مدرسات الأسلاميه أو المدرسات بشكل عام

السلام عليكم

بنات ابي مكتبه الاقي فيها كل شي متعلق بالدرس صور ووسائل وأبي مجسم الكعبه وغيره
أنا طالبة ميداني ولازم كل حصه تكون معاي صور وبطاقات وسواالف

صراااحه تعب الخطاط صرت اداوم عنده يوميا

سمعت ان هالاشياء موجوده بدسماان بس ما ادلها ياليت تعطوني عنوانها بالتفصيل

او اذا عندكم مكتبه غيرها وأرخص يكون احسن

و سؤال بعد الاحاديث المتعلقه بالدرس الاقيها جاهزه ؟ ولا لازم انا أكتبهم

سؤااال ثاني بالنسبه للتقويم بنهاية الحصه يااليت تعطوني فكرة لعبه أو مسابقه او شي ابدع فيه لان صج صج صج دخت وأنا افكر
مو معقوله كل حصه بطلعلي فكره وانا بروحي ما عندي افكار ابداعيه

ويعطيها العاااافيه ياارب الي بترد على اسئلتي

<< صرت مو صاحيه حتى وانا نايمه أفكر بالمدرسه

بنات كتاب المعلم الي نازل بموقع الوزااره مو كامل صح ؟؟؟

وحتى الي وفرتهم مكتبة المشكات صف خامس قسم الفقه كله مو موجوود ؟؟؟

أول شي الله يعينج ويوفقج .. ثانيا دسمان ما دلها وما روحلها لأن بالجهراا ما شاء الله كلشي متوفر سواء صور أو مجسمات أو حركات

للتقويم ولأي شغله مو بس للدرس .. وثانيا ما عندكم خزانة مساعد معلم الفصل ؟ اللي فيها جهاز البروجكتر والمسجل .. أنصحج

تسوين الأحاديث بشفافيات مطبووعه بس انتبهي الخط لازم يكون كبير ولا بياخذونها سلبيه عليج ..

باجر بصورلج حركات التقويم اللي عندنا بالمدرسه ..

بس أتذكر تاسع جابولي للتقويم مسدسات تحطين داخلها السؤال هههههههه خوش تقويم >>>>>> يكفي الخرعه ضيعت الإجابه

وهالمسدسات عند أبو 100

الاحاديث اكتبيهم على شفافيات احسن وحتى الايات بعد تلاقين وحدة بالمنتدى عارضتهم ما عليج الا طباعتهم .. وبالنسبة للوسائل كل شي بمكتبة السنافر بالاندلس

إذا كنت ساكنه بالمنطقة العاشرة عندج مكتبة الأسرة فيها شغلات حلوة أو مركزالبدرإلي عند خان الخليلي وإذا ساكنه المنطقة الرابعة عندج مكتبة السنافر

مشكوورين عـ المرور
وعظيم الشوق فديتج أنطر افكارج

ووين مكانها بنات السناافر ؟؟

دلع انا مو بهالمنطقتين بس مو مشكله اروووح عاادي

البدر انا اسوي لوحاتي عنده اهو عباره عن خطاطين ورسامين بس ماكو شي جااهز ؟؟؟

بليييييز عطوني عنوان السناافر بالتفصيل لاني دليله حيل لووول

الاندلس شنو المناطق الي يمها ؟؟

مكتبة الاسره وين مكانها ؟؟

البدر انتي شوفي الوسائل عندهم والي تنفعج في مجالج سوي نفسها مع اضافاتج أكيد ، والأسرة بالفحاحيل عند القيصرية القديمة والسنافر بالاندلس أظن ومجسم الكعبة مرة أخذته من محل حلويات التقديم للحجاج مشي نفسج والحديث اخذي الكتاب وروحي محلات التصوير إلي بالأسرة فوق ينسخها على شفافية ارخص من المكتبات والجمعية بس هاتيله الشفافية والعلبة أظن 3،5وحافظي عليهم تستخدمينهم بعدين حطيهم بملف فيه جيوب ( إذا عطيتج معلومة تنفعج إدعليلي الله ينتقملي من إلي ظلمني)

موفقين

انا اليوم بروح الفحيحيل اطلع لوحاتي من البدر
القيصريه القديمه اي صووب ادري اذيتج بالاسئله بس والله ما ادل كلش
ودام رايحه رايحه الفحيحيل خل امره اخلص شغلي

وحبيبتي الله يجزاج خيير كافي ردج ما قصرتي
والله ياخذلج حقج من الي ظلموج وينصرج يارب

موفقه بيور

غرعتيني من الميداني

الله يوفقج يارب ويسهل امورج بالميداني ..

شدلين بالفحاحيل عشان أوصفلج

شوفي أنا بروح اصلي وراح احاول أوصفلج ،( مطعم جاد على الشارع واضح )مقابل حلويات السهل الاخضر وشركة حطين للأجهزة الكهربائية ( سوق الاسرة على ظهره مطعم جاد)وبجانبه قهوة شعبية صغيرة ومحلات ستلايت واوضح علامة الهنود ترس

وصفته لأمي ودلته

مشكوووره حياااتي ما قصرتي

اووووف شي مو طبيعي وهالسنه مغيرين النظام جايبين لنا مشرف ومشرفه من الكليه كل واحد بيده 45 درجه

يعني 2 يقيمونا مو واحد نفس قبل

وكل واحد له كلام طلبااات

ويوميا يحضروون حصص عندنا

الله يعينا متى يخلص الكوورس بس

ومشكووره حبيبتي عـ الدعووه وعقباااالج