مدرسات العلوم للمرحله الابتدائيه تعالوا{{بي انقاط الضعف والقوه في المناهج الجديده}}

السلام عليكم
ابي منكم خدمه بسيطه
ابي اعرف نقاط الضعف والقوه في المناهج الجديده للعلوم
ياليت تفيدوني ابيها ضروري بلييييز

منتهج مترج الى اللبناني وفيه وايد بدليات ومصطلحات ليست مفهومه مثل ما وضحت الموجه والمعلومات الي فيها سطحية بالنسبة لكتاب التلميذ وليالمر حتى ما يعرف يدرسه كله صور كأنه موسوعه هذا شي حلو بس بدال ما يخلونه البوم حطو معلومات مثل الأوادم

السلام يا حلوين
بالنسبه لنقاط القوة بالمنهج الجديد ان الطالب اهو يستنتج المعلومة او الحقيقه العلمية بنفسه من خلال النشاط يعنى دوره ايجابى بالحصه مو متلقى وبس بعدين المنهج الجديد فيه محتوى أحس من المنهج القديم الى كان بصراحة تافه ودليل المعلم فيه روعه
اما نقاط الضعف فيه ان مو مرتبط فى بيئتنا ولا فيه اى جانب وجدانى وعشان ينجح هالمنهج يحتاج ان يطبق على فصول مافيها كثافه طلابية يعنى يبيله فصول من 12-15 طالب بالكثير وياليت كانوا طبقوه بشكل تجريبى ودربوا عليه المعلمين والمعلمات قبل لايلزمونا فيه جان ماتوهقنا اول السنه بعدين لو مطبقينه على الصف الأول بس وبعدين أيتصعد لباقى الصفوف بتسلسل أحسن
وسلامتكم

تم تعديل العنوان