|
|
شلونكم كويتيات .!؟
بنات حبيت اطرح هالقضيه لاني بصراحه مستغربه
من ردود بنات في موضوع من المواضيع في المنتدى
القضيه هي
::
اسقاط القروض
يعني بصراحه كلنا نعرف ان اسقاط القروض يحمل الدوله خسااير بس ترا مو خسااير الي تضر الدوله وتاثر على ميزانيتها
..
وكلنا نعرف ان في فئه كبيره من الكويتين ماخذين قرض
اياً كانت الاسباب
يمكن يكون القرض للبيت
يمكن يكون القرض لدين
يمكن يكون القرض ضروف اجتماعيه
وهم بعد
يمكن يكون القرض لسفره او لسياره
مانستبعد شئ بموضوعنا
المهم انه قرض وخلاص
انزين الي اخذوا قرض للبيت او لظروف او لسفره
تهقون اندموا….؟؟
يعني حسوا بندم
تهقون تعبوا
تهقون صار فيه تقصير عليهم وعلى عيالهم وعلى بيتهم
وتهقون تردت حالتهم الاجتماعيه
…؟
طبعا الجواب : نعم
اذا كلنا قلنا لا ماتسقط القروض
اذا كلنا قلنا يستاهلون >>علما نهم اهلها واخوانا
اذا كلنا قلنا جزاهم واقل من جزاهم
من راح يوقف معاهم
؟
…………….
يعني رب الاسره الكويتي الي معاشه 1200 تقريبا
القرض ماكل اكثر من نص المعاش
الباقي شيكفي
>>بتقولون غلط ويتحمل غلطته
بقولكم ايه غلط
بس اذا ساعدناه
وطيحنا القرض
راح تنقص معاشاتنا
راح تتردى التربيه او الصحه او البلديه او …الخ
راح يتغير مستوانا المعيشي
اذا كل هالاشياء ماراح تصير لنا لما يطيحون قروضهم
ليش نحسدهم
ليش نبخل عليهم
ليش نتاكثر عليهم الوناسه والفرحه الي راح تصير بقلوبهم
استغرب من بعض الكويتين الي يعارضون اسقاط القروض او شراء المديونيه لهدرجه مستكثرين على الكويتي الي قاصه ظهره القروض الوناسه
ترا مارح يتغير فينا شئ اذا طاحت القروض
هذا حااااااااااااااالنا
بس هم الي راح يتغير حالها فوق حدر وراح تتحسن حالتهم
وبالنهايه بنات مابي وحده تدش الموضوع تهاوش وتطلع حرتها علينا
الموضوع للنقااااش فقط مو للهواش
وياليت ماتنسون التصويت وياليت كل وحده تقول وجهه نظرها
اذا مع او ضد وليش:.؟
مو عشـان علي أو على أهلـي قـرض .. الحمـدلله ما علينـا قـاصر
بـس لو كـان عندي قرض أكيـد كنت تمنيـت إن يسقـط
يعنـي أحـب لأخيـك ما تحبـه لنفسـك ..
اتمنى الخيـر لغيري مثـل ما اتمنـاه لـي ..
و إن شـاء الله يسقطـونـهـا
….. *
لآنه آهم شي آلعدل و بِ هـَ آلحركه لآ يوجد عدل ،
و آلشعب لآ خذآ قرض لِ بيت لِ سكن آتعآطف آكيد
بس لآ بنوك ربوَيه و فوآئد و وآيد حق آمور ليست
آسآسيآت للحيآه فَ آنآ ضِد ..~
*
علما اني ماعلي الا قرض بسيط اخذتها للعمليه سويتها ماتعدا الفين
بس فيه نفس حالتي العمليات والمستشفيات اخذوا منهم اكثر
ضـد
*
لكن من جهة ثانية اذا الدولة تبى تسقط القروض و بنفس الوقت تحط قوانين تمنع الربا و تفرض على البنوك المنع و التشديد على سياسة الاقراض و تحط شروط محددة و صعبة .. انا بهالحالة اييد الاسقاط .. لان المشكلة ما راح تكرر مرة ثانية ..
اما اسقاط قروض بكل بساطة و بدون تعديل الوضع القائم للبنوك و وضع سياسات عامة تحد من القروض الاستهلاكية ( و بدون وضع ضرائب على الاستهلاك ) فهو ظلم للوطن اللى الكل يتغنى بحبه هالايام .. و لان الاجيال القادمة ايضا هم تبى تقترض عشان ترمم بيت او يشترون سيارة او يسافرون لان هذى الحاجات مستمرة طول ما الدنيا مستمرة و النفط مستمر ما راح يوقف الاستهلاك فى ظل الدولة الريعية ..
انزين الي اخذوا قرض للبيت او لظروف او لسفره
تهقون اندموا….؟؟
يعني حسوا بندم
تهقون تعبوا
تهقون صار فيه تقصير عليهم وعلى عيالهم وعلى بيتهم
وتهقون تردت حالتهم الاجتماعيه
ردا على سؤالك هل لما اسقطت فواتير الكهرباء و الماء عن المواطنين فى بداية التسعينات .. هل اصبح الناس الان ملتزمون بدفع فواتيرهم ؟ و هل قل الاسراف ام بقى على ماهو عليه ان لم يكن زاد ؟
مع العلم لم نكن نعانى فى تلك الفترة من انقطاع الكهرباء فى تلك السنين نفس السنين الاخيرة ؟
الله خلق الانسان وخلق فيه الشهوات و حب زينة الحياة الدنيا .. و انا اتكلم بشكل عام ما اتكلم عن حالات خاصة اضطرت للاقتراض .
و مشكورة حبيبتى على الموضوع .
وتحس بمعانات اخوانها الكويتيين —الله يكثر من امثالج في بلد الخير — الكويت ماتستاهل الا الناس الطيبة —
والا اللي شايل بقلبة نحاسة وانانية –ماراح ينفع ولا يسر من انانيتة وراح يسبب زعزعة وشوشرة على غير سنع —
الله يهديم انشاالله ————
لأنه مهما كان هذا دين لازم أوفيه
لكن انا أأيد اسقاط فوايد القروض , لانها المفروض تكون نسبتها قليلة لكن اللي يصير مو طبيعي , اللي اخذ قرض بعشر آلاف يرده اربعين ألف
اشلون؟؟
حتى اللي ما يأيدون اسقاط القروض معاهم حق
في ناس مقصرة على نفسها وما خذت قروض لانهم يستحرمون او انهم ما يحبون الدين
اشذنبهم ؟؟؟
|
المشاركة الأصلية كتبت بواسطة اخت خالتهم
 انـا مـع اسقـاط القـروض
مو عشـان علي أو على أهلـي قـرض .. الحمـدلله ما علينـا قـاصر بـس لو كـان عندي قرض أكيـد كنت تمنيـت إن يسقـط يعنـي أحـب لأخيـك ما تحبـه لنفسـك .. اتمنى الخيـر لغيري مثـل ما اتمنـاه لـي .. و إن شـاء الله يسقطـونـهـا |
تسلم هالايد والله فديتج أخت قلتي الي بقلب أختج والله
الحمدلله ماعلينا قروض ,,
ولآ أبي أعرف اللي خذوا قروض شنو أسبآبهم سواء لـ حآجة أو غيرهـ
بس اللي اعرفه انه الدولة ماراح تتأثر ميزانيتها ! واللي أعرفه اني ابي اشوف عيال ديرتي مرتآحين
واللي يتكلم ويقول ظلم ,, ووين العدل ؟؟
بسألكم وين العدل فانكم تحرمون اللي مآخذ قرض عشان يفك أزمة من انه يرتاح بس لانه واحد ثاني خذا قرض عشان كشخة !
أنا استغرب هالحسد من وين جاي اذا انتي مو ماخذه قرض الف الحمدلله ع النعمة اللي انتي فيها بس لا تحسدين غيرج !
حب لأخيك المسلم مآ تحبه لنفسك !
مع اسقاط القروووض
وانا الحمدالله ما علي قرض وان شاءالله ما أحتاجه
بس أبي الخير لأهل الكويـت
يستاهلون والله والحكومه ان شاءالله ما تقصر وياهم