مثاااااااااااااااال للمرأة الصابره وتقدر تعيش بأمل

السلام عليكم ورحمة الله

هذي قصة أمل ، أبثها في قلوب الحزينات من الطلاق ، وخاصة اذا كان عن ظلم ,,
وهي قصة حصلت قريب من سنه تقريبا ..

هذي قصة قريبتي ..

قريبتي هذي خطبها واحد وهي كانت مستعجلة للزواج ، فتزوجته وكان عمرها تقريبا 21 سنه ..

وبعد الزواج ، اكتشفت انو زوجها اتزوجها مرغم من أمه ، لأانها كانت ابنة رجل معروف بالصلاح ..

وطلع زوجها غير انه متزوجها ارغاما ، بيحب وحده ، ويتمنى الزواج منها …

المهم بعد الزواج ..

كان يطلب منها انو تكشف وجهها ، وهي انسانه اتربت على انو تغطي وجهها فرفضت ، مع انها ماهي ملتزمه بس كانت تقول مستحيل اكشف وجهي وتتخاصم معاه عشان ذا الشئ

وكان مايصرف ع البيت والثلاجه فاضيه تماما ، ولما كانت امها تزورها ، تجلس تأكل المعجنات الي جابته امها كأنها بمجاعه !!

وعلى أبسط شئ كان يصرخ عليها ويخاصمها ..

وهي مسكينه صبرت .. وتحملت ..
لكن صار يمنعها من الطلوع لأهلها ولأي مكان وفقط يبغاها في البيت ..

المهم

جلست معاه 3 اشهر تقريبا كلها مشاكل في مشاكل ..

حتى طلقها ..

بعد ماطلقها وحسبت انو اتفكت منه نهائيا ، طلعت حامل منه ..

جلست في بيت أبوها

بعد اشهر الحمل الطويلة ، ولدت ولدها البكر ,,

وايه صح هو بعد ماطلقها اتزوج الي يحبها طبعا وعايش مبسوط ورامي ولده عندها إلا بمصروف قليل جدا!

فطبعا هي انسانه مظلومه ، تزوجت واحد قلبه مع وحده تانية ويأمرها انها ماتتحجب ..
فهنا جاء الفرج من الله..

خطبها واحد ماقد تزوج قبل ، وشخص ماشاء الله اخلاقه عالية وعكس صفات زوجها الأولاني تماااامااا ..

ويحب ولدها لدرجة انو الولد بيناديه بابا …

وامه زي العسل لما تجيهم هي بنفسها تطبخ لهم وتنظف البيت ..

ولما تسمع صوت قريبتي يترفع على طول تروح تخاصم ولدها وتوصيه عليها !

بالظبط عكس ام زوجها الأاولاني الي تتحكم بولدها وهو زي الأله بيدها

واخوات زوجها الطيب ، طيوبات زييه وقابلتهم قمه الخلق ويحترموها جدا ..

والحمدلله للحين عايشه مبسوطه معاه واسأل الله انو يديم سعادتهم ..

فمنجد وعسى ان تكرهو شيئا ويجعل الله فيه خيرا كثيرا..

مستحيل الله يعيش عبده في ظلم أبدي ، لاااازم يجي لحظة ينصره لأنو الحياه بلاءات ولكنها ليست مستمره ،،،

ربنا عوض قريبتي بشخص بكر و نادر هو واهله وحتى ابوه زي السكر ..

فلا تفقدو الأمل يا بنات …
والسلاح هو الدعاء ..
وما علينا إلا التوكل على الله

اتمنى اني فرحتكم وبسطتكم
والسلام عليكم

مشكورة حبيبتى

مشكوره يالغاليه

والطلاق ربي جعله لحكمه عظيمه سبحانه ماارحمه بعباده

والمطلقه قد تتالم مؤقتا لكنها مع الوقت تدرك عظيم اختيار الله لها

والخيره فيما اختاره الله

ماشاءالله وسبحان الله .. الله عوضها الحمدالله ..

رب العالمين مايترك عبيده وبالذات المظلومين

تسلم ايدج على القصة

الحمدلله الله عوضها وياليت بعض البنات مايستعيلون بالزواج ويتركدون لانه قرار صعب

يارب عوضني مثل ما عوضها
انا كانت معاملته لي العن من قريبتج
كل معاملته اللي كتيتيها ضيفي عليها انه كان يطردني من البيت بدون سبب ويقول بقعد بالشقه لحالي ما ابيج موجوده ومايحب اقعد ببيتي كله يبيني اسكن عند اهلي من اول شهر زواج وهو يتضايق من وجودي الطويل ببيتي

سبحان الله الله يهنيها ويعوض كل مطلقة بواحد مثله

تسلمين

ثانكس حبايبي ع. المروووور

الحمدلله رب يهنيها ويسعدها ان شاء الله ويوفق كل المتزوجين ويرزق اللي ماتزوجو يااارب