محتاره اختار منو من هالدكاتره ساعدوني

السلام عليكم

الله يسلمكم بسالكم اي دكتوره تنصحوني اراجع عندها ؟؟

انا محتاره بين ليلى اشكناني ونداء بوخضور ووحده برويال حياة نسيت اسمها بس مو امل عبد العزيز الثانيه

مع العلم اني ناويه اولد بدار الشفا او رويال حياة فشرايكم ؟؟ شتنصحوني ؟؟؟

اي ذكرت اسمها خالده المجيبيل او المجيبل

بنات وينكم

انا اراجع عند الدكتوره ليلى اشكناني وانصحج فيها والله تهبل وحدي مرتاحه معاهاااا

الله يسهل عليج

انا برايي راجعي بدكتورة المستشفى احسنلج و اذا بالنسبه لدار الشفا عندج اسامه و حسام

ليلى أشكناني
وخالده المجبيل

هذيل التوب

وإذا تبين إبرة ظهر روحي رويال حياة
ولاتخلين غير دكتور عمر الخطيب يطقها لج

نداء بوخضور تهبل

الرسول عليه الصلاة والسلام يقول : اعقلها وتوكل…………
كل الدكتورات اللي سميتيهم ممتازين والسهالات أول وتالي من رب العالمين…. واذا تبين نصيحتي اختاري اللي قلبج يرتاح لها والباجي على الله……موفقة انشالله…

كلهم زينين

انا اراجع عند نداء وصراحه تهبل الطبيبه ونفسيتها زينه وفوق هذا شاااااااااااااااااااااااااطره

السلام..
انا الحين عند دكتزر اسامة بدار الشفا بس احس الريال ما يحس فيج مثل المرة وانشاء الله بغير بروح عند دكتورة امل برويال حياة

والله اسهل و اتمم علينا كلنا

نداء بوخضور

يزاكم الله خير كلكم

انا ببجري ولدي حسام كامل بدار الشفا صراحه روووووعه هالانسان فظيع اسلوب وتعامل الله يعطيه العافيه

وقبله كنت اراجع عند زكريا هم بدار الشفا بس سافر وحولني على حسام بس هم زكريا يهبل

بس هالمره ناويه اولد عند مره عشان جذي محتاره بين هالثلاثا

ومشكورين وايد

انا ولدت في رويال حياة عند دكتورة خالدة المجيبل واااااااااااايد ممتازة وشغلها موطبيعي

وانشالله تولدين بالسلامة

اللي تلقين عندها موعد اقرب روحي لها
شوفي وين التسهل بتكون خيره لج عقب حكمي اذا بتكملين ولا تغيرين

اللي ردو بنات مشكورين وايد انا للحين ماراجعت توني راده من السفر وبروح هاليومين بس للحين محتاره وين اروح