مدرساتنا العزيزات تنصحوني اغير من وظيفتي لوظيفة معلمه

تنصحوني اغير دوامي "الي وايدكشخه"…واصير مدرسه ؟؟؟؟؟

تم تعديل العنوان والموضوع

تنبيــــــــــــــه

يمنع استخدام الاساليب المبهمه

*ضحاوي*

شكرا واسفه ما ادري…

هلا حبيبتي

اذا انتي تحبين التدريس راح تبدعين

مع اني ماانصحك فيه عوار قلب
رئيسة القسم هم لحاله غير الطالبات والشغل اللي وراك بالبيت

والله ما عندي فكره صراحه
ان شاء الله البنات يدشووون و يجاوبووون

لاااااااااااااااااااااا ماأنصحج كللللش صدقيني كراف وأحزاب وهمووووم مالها أول ولا آخر

ومحد مرتاح إلا اللي مايشتغلون ومطنشين

إذا وظيفتج زينة خليج بمكانج ولاتجنين على عمرج

حبيبتي دامج مرتاحه بوظيفتج الكشخه

شتبين بالتدريس والكراف وهمومه

حصص ومنهج ملزومه تمشين عليه واذا غبتي الاداره اطلعها من عينج اليوم الثاني ومشرفه وموجه وناظره

يحضرون حصتج ويقيمون سنه كامله بيوم
يعنى عوار راس

بالتوفيق

أنا صارلى 13سنه بالتدريس ما شفت وظيفه متعبه نفسها تدخلين هالمهنة وعبالج بس دروج درسين وتابعين البنات طلعت السالفة بلاوى مالها أول ولا آخر شى مو طبيعى بصرااااااااااااااااحه شقااااااااااااااااا وكله على حساب بيتى وعيالى ..
خلج بوظيفتج وايد أحسن لا تحطين نفسج بوظيفة أثرها بيكون على حساب بيتج وعيالج …وأسأل مجرب ولا تسأل طبيب(

والله مادري

استخيري وشوفي

واذا حبيتي الشي بتبدعين فيه

الصراحه وظيفتي راقيه ومرتاحه فيها ونفس المعاش …بس عطلة الصيف تونس مع اليهال…,,؟؟؟؟؟يعني اقضب مينوني؟؟؟

قضبيه بريولج وإيدج وبحبال بعد لا باجر تعضين أصابع الندم

الظاهر جذيه…مشكوريين

فكري فيها .. نفس المعاش بس دوام صبح وعصر مع صرف

لا حول ولا قوة إلا بالله والله المستعان (( أختي الزمي الاستغفار عشان الشيطان اللي أعطاج الفكرة يروح من عقلج : (( أنا مدرسة عربي واااايد مجتهدة والحمد لله الإدارة معاي تمام وعال العال وهذا راح يصير معاج لأن باين عليج مجتهدة وراح تعطين بس المطبة مو المدرسة أو المدرسات لكن من رايي هي أولياء الأمور اللي ما في شي يرضيهم وما يرضون إلا بالإمتيازات لعيالهم وإلا فانت أتعس معلمة في الدنيا وتطلع لج المصايب من كل صوب لين تطفشين )) اذكري الله وخلج في مكانج وابدعي فيه حتى ترضين نفسج والله يوفقج

[b]حبيبتي بالنسبة للإجازة لا تحطينها في بالك كلما و يقصرون في العطلة مع قرارات نورية اللي ما تخلص…..يكفي في دوامك تاخذين إجازتك متى ما تطق في راسك ………نصيحة مجربة من الأعماق لاتفكرين في شي اسمه مدرسة ….شي اسمه وزارة التربية…..لأنك ياأختي ستغرقين ستغرقين لشوشتك ….تحسين إنك لازلت طالبة و تفكر بالواجبات اليومية و الأبلة و الموجهة و الناظرة …هم ماله آخر حتى لوكنت مبدعه وتحبين التدريس …أول شي تكرهين عمرك و الساعة لفكرتي فيها هالفكرة، حتى وكيلتي في المدرسة تقولي هالكلام و حطي بالك إنها إهيه الوكيلة …. لا تبلشين روحك .وهذيك الساعة دوري من يطلعك….لأن الداخل مفقود و الخارج مولود[/b]

انا مدرسه تبادلين بالوظيفه الصراحه انطر الساعه الي انتقل فيها من التدريس بيصير عيد عندي