مجلس الوزراء ,,, تغيير أسم منطقه العــــارضيه . الى أسم ؟؟

اليوم قريت هالخبر …

وبناء على أمر حضرة صاحب السمو الأمير حفظه الله ورعاه باطلاق مسميات على بعض المناطق في دولة الكويت فقد أحاط وزير الأشغال العامة ووزير الدولة لشؤون البلدية الدكتور فاضل صفر المجلس علما بقرار المجلس البلدي بتسمية بعض المناطق والشوارع وفق التالي..
اطلاق اسم الصريف على منطقة جنوب الصباحية واطلاق اسم الدانة على منطقة غرب أبو فطيرة واطلاق اسم الاستقلال على منطقة العارضية واطلاق اسم التحرير على منطقة ضجيج الطائرات جنوب الفروانية واطلاق اسم عكاز على منطقة شمال غرب الدوحة واطلاق اسم المرحوم الشيخ سالم صباح السالم الصباح على أحد الشوارع الرئيسية في البلاد.

رابط الخبر …https://www.news.gov.kw/ndetail.aspx?nid=1616&cid=1

الأستقلال أسم حلو ,,, وذكرى عايشه بقلوب كل الكويتيين ,,, أنتوا شرايكم ..؟؟

افا ليش غيروا العارضيه

الناس تعودت عالاسم

الاستقلال حلو بس خل يسمون منطقه يديده بهالاسم

ياســـــــــلام على هالخبر الحلـو
عاشت الكويــت وعاشت العارضيـــــــه
هذي المنطقه الرائـعه والمتميزه صراحـه ونفتخر فيهـا صراحـه
1_العارضيه منطقـه تجمع كل اطياف المجتمع الكويـتـي
2_ناهيك عن قربها من اكبر مجمع في الكويت والشرق الاوسـط المجمع الشهير الافنيـوز 5 دقايق تقريبــا
3_وجـود استــاد جابـر الاحمـد الدولي فيهـا [جنوب العارضيـه]
4_جامعـة العـارضيــه[كلية الدراسات التجاريه وكلية التربيه الاساسيـه بنات+بنين]
5_مقهـى الفروانيـــه الشعــبي في العارضيـه
6_قنوات تلفزيونيـه الوطن+العدالـه+فنون
مطاعـم وجبات سريعـه[برجر كنج+كنتاكي+ماكدونالز+هارديز+المعلم+البراحـه] بنوك[ الوطني _التجاري_ التمويـل _الكويت والشرق الاوسـط ]فروع وجمعيات 12 ساعه+24 ساعـه
ناهيك عن قربها من مستشفـى الفروانيـه ووجــود ابـراج تخزيــن الميـاه فيهــا +قربها من مناطق سكينـه الاندلس +الفردوس+الرقعي+الفروانيـه+صباح الناصـر+عبدالله مبـارك الـخ
كمـا يقطن بها عدد من مشاهيـر الكويــت كالفنانــه شجون الهـاجـري +خالد العبيـد+ الفنان مشعل الجاسـر+المذيع المتميز عبدالمحسن البرقـاوي+ عضو مجلس الامه السابق رجا حجيـلان +المطرب حمود ناصـر+نجم ستار اكادمي فهد الزايـد + الاعلاميه المعتزله نهـى نبيـل وغيـرهـم
وتحياتــي

ياسلآم بترتفع اسعار العقارات فيها من ورا هالدعايه

اهم شي نسيتيه دوار الهرم

والمقهى الشعبي لووول ياحلاته بس لي الحين موحاطين له طرررريج تعبنى من الحفر

بس ترا جامعة العارضيه بصباح الناصر

خصوصا التجاري بنات+وبنين

والاستاد مقابل الجليب واقرب لاشبيليا وصباح الناصر

بس اخ من جمعية قطعه 8 تسكر بسرعه ليييييش مايمديني اتغرض هههههه

يا رضاها من صجج انه الحكومه من عندها شغل غير تحارب القبيلة عن طريق ازالة الاسم من منطقة سكنية؟؟

بعدين حبيتي اذا بتقيسنيها بهذي الطريقة ياعني مادري شلون الاستقلال الكويت من الاستعمار الانجليزي هذا مو أهم ماضي ؟؟

وبناء على أمر حضرة صاحب السمو الأمير حفظه الله ورعاه باطلاق مسميات على بعض المناطق في دولة الكويت

صادقة والله … مانقوول غير الشكوى لله ..

كلامج عدل
قلتي اللي بقلبي
الله المستعان

لا لا حبيتي

بس انتو هالأيام وايد حساسين بسبب الظروف السياسية الحالية

عمري وهذي لجان خاصة في البلدية مالها شغل بالوضع السياسي

حبيتي لا تكبرون موضوع مثل هذا والله ما يسوا

ايهم ما غيرو اسمها من اسم حلو ( عارضية ) الى اسم أحلى ( الاستقلال)

فقط لا غير

كفيتي ووفيتي