مدرسات الانجليزي ممكن سؤال؟؟

السلام عليكم

شلونكم

مدرسات الانجليزي قبل لا تصيروون مدرسات سويتوا اختبار بوزارة التربية؟؟؟ شنو كان نوع الاختبار سواء تحريري او شفوي وهل كان صعب و الا سهل ؟؟

ياليت احد يرد علي و ما تطنشوني

حبيبتي على حسـب ..

اذا انتي خريجـه تربيه جامعه الكويـت أو تربية اساسيـه
على طوول تتعينيـن ..
بدووووووون اختبـار أو مقابـلـه ..

بس اذا خريجـه كليـات ثانيـه ..
لازم مقابله واختبـار ..

وبصراحـه مستواهـا موهيـن ..
شدي حيلج

لاحظت من توقيعج انج مثلي خريجة الجامعة المفتوحة

انا ادب انجليزي تخرجت 2024 ورحت للمقابلة الصراحه تحطمت 15 وحده قبلي كلهم سقطوا وطلعوا يبجون انا قلت خلالالالالالالالالالالاص انا ماراح انجح بس يالله بدش جذي ابي اعرف شنو بيسألون وشلون بتكون المقابلة

لما دشيت الصراحه اسئلة عادية والاختبار عادي يعني جم سؤال قواعد وجم سؤال يبون يشوفون طلاقتج في النطق بالانجليزي …انا جاوبت اسئلة القواعد والحمدلله ولا غلطة والاسئله اللي تبي طلاقه وكلام تكلمت واخذت راحتي وقعدت اتغشمر واقول تعليقات مضحكه بعد يعني اخذت راحتي مع اني متوترة بس مابينت كأن الموضوع عادي لان اهم شي يبون يشوفون الثقة بالنفس ….

تفاجأت بعدين اني نجحت لا وبعد انا الوحيدة اللي حطوها ثانوي

يعني لا تخافين الناس يبالغون في وصف المقابلة وبعدين تدشين وانتي نفسيتج في الارض من كلام الناس …ترا عادي لا تتوترين اهم شي يبون يشوفونه ثقتج بنفسج وطلاقتج في اللغه ومعرفتج لبعض القواعد …

بالتوفيق

كلام الأخت اللي قبلي صحيح وهم راح يسألونج عن طريقة شرح بعض الأفعال مثل hop sleep
واذا عندج ضعاف بالصف شلوون تقوينهم ومن هالحجي
وبالتوفيق

انا بعد كنت خريجة اداب انجليزي .. فكان في مقابله .. مو امتحان تحريري .. الغرفه كان فيها 3 موجهين .. وحده منهم كانت الموجهه العامة للغة الانجليزية .. وسئلوني جم سؤال في القواعد .. وشلون ممكن اشرح الالوان بالانجليزي .. وليش اخترت التدريس ؟ وبس .. جاوبت بطلاقة .. وبثقه .. والمقابله ما تخرع بالعكس .. وايد حلوه .. والله يوفقج يارب

انا اداب انجليزي

وسويت مقابله

موجهين وكانت بينهم الموجهه الاولى

اسئله عامه وبالقواعد واخذ وعطا بالانجليزي طبعا بس ناسيه بالظبط
بس ماكن صعب

والحمدلله نجحت وكان سهالات

شدي حيلج وموفقه

مشكورين بنات ما قصرتوا صراحة
cool teacher
عدل انا تخرجت هالسنة من الجامعة المفتوحة بس واايد بنات خوفوني من اختبار الوزارة وانه صعب و في بنات قالوا سهل و قدمنا واايد زين بس ما نجحنا و هالشي خوفني تذكرت الدكتور بانديت

silver cat
مشكورة حبيبتي عالرد بس ما فهمت شلون يعني شرح الافعال يعني مثلا الافعال الشاذة او شنو صج تنحت
حلوى ورهش
مريم
هوى الدار
مشكورين حبايبي عالرد بس ممكن يعني شنو طبيعة الاسئلة ؟؟ انا بالمحادثة الحمدلله عندي طلاقة بس اخاف يطلع شي غير متوقع

حبيبتي .. مثلا : what is the P.P of see ?? او مثلا يسولفون معاج .. شنو هواياتج ..؟؟ سافرتي هالسنه ؟؟ وانتي تجاوبين راح يبين اذا عندج اخطاء لغويه .. بالقواعد .. اذا كانت لغتج سليمه مثلا … وترى اذا انتي طلقه باللغه خلاص .. بشري بالخير .. ولا تخافين . ترى سهاااااااااااااااااااااااااااااااااااااااااااااااا ااااااااااله ..ومافي شي غير متوقع … حلو وخفيف .. بس خليج هاديه ومبتسمه .. وعرفي نفسج بكل ثقه … ولا تهابين .. ترى اللي مر ونجح .. مو احسن منج بشي … الله يخليج شوفي المدارس مترسه من : زس اس زا .. زااات از ..( سوري ما اقصد اهين احد ) بس هذي لغه ومع الاسف في نسبه كبيره من المعلمات الغير مؤهلات لتدريس عيالنا بالميدان.

قصدها الاخت .. مثلا شلون تشرحين sleep ? تجاوبين مثلا انه ممكن اراوي الطلبه صورة طفله نايمه .. ولد نايم .. أسد نايم ..اقولهم مثلا روتيني اليومي .. اني مثلا الساعه 9 ادش فراشي والبس دلاغاتي واخمد .. اقصد انام جذي يعني .. يبون يشوفون مدى قدرتج على توصيل المعلومه

مريوم تسلمين عالرد الوافي والله يوفقج و يجزاج الف خير

اهم شي اخمد

لوووووووووووووووووووووووووووووووووول ..شسوى ..ذبحني السهر .. احس صار بيني وبين النوم ثاااااااار لووووووووول .. والله يسلمج حبي .. وبشريني باللي يصير معاج واى شي تحتاجينه لا يردج الا كي بوردج .. نعين ونعاون … وكذالك كل التيجرات هني .. والنعم فيهننننن كلهنننن