متى يركب الطفل الدراجه ؟؟

شلوونكم بنات ؟؟

حبيت اسألكم متى اقدر اركب بنتي الدراجه .. توها كملت 6 شهور ..

في ناس يقولون من خمس شهور وفي ناس يقولون 8 وفوق ..

وانا احترت متى اركب بنتي الدرااجه ؟؟؟؟

بنتظار مشااركاتكم

.

.

.

شدعوه بنات ولا رد ..
عالاقل ارفعواا الموضووع ..

حبوبه اصلالا المفروض من 4 اشهر على اساس تعودين الطفل على القعده وتعودين ظهره على الجلسه

انا من اربع شهور ونص ركبتها بس احط وراها مخده عشان تثبت

حبيبتي من 6 شهور احسن يعني الحين تركبينها بالدرايه احسن اصغر من جذيه لاموزين حق سيقانها تصير عويه بس الحين زين عمرها ركبيها عادي بس خلي ريولها تلامس الارض يعني لاتعلقين ريولها

من 5 شهور ركب ولدي لانه يحب يوقف بس لاتخلينها فتره طويله شوي وشيليهاا

انا احط عيالي بالدراجه من عمر 5شهور واسند ظهورهم بمخده صغيره علشان يرتاحون بالقعده

ماقصرتوا بنات يعطيكم العافيه ..

عيل من اليوم وراايح بركبهااا الدراجه واخليها تنطلق بصاله ههههههههههههه

؛
؛

من 6 أو 7 شهور احسسسسن

و اللي يقولون 4 و 5 شهور !! انا سائله اكثر من طبيب عن هالموضوع

قالولي مو زين لان الطفل ما يعرف يوازن جسمه و يثبت فيأثر على العمود الفقري

؛
؛

ست شهوور حيل مناسب ديرى بالج على ظهر بنتج حطى حوالينها بطانية صغيرة
لله يحفظها لج

انا ابتدي من 4 او5 شهور ……..يعني بنتج ركبيها من الحين كبيره ……..

مشكورين بنات ماقصرتوا ..

يسلمووو بس احاتي يعني عادي خمس شهور

انا بنتي من كملت خمس ركبتها لازم اتعود احس وايد متاخر ست شهور لان الياهل يمل من التسدح