محتاجه دكاتره لتوسيع العين+شد البشره+ تجميل الاسنان

مرحبا حبيباتي .. حبيت اسألكم عن عمليات توسيع العين في ايران وين ومنو مضبوط فيها ؟وشلون اتم بتخدير عام او بنج موضعي اوجراحه؟
وحبيت اسأل عن دكتور زين لشد البشره والتجاعيد ورفع الجفن .. وايضا الاسنان تجميلها .. الله يخليكم ساعدوني اللي غدها خبره وانتو ماشاء الله تعرفون امور كثيره .. انتظركم

تواصلي مع شركة الاثير للمصحات العلاجيه ومقرها طهران وهم يعرفون معظم الاطباء واسعارهم .. وهذا حسابهم @tajmilirani

او تواصلي مع المترجم السيد حسن الموسوي وهذا حسابه TEBTUB@

وعندج بعد الاخت جواهر تواصلي معاها وهذا موضوعها

شيراز حمله عمليات الانف وشد وتصغير الصدر والبطن
شيراز حمله عمليات الانف وشد وتصغير الصدر والبطن

بالنسبة للاسنان انصحج بس تعدلينهم وتركبين تقويم .. والتقويم فيه منه المرئي والغير مرئي وفيه اللي يركبون التقويم ورا الاسنان حق الناس اللي ما يحبون انه التقويم يكون من جدام

اما التلبيسات ومنها ابتسامة هوليود فما انصحج فيها لانج راح تضطرين تبردين اسنانج بشكل عمودي لين تصير سماكة الاسنان ضعيفه .. ويبردونها علشان يركبون التلبيسه عليها .. واذا مثلا بعد ما ركبتي التلبيسه وما حبيتيها وحبيتي تشلينها فما راح تقدرين تشلينها لانه اسنانج خلاص صاروا مبردين وشكلهم مو شي ويخرعون .. واكبر استشاريين الاسنان ما ينصحون فيها الا للضروره

اقري هالموضوع عن التلبيسات اللي من انواعها ابتسامة هوليود

قبل لا تسوين تلبيس أسنان من أي نوع لازم تعرفين الأضرار اللي محد يتجرأ يقولها لج
قبل لا تسوين تلبيس أسنان من أي نوع لازم تعرفين الأضرار اللي محد يتجرأ يقولها لج

وهذي تجربة الممثله وخبيرة التجميل العنود بابتسامة هوليود

Fana_3 حبيبتي التقويم كم مدته؟ انا حيل مزعوجه من اسناني اريد اضبطهم واعدلهم وبوقت سريع مااريد السالفه تطول

حسب اسنانج يحددون المده اللي تحتاجينها .. ونصيحه حتى لو كان التقويم مزعج ويبيله مده لتشلينه أفضل انج تحطين تقويم ولا انج تركبين تلبيس وتخربين اسنانج الاصليه وطريقتج بالاكل

شكرا بنات .. طيب وتوسيع العين محد ردت عليه شلون تكون العمليه تخوف ولا لا؟ وتخدير لولا؟ عفيه وردت اطباء شد البشره وتعديلها لفوق سن الخمسين .. يعني خطوط وتجاعيد .. بنات ساعدوني

شوفي اللي اعرفه انه في عمليتين تجميل للعين .. العملية الاولى يسوونها للجفون علشان يكبرون العين وتعطي مظهر شبابي .. واللي يسوونها اكثر شي شعب شرق آسيا اللي عيونها مسحوبه او الناس اللي تكون جفوها مترهله او متضخمه او منتفخه .. وهالعمليه عند دول شرق آسيا مثل الماي ومحترفين فيها والاغلب مسويها .. واعتقد انها عمليه سهله .. وهذا نموذج من هالعمليه

وفي عضوه سوت نفس هالعمليه اهني بالكويت .. وهذي صورة عيونها قبل وبعد

واهني عيونها بدون مكياج

وهذا موضوعها

عمليتي للجفون العلويه عند د.عادل البلوشي بالصور
عمليتي للجفون العلويه عند د.عادل البلوشي بالصور

——————-

العمليه الثانيه اهي عملية توسيع العين بالعرض من طرفي العين .. واعتقد هالعمليه خطيره

واقري هالمواضيع يمكن يفيدونج

عمليه توسيع العيون!!!!!!
عمليه توسيع العيون!!!!!!

مستشفى الراشد تجميل العيون !!!!!!!!!!!! تعالو اقولكم شنو سمعت
مستشفى الراشد تجميل العيون !!!!!!!!!!!! تعالو اقولكم شنو سمعت

توسيع العين
توسيع العين

وكتبي هالعباره بغوغيل (كل ما تريد معرفته عن تجميل العين و الجفون) واقري الموضوع

اخت مايا اذا انتي من الكويت في عيادة تجميل بإيران اسمها بادرا على ما اعتقد وعندها فروع بوايد مدن بإيران وهالعياده فاتحه فرع بالكويت للحجز بإيران ويقدمون استشارات مجانيه وفحص مجاني .. والخدمات اللي يقدمونها تجميل الانف – زراعة الشعر – توسيع العين – شد الوجه – سحب الشحوم .. اذا انتي من الكويت دقي عليهم وسأليهم عن الدكاتره اللي يتعاملون معاهم بالنسبه لتوسيع العيون واذا ما كنتي من الكويت كلميهم واتساب واخذي عنوان عيادتهم بإيران .. العياده الرئيسيه بشيراز وفاتحين فروع بمدينة مشهد – طهران – بندر عباس .. وهذا حسابهم بالانستغرام padra_int@

وبالنسبه لموضوع اختك وسؤالج عن الدكاتره اللي شاطرين بالأنف اللحمي حاولي بعد تستشيرين الدكتور رجب شيرواني والدكتور شابوري بطهران هذول التوب بإيران واغلب المشاهير والفنانين يسوون عندهم والدكتور شابوري ما اعرف اسمه بالكامل واذا سألتي عنه قولي الدكتور شابوري اللي يسوي للمشاهير وعنده خبره اكثر من 35 سنه بجمال التجميل