مدارس اجنبيه حديثة العهد

بنات ماكو مدارس اجنبيه حديثه يعني توها فاتحه؟؟؟بصراحه انهبونا هالمدارس وااااااااااايد رسومهم نار وكل مالهم بالزايد

والتعليم الخاص مخليها سبهلله لارقابه ولاشي وكل واحد يزيد الرسوم بكيفه!اشدعوا كلها مدرسه مو جامعة اكسفورد<–قلبي متروووسفاللي تعرف مدرسه اجنبيه نظام بريطاني وتوها فاتحه بلييييييز تقولي لان اكيد رسموها بتكون معقوله

مشاهدات بدون ردووووووووووووووووووووووووودليش

نفس حالتج
up
up

كان ودي افيدج بس ماعندي خبر بس امس شفت مدرسه الخليج الانجليزيه للي بشارع عمان اسعاره وايد منااسبه

شوفي أكسفورد بسلوى..والعالميه الإنجليزيه ورا مجمع العدساني بحولي..والأكاديميه الأنجليزيه بالجابريه.. المدارس كلها غلت بعد ماأعتقد فيه رسوم أقل..حتى الغانم بسلوى زادوا رسومهم بس هم شوفيها..

هلا مرووووووووو حياتي اكسفورد لألألألألألألألألألأ هابطه حدها والباجي امبييه رسومهم موووصج خبرج عتيج
بس ودي اذا احد يعرف الاكاديميه الدوليه الانجليزيه بميدان حولي صوب مدرسة الشاهين والجميل ان شالله عرفتوها هذه تبع الشايع بعد يعني شوي ارقى من اكسفورد بس مادري منو مجربها ياااارت يفيدنا

هلا حبي هالمدرسه تعيييييييييييييييييسه انا جربتها لعب × لعب

الأكاديميه الدوليه اللي بميدان حولي اللي أعرفها أنها تابعه أكسفورد..ولد أختي كان بأكسفورد وهو صغير قبل لاتنقله ومره قالولها أن المتوسط والثانوي مالتهم في الأكاديميه الدوليه..آنا قبل سنتين قبل لاأنقل ولدي العالميه رحت الأكاديميه الدوليه..وأخذت الأبليكيشن وأخذت موعد حق إختبار مستوى بس تالي بطلعتي سألت ثنتين من الأمهات عن المدرسه وماأمدحوها لي وخفت هونت ماوديته..والله ماكو مدرسه كامله من جميع النواحي..لازم تصادفج شغلات تضايقج ..بس في مدارس أهون من مدارس..الله يكون بعونا

مدرسة أسرار القبندى بالدسمه

ومدرسة روض الصالحين بحولى

والقطوف والمدارس الباكستانيه

المدارس الخاصه تبى ميزانيه كبيره والى على راتبه ما راح يتعب خاصه اذا عنده كذا طفل

الله يوفقنا ويوفقكم جميعا ,, ودي نسوي أي شي يخلي الوزاره تفتح عينها شوي , شنو هالزيادات السنويه ! ليش ؟
وبعض المدارس زياده مهوله عالفاضي حسافه ماكو ذمه الله يهديهم
جان زين زياده كل خمس سنوات 5% – 10% ميخالف .. بس كل سنه هذا شي مو معقول !! وين بيوصلون ؟
كمبرج حولي زينه وسعرها زين / بس ما أحب المدارس اللي كلّش نظامها مايعطون اللغه العربيه حقها .. العربي مو قوي فيها.. بل يعتبر ضعيف نسبيا. لكن كمدرسه وكسعر جيده جدا.

حلم حبي والله ودي, انبح صوتي وانا اقول لييييييييييش هالغلى بالرسوم اشدعوه اشصاير والمصيبه ان اولياء الامور متقبلين لازم نتكلم ونقول الحين وايد اشياء نزلت اسعارها اذا العقار نزل سعره بعد عزوف المواطنين عيل المدارس اشلون!! الايد الوحده ماتصفق واغلبية الطلبه بالخاصه اجانب والاجنبي الشركه تدفعله يعني مو متضرر عشان جذي عادي عنده اما احنا لأ من رواتبنا ومحد يدفعلنا فلازم اكو حل حق هالسالفه وياريت نشوف حل والمصيبه الثانيه ان الزياده مو 5% لا والله يمكن 50%

اي انا ادري انها تابعه لاكسفورد بس عسى المدرسين مو عرب مثل اكسفورد شالفايده ادفع آلاف والاكسنت كله غلط جنها مدرسه اهليه!!!!!!!!!!!واولياء الامور اللي يتذمرون يبطون الجبد يتذمرون وهم تامين بالمدرسه!شي يحير بصراحه!
مرووو انتي لما رحتي شنو كان انطباعج؟؟وشفتي المدرسين؟؟ المبنى اشوفه مترمم حاليا مريت صوبه بس مادخلت

والله حيرتيني بس انا شفت نااس مادحينها بصرااحه انزين الخليج للي بالسالميه شلونها يقولون اسعارها مناسبه بعد

في مدرسة الشمس المشرقة للتعليم المبكر في سلوى بس kg1 كي جي 2 في المبنى الثاني لانها تابعة للمدرسة البرياطنية
مبنى جديد وحلو بس حسافة غالية 1700 بالسنة

Gulf English schoolالسالميه هذه عجيييييييييييييييييبه عيالي تأسسوا فيها من ايام رميثيه بس رسومها غاليه حبي