مدارس القيروان

السلام عليكم ورحمة الله وبركاته

شلونكم معلمات

انا اليوم رحت للوزاره وشفت تعييني بمحافظه العاصمه وانا بمحافظه الجهراء وانصدمت من القرار
سألتهم ليش تحطوني بالعاصمه تقول قرار وزاري كل الي بالجهراء يروحون للعاصمة
رحت للمنطقه التعليميه وقالوا لازم تحضرين دوره 139 وتنتهي 219 بالعيديليه وبعدين نقولج وين مكان المدرسه رحت للمراقب وقلتله ودي بمنطقه قريبه للجهراء قال اقرب شي القيروان وانشالله تتعينين فيها بس الفرز بوقت الدوره بالعديليه للمدرسين الجدد
فأنا حبيت اسأل شنو أحسن مدرسه بالقيروان للمرحله الابتدائيه ؟للعلم انا سعوديه الجنسيه بس شهادتي من جامعه الكويت وتخصصي عربي

هلا حبيبتي اول شي مبروك التعيين

ثانيا انا بمدرسه متوسطه بالقيروان

بالقيروان في مدرستين ابتدائي وحده ينين ووحده بنات

بالنسبه للبنات مدرسه فاطمه الدخيل بالضبط جدام مدرستنا الباب جدام الباب يقولون المدرسه زينه والناظرة عسل وتهبل
بس الأقسام مادري

والله والبنين ماعندي خبره اشلون الاداره

والله يوفقج ان شاء الله

الله يبارك فيج حبيبتي
ومشكوره على الافاده الحمدالله طمنتيني شوي كنت متخوفه

ووينكم يأبلات القيروان؟؟؟؟؟

هلا حبيبتي ماحبيت ادخل ولا ارفع الموضوع …بس اللي اعرفه ان اختي تدرس روضه ومرتاتاحه بادارتها تمدحها حييل….. بس بما انج سعوديه حبيبتي حبيت اسالج اناقابليني جامعة الكويت تربيه ومحتاره شنو اتخصص مرات ابي رياض اطفال ومرات ابي ادرس ابتدائي اسلاميه بس خايفه العربي يقولون صعب حده لان الدين مساند عربي وخصوصا انا سعوديه وابي التخصص اللي مرغوب فيه شلون دراسة العربي سهل والا صعب ……….ززواسفه اذا ازعجتج وغيرت موضوعج…داشههههه عرض

انا سمعت عنهم كل خير بعد لانه انا ناقليني العاصمة و من سكان القيراوان و قالوا لي انها مدارس حلوه الابتدائي

بس بغيت سأل المدرستين عندهم رئيسة قسم علوم ؟؟

الله يعين
قالوا السعوديات اللي بالفراونيه والجهرا بعينونهم بالعاصمه وانا مثلج وابي القيروان مدرسه متوسطه وادرس تربيه اسلاميه

اولا :الف مبروك القبول بالجامعه
ثانيا :لا تخصصين رياض اطفال او تربيه اسلاميه ابتدائي لانك راح تتعبين بالوظايفه مو مرغوب فيه للسعوديات مكتفين
ثالثا: انا كنت احب الرياضيات وما اواطن شي اسمه عربي بس سبحان الله بسبب الظروف تخصصت عربي لانه مافيه مختبرات واتأخر للمغرب واخذت ابتدائي مساند اسلاميه بصراحه دراست العربي الابتدائي سهله مرررررررررره مع اني مستحيل احفظ قصائد بس كنت اختار الدكاتره الزينين لان هناك بالجامعه سهوله الماده مو من المقرر لا من الدكتور وصدقيني بتمشي بسرعه
والله يوفقك انشالله

مشكوره حبيبتي عالإفاده وجزاك الله خير
والله يوفقك وتخلصين الدراسه وتدخلين الجامعه

مشكوره على مرورك
اما بخصوص سؤالج ماعندي علم

شفتي نحاستهم ليش ما يحطونا بمحافظتنا ليه ألي بالجهراء بالعاصمه والي بالعاصمه بالجهراء وربي قهر

انا معلمة في مدرسة فاطمة الدخيل ابتدائي بنات و المدرسة زينة و الادارة تهبل و قسم العربي زين واكثره سعوديات
وباين عليهم حبوبات انا قسمي غير وما اختلط معاهم بس المديره عسل مع اللي يمشي سيدا والوكيلتين يهبلوووووون