|
|
قوة بنات شلونكم؟؟؟؟
الشكوى لله….. توني ادري ان مايصير الحامل يوظفونها الا بعد ما تولد!! شدعوة؟ شفيها الحامل يعني؟؟؟ و المشكلة بالفحص الطبي. ماتقدرين تخشين!
انا قالولي البنك المركزي انتي مقبولة بس كملي اوراقج و داومي بعد ماتولدين! يعني اقعد بطالية 8 اشهر و زود. حتى اذا دقوا علي مكان ثاني بهونون اول مايدرون اني حامل
والله اول مره ادري بهالشي … شدعوه عليهم شفيها الحامل بتشتغل حالها حال غيرها …
الله يكون بعونج ويسهل عليج
لا فيه وحده قالولها اشتغلي بس لما تولدين سوي الفحص الطبي
اللي اعرفه ان الحكومة عادي يوظفون بس البنك المركزي دعلة
مشكورين بنات! انا وايد منصدمة من دلعهم الصراحة! اداوم الحين قبل لا اولد اسهل من اني اولد و اداوم و وراي baby بالبيت و ترضع و حالة! مبادئهم خرابيط! خايفين يعطوني وضع بأول سنة دوام …
اهم عطوني اوكي مقبولة بس اداوم بعد ما اولد! و الصراحة البنك المركزي فرصة لا تعوض. تهقون يسوى انطر؟ ولا أقدم على اماكن ثانية ؟ مع اني حاسة السيناريو بيتكرر بوايد اماكن
اهم عطوني اوكي مقبولة بس اداوم بعد ما اولد! و الصراحة البنك المركزي فرصة لا تعوض. تهقون يسوى انطر؟ ولا أقدم على اماكن ثانية ؟ مع اني حاسة السيناريو بيتكرر بوايد اماكن
إن شاالله خيره لج حبيبتي لا يضيق خلقج
ونطري لا ترفضين دامهم قالوا بعد ماتولدين راجعي
الله يسهل عليج إن شاالله
وهالقانون من زمان مو توه والظاهر يطبق على ناس وناس
شوفي انا كنت حامل بوزاره حكوميه وقالو ما يصير حدج الرابع او بداية الخامس تتوظفين وانا كنت بالسادس علشان جذي عقب ما ولدت توظفت بس اذا باول الاشهر عادي
بس بالنسبه للبنك المركزي مادري شلون اذا متاكده المكان زين انطري يمكن خيره
وانتي استخيري حبيبتي والله يوفقج
جزاكم الله خير بنات. و الله يسهل انشالله! ما قصرتوا و الله يوفق الجميع
اللي اعرفة باول الاشهر عادي
هالقانون عتيج الصوف
مو شي يديد
مو شي يديد
الحامل يخللونها في بيتهم
عقب ماتطلع من الاربعين تروح تكمل اوراقها
خيره ماتدرين
الله يتمم عليج حملج
ويرزقج بالذريه الصالحه
انا متوظفة قبل سنتين وكنت حامل بالخامس جنه
عادي؟! ماذكر قالو شي بالفحص الطبي!
عادي؟! ماذكر قالو شي بالفحص الطبي!
الله كريم. يمكن خيرة. مشكورين بنات
انا توظفت الكورس اللى طاف ورفيجتي كانت معاي وسوينا الفحوصات ماعدا الاشعه ماسوت هي اجلوها الى مابعد الولاده وتوظفت سيده بدون الاشعه
وهالقانون من زمان مو توه