متى يبدا تسجيل المعلمات بالضبط؟

[b]شخباركم بنات وعساكم ع القوه معلمات وطالبات
سؤالي اهو حق رفيجتي بنت خالتها سعوديه وتوها متخرجه لغه عربيه وتبي تدرس بالكويت وانا بصراحه ماعرفت افيدها فمالي غيركم
ياليت تعطوني المعلومات اللي عندكم وشنو حظوظها برايكم خاصة انها متزوجه وعايشه هني بالكويت
اللي عندها معلومه ياليت تسدحها هنا
[/b][size="3"][/size]

شدعوه بنات

اي معلومه

حااااااااااااااااااااااااااااااااضرين للغوالي
سمعي حبوبه تروح تراجع الوزاره مبني رقم2 وأهم يطلبون منها الاوراق اللازمه
وبإذن الرحمن راح يقبلونه بس احتمال على الفصل الثاني
بس اهم شئ تقدم اوراقها عشان معاملتها تأحذ مجراها

وبالتوفيق إن شاء الله

الله يعافيك يعني فتح التقديم للسعوديات ؟؟؟ هم قالوا شهر عشره ؟؟

يعطيكم العافيه بس فيه ناس يقولون التقديم الحين ؟
طيب بالنسبه لتصديق الشهاده شلون لازم تروح السعوديه
على فكره ياهوي الخفجي اهي من الخفجي

upup

up

قريت بجريدة امس شهر نوفمبر يعني 11

أوضحت مصادر تربوية أن وزارة التربية ستبدأ في بداية نوفمبر المقبل الإعلان عن الوظائف للمعلمين والمعلمات حسب التخصصات التي تحتاجها الوزارة، وسيستمر استلام الطلبات طوال الفترة المقبلة، وأشارت المصادر إلى أن من سيتم استلام طلباتهم حسب التخصصات المطلوبة سيتم إنهاء إجراءاتهم خلال هذا العام على أن يلتحقوا بوظائفهم في العام الدراسي المقبل، لافتة إلى أن هذه الإجراءات تأتي ضمن استعدادات الوزارة للعام الدراسي المقبل.

وأوضحت المصادر أنه يحق لجميع الجنسيات التقدم بالطلبات ولكن في المواد الدراسية التي تحتاجها الوزارة فقط، وأنه من المرجح أن يتم الاستعانة بالبعض فهم في بعض التخصصات للفصل الدراسي الأول والثاني ان كان هناك عجز في بعض المواد.

وكشفت المصادر إلى أن النصيب الأكبر سيكون للإناث أكثر من الذكور نظرا للعجز في الميزانية لبعض التخصصات من الإناث.

وقالت المصادر إن الوزارة لديها عدد لا بأس به من الدرجات وفرها ديوان الخدمة المدنية وكما أنها بصدد مخاطبة الديوان لتعزيز هذه الدرجات.
وأشارت المصادر إلى أنه ستبدأ خلال الفترة القادمة حصر جميع الاحتياجات من المعلمين والمعلمات للعام الدراسي القادم تمهيدا لتشكيل لجان التعاقدات التي رجحت المصادر أن تباشر عملها في بداية الفصل الدراسي الثاني.

هذا خبر من جريدة اليوم يعني قدمي اوراقج على شهر 11 ضروري لان مطلوب معلمات

ماتقصرين كبيره والله يابنت الاكابر

كفيتي ووفيتي
الحين اقدر ارد عليها

آسفه تأخرت عليك ..
أيوه من الخفجي …آمري
بالنسبه للختم تروحين للجامعه أو الكليه اللي أنتي تخرجتي منه ويختمولك
بس على فكره شكل الختم يختلف ولا هو المكتوب عليه (( طبق الاصل ))
لا ختم ثاني مكتوب عليه أسم الجامعه اللي أنتي تجرجتي منه ..

ان شاء الله البنات يفيدووونج

حياتي خل تقدم الحين لأنهم راح يقبلونها ويوظفونها فورا !
لأن الوزارة تبي مدرسات عربي والله يوفقها .
ممكن أسأل بأي منطقة ساكنة في الكويت ؟ عشان نشوف المدارس الزينة ؟

للي نقلوا الخبر من الجريدة

الله يجزاكم خير

حسب ماقريت بالجريده انه على شهر 11 التقديم

بس خل تروح الحين تشوف اذا في تقديم هالفتره

والله يوفقها ويوفق الجميع