ظهري

بروحي

فتعبت من الكراف

تخيلو

انا المدرسة الوحيدة اللي بالمدرسة اللي ادرس الرسم

والمعلمتين اللي معاي ما الومهم يغيبون لاسباب صحية

فبغيت انتقل

اللي اعرفه او اللي سمعته

ان منطقة الاحمدي نصاب الحصص فيها قليل

واللي يعافيكم

ابيكم اتدلوني بالمدارس الزينة

وجان زين مدارس الصباحية او هدية او الاحمدي او الرقة

وابي المدرسة تكون صغيرة

منو عندها علم بالموضوع ؟؟؟
وابي اعرف انتو شكثر عندكم مدرسات رسم بالمدرسة اللي اتدرسون فيها ؟؟؟

جزاكم الله كل خير حبايبي

الووووووووووووووووووووو ؟؟؟؟؟؟؟؟؟؟؟؟؟

الصباحية المتوسطة انحاشي منها الناظرة شرانية والمدرسة تلوع الجبد وكبييييييييييييييرة عندج بركة النعمان صغيرة وحلوة والادارة تهبل والرقة المتوسطة ادارتها تهبل بس كبيرة وبناتها صعب التعامل معاهم هاحجي من خبرتي انا وخواتي مسيطرين على متوسطات المنطقه

وفعلن مدرسات الرسم عندنا ثنتين بس مرتاحات واكثر المدارس فيها ثلاث

شاطرة يعطيج العافية بس بسالج بركة النعمان وين صايرة ؟؟؟
وما عندج خبرة بمدرسة زبيدة اللي بالصباحية ؟؟

بركة النعمان بالفحيحيل جدام لاندمارك سابقا وزبيدة ماعرف عنها شي للاسف بس عموما مدارس الصباحية كبيرة وكثافة ومشاكلهم وايد

صديقتي في زبيدة

تمدحها وايد من ادارة ومعلمات

ومرتاحة فيها بس ماادري عن نصاب الحصص والله

وعلى فكرة ترى مبارك الكبير علة العلل والكل يشتكي من كثرة شغلها مو بس الرسم كل المواد والمصيبة الاساسية اكثر شي….

بسالها وارد لج خبر

انا انصحج بمدرستي ام حكيم

الناظرة حبوبة والوكيلات طيبات

والمدرسات بشوشات .. والصفوف شوية

12 صف بس

الجــادل
جم مدرسة رسم هناك ؟؟ وجم مرسم ؟؟ الناظرة اتقدر الفن ؟؟ ووين مكان المدرسة ؟؟
اسفة على الاسئلة تعبتج

زيتونة
ناطرتج حبيبتي وسالي جم مدرسة رسم موجودة بالمدرسة
تسلمين حبيبتي

شاطره
مشكورة عمري وجزاج الله خير

مدرسة وحدة ومرسم واحد وفي يمة غرفة اظن انها مرسم قديم

ومدري اذا الناظرة تقدر الفن؟؟ لان انا مدرسة انجليزي

الجادل ناظرتكم تكرف المدرسة وما عندها سوالف وشليلة ؟؟؟

يعني تنصحيني ايي عندكم ؟؟؟

ترى بلزق فيج اذا ييت

انا نصحتج بمدرستنا لانها صج مريحة

والناظرة طيبة ومحترمة ونفسيتها حلوة ومو متطلبة

يعني بس شغلج قومي فية وتحطج على راسها

السلام . ميخالف داشه عرض شلونج الجادل على ما أعتقد مدرسة الرسم اللي عندنا تبي تحول اداريه بس على العموم انا مع الجادل في كل اللي قالته عن أم حكيم و حياج الله يا الرسامه

الرسامة ..مدرسة بدر المتوسطة بنات في الرقة كانت عندهم ناظره عسل مو متشدده وحليوه ولا تحب تكرف المعلمات وهي هند الاحمد بس والله ما عرف اذا هي موجود بالمدرسة الحين أو من الي يحوشهم التقاعد الاجباري سالي عنها……….وسلامتج

صاجة الكل يتكلم عن طيبة هند الاحمد بس مو قادرة تحكم المدرسة كل وحدة تسوي اللي تبيه ماكو استئذان ولا قوانين واللي تشتغل واللي ماتشتغل نفس الشي لذلك ناس واجد ينظلمون هذا الكلام سمعته من رفيجاتي