محتاجه مساعدتكم دشواا

سلام عليكم بنات ابي دكاترة عيون شاطرين مع ارقام عياداتهم والي لها تجربه عند دكتور زين تعطيني اسمه وانا مشكلتي أني كنت حاقنه ماده دائمة بالخد وارتفعت مع الوقت للعين بالجفون ومن فتره أخذت موعد عند دكتور عيون اسمه عادل البلوشي رحت له لانه قريت عنه مدح من بنات بالمنتدى وقالي سوي أشعة رنين وتعالي سويتها ولما شافها قالي الماده موجوده بالخدود لو شلتها من العين بترجع لج نفس المشكلة لازم تروحين دكتور تجميل يشيلها من الوجه اول عاد أنا حاطه بالي اروح لدكتور هيثم مراد متخصص بالوجه وأخذت عنده موعد بس بنات المشكلة انه دكتور عادل قالي أشيل لج من جفنج العلوي واسويلج شد جفون هذا اوك بس جفنج السفلي متصلبه فيه الماده روحي لدكتور تجميل يشيلها لج أفضل وضاق خلقي ما ابي دكتور تجميل يحوش عيوني لانه صارت لي تجربه فاشله قبل هالمره ومستحيل اغامر بعد كافي الي صار لي والله تعبت سنتين وانا احاول أطلع هالماده ومن بعد كلام الدكتور حسيت أني فقدت الأمل لانه مثل ما قلت لكم نويتها عنده وارتحت له حييييل بس مو راضي يحوش جفني الي تحت مو عارفه وين اروح نفسيتي تعبانه حيل الله يجزاكم خير تردون علي وتفيدوني بمعلومة

حبيبتي اجر و عافيه ان شاء الله
انا اعرف دكتور تجميل وااايد شاااطر اعتقد بيفيدج اسمه د/وائل الخميس هو ماسجتير جراحة تجميل و جربته من قبل سوالي غمازات و بعد بعملية شفط دهون و كان ممتاز انصحج تراجعي وياه و ان شاء الله يساعدج

الله يعافيج ي قلبي آنزين هالدكتور وين مكانه ؟ ابي رقم عيادته ومشكورة

بنااات وينكم فيددوني ابي دكاترة عيووون والي حاقنه ماده دائمة وشالتهاا تكتب تجربتها بليييييز

up
up
up

بنات وينكم شدعوه مشاهدات تزيد والي علقوا شويه وشكثر الي مسوين حقن دائم وينكم دشوا نستفيد من بعض ونحل هالمشكله كتبوا تجاربكم هذا ثاني موضوع أبطله وماكو تفاعل وغير المواضيع الي تبطلت وكل وحده توصل لحل تختفي ماتدش مره ثانيه تفيد غيرها مادري ليش هالنحاسه وخاصة هالموضوع دمر نفسية كل بنت مرت فيه المفروض الي توصل لحل تكتبه وشرط لو أنا منزله موضوع وكاتبه أني تخلصت من الماده جان ألقاه مية رد مادري ليش هالناس تحب تستفيد وبس

أب أب

اليوم موعدي كان عند الدكتور هيثم مراد والحمد الله كان حبوب ويأخذ ويعطي بالكلام شاف الأشعة وبعدها قالي انه لو الماده بخدودج بس آسويها لانه في حالات مسوي لهم جراحه من داخل الفم بس قال انتي جهة اليسار صاعده لعينج وعند الحاجب وهذا شي خطر لازم ماتسكتين عنه وأنصحج تروحين له دكتوره صبريه افضل دكتورة عيون وقال آهي بتشيله لج من الجهه الثانية بعد الي بالخد يقصد يعني عمليه وحده ومدحها لي وقال انها شاطرررره وان شاء الله يارب يكتب لي الشفاء وتكون خير لي وتوني حجزت عندها موعد

الحين ياليت الي مجربه عند دكتوره صبريه تذكر تجربتها محتاجه اقرأه تجاربكم الله يجزاكم خيررر

والي عندها ماده بخدودها نازله ومتكوره انصحها تجرب تروح لدكتور هيثم لانه أتوقع لو بخدي بس جان شلت هالماده الزفت عنده وارتحت خاصة انه ماره عليه حالات شكثر ومعالجهم ً والله يشافي كل بنت تعاني من هالمشكله وتفرجها علي يارب