تخطى إلى المحتوى
الرئيسية » متى تولدون !! بالتاسع ؟ وشلون الطلق ؟؟ دشي ولي يعافيج

متى تولدون !! بالتاسع ؟ وشلون الطلق ؟؟ دشي ولي يعافيج

السلام عليكم بنات

شلوووووووووونكم ..
بنات انا باخر التاسع وبجر …..
وماكو طلوق حدهاا خفيفه وانا مابي ايي موعدي ويحطولي طلق صناعي خليجية

ابي طبيعي ان شالله ؟؟ اخاف يعوبلون فيني بعدها قيصرية ,,,,,,,
بعرف هل من اول التاسع اتيلكم طلوق لما يزيد حيل بعدها تولدون ولا بسرعه بسرعه ايلكم الطلق حار يوم ولا يومين بعدين تيي الولاده ؟؟؟ او بالتاسع مايلكم شي وباخره الشهر يلج فجأه
من ثلاث تيام فحصتني الدكتوره وقالتلي مفتوحه 2 ونص … والظاهر وسعت لانه قالت بينزل عليج دم وفعلا نزل بنفس اليوم ومن باجر وقف … وبدت تيلي الام مثل الدوره بس حيل خفيفه امس واليوم …. وامس الصبح نزل علي مثل سائل ابيض بسيط وقف .. والحمدلله حركة البيبي لي الحين موجوده
بس الي بعرفه الي مثل حالتي حطو طلق صناعي ؟؟؟ او يكون راس البيبي تحت وفجأة يقولون لها
بنولدج قيصريية ……………
خليجية

بجرية وماعرف ياليت تفيدوني

علي حسب انا بعيالي الطلق ياني باول التاسع الاول ياني خفيف وعطوني طلق صناعي والحمدالله ولدت اما الثاني بعد باول التاسع وطلق طبيعي ياني بنفس اليوم وزاد لما شربت الخروع وهم اللهم لك الحمد والشكر
عفواً بس انا مب لين هناك باللهجة الكويتية خليجيةاختج من الامارات

بس حسب ما اعرف وسمعت من امي وحريم اخواني شي حريم يولدن باول التاسع وشي بنص التاسع وشي منهن يطوفن التاسع .. هذيل الله يسلمج يعطونهن طلق صناعي .. بس ما انصحج فيه حسب ما سمعت انه يعوور وجربته حرمة اخوي

وشي حريم سبحان الله طلقهن خفيف ما تحس به .. انا عندج مثلاً صار لي اسبوع احس بويع شرات الدورة .. وحرارة بظهري .. هذا نسميه منان [ مساير] .. يعني شبيه بالم الولادة بس على خفيف بس الم الولادة ينعرف .. يكون الالم اقوى ويزيد اكثر واكثر

ربي يسهل عليج ويعطيج الصحة والعافية .. ويحفظ لج النونو يارب خليجية

الله يهون عليج انشاءالله
انا توني والدة وهم بجر, كنت مفتوحه من اول التاسع 2سم وماولدت الا باخر يوم بالتاسع ,كانت تييني بالتاسع الام بس خفيفه تروح وترد
ويوم الولادة ,ياني عوار الطلق فجاءة بنفس يوم ولادتي وكنت يومها ماشيه وايد وشاربه بابونج
اهم شي امشي وشربي حلبه لانها تطري الرحم واذا ماقدرتي على طعمها اخذي الحلبه الخضرة وحطيها مع السلطه ولا تستعيلين على روحه المستشفى الا اذا وصلتي حدج عشان لا يستعيلون عليج ويعطونج طلق صناعي او لاسمح الله يولدونج قيصري
وعليج بالدعاء خليجية
لا حبيبتي انشالله تولدين طبيعي
ومدام انفتحتي 2 ونص انشالله ماتحتاجين طلق صناعي لان رفيجتي توها والدة وكانت مفتوحة سانتي يوم افحصتها دكتورتها
ونزل دم اشوية وبعد 3 ايام اولدت طبيعي
وفي ناس تخلص شهرها ويلها الطلق
والطلق صناعي ما يحطونة الا حق اللي تخلص شهرها وما تنفتح مثلي انا خليجية
خلصت شهري وموراضي ايني الطلق واليوم راح ادش المستشفى ويسولي طلق صناعي
لان دكتورتي خايفة البيبي يكبر وبعدين احتاج قيصرية
حبيبتي ان شاء الله ما تحتاجين
بس اذا نزل ماي بعد ضروري تروحين للمستشفى لاتخلين الماي ينشف عن الياهل
يزااااكم الله الف خييييير
ام عدول لا ان شالله اييلج الفررررج من رب العالمين ويلج الطلق خليجية

سمبتيكه
ان شالله يارب والله للاسف توني بادية امشي امس وقبل امس وان شاالله بمشي لما تيلي الولاده
اشوه الحمدلله ريحتيني ,,,

يعطيج العافيه ام ضي

حبيبتي انا صارلي ثلاث شهور من ولدت وبجريه نفسج انا ولدت قبل موعدي بيومين يقولون البجر تتأخر ولادتها

وانشالله انتي مو مثلي انا كان ينزل معاي دم ونزل الماي وانا مفتوحه بس 2 سانتي وقعدت بالوضع كل اربع ساعات او

خمس ينفتح عندي ساانتي واحد بس وطلوقي حيل بارده وخفيفه عشان جذي عطوني صناعي انتي كثري من المشي

والبابونج والدارسين فوريهم واشربي والله يسهل عليج وعلى كل خواتي الحمل

وعلى فكره كل وحده منا غير عن الثانيه بالولاده فلا تحاتين

اللهم ارحم امي وابي واغفر لهم واجعل مثواهم جنة الفردوس الاعلى واغفر لجميع موتانا وموتى المسلمين اللهم امين

يزاج الله الف خير

واللهم اميين

شوفي ياقلبي انا اخلص التاسع بعدين اولد ومرة ولدت عملية ومرة طلق طبيعي ومرة صناعي مجربتهم كلهم الله يبعد عنج العملية

انتي تقولين الرحم مفتوح 2ونص سم انا مستغربة الدكتورة شلون ما دخلتج الوضع يعني باقيلج نص سم وتدخلين الوضع

اخذيها مني عليج بالمشي والاحسن انج تطلعين وتنزلين الدرج وعليج بالدارسين والعوار يختلف من مرة لي مرة

يعني في حريم طلقها عسر وفي حريم ماشاء الله لا اله الا الله طلقها خفيف يعني تعقد في بيتها ما تروح المستشفى الا والبيبي بينزل

بس انتبهي ان الماي ماينزل وانتي ماتدرين ايام ينزل الماي شوي شوي بدون ماتدرين وينخاف انه ينشف على البيبي

وعليج مثل ماقلتلج بالدارسين والدرج وادعي ربج يسهل ولادتج وقولي اللهم لا سهل الا ماجعلته سهلا

وعسى الله يقومج بالسلامة ويرزقج بالذرية الصالحة

اييي والله مشكوووووووووووره عالموضوع …
انا بعد نفسج والله كنت متوهقه ماا اعرف شي
انشالله البنات يفيدونكم انا ماعندي خبره للاسف خليجية
والله كل مرة غير

المهم نولد بالسلامه

حبيبتتى انتى مفتوحه الحين خلاص امشى وايد

وخلى ريلج يجامعج وايد بعد ييسهل الفتح اكثر

الله يسهل عليك حبيبتي خليجية أنا ولدت في الإسبوع 41 لأن ما جاني طلق أبدا ، وكنت فاتحة 2 سم من أول التاسع ، وآخر شي فتح الماي ولا أكو طلق ، أنا حطولي جل على عنق الرحم فيه هرمون يسرع من فتح عنق الرحم ، وهو نفس الهرمون الموجود في ماء الرجل ، فسبحان الله الجماع ممكن يسهل عملية فتح عنق الرجل إذا انصب ماء الرجل داخل … من تجربتي حطوا لي الجل 3 مرات ، تقريبا كل 6 ساعات وكل مرة يجي الطلق ويروح ، آخر مرة استمر الطلق بس مو قوي ، وبعد ما تأكدوا استمر الطلق نزلوني تحت (لأني مصختها وأنا في غرفة الولادة وما كو تطور فالدكتورة رجعتني غرفتي) وركبوا الطلق الصناعي … وهو يعور لأني يخلي الطلق إيي ورا بعض … بس أعتقد لأن عندي عنق الرحم ما فتح ما كان ذاك العوار الجايد وايد … جربت الكمام (بصراحة سخيف وما أبي أجربه مرة ثانية) .. وجربت إبرة مسكنة … وكنت آخر شي ابي أبيدورل (إبرة الظهر … بس طنشوني) … ويا محفوظة السلامة … من فتح الماي الساعة 5 الفجر إلى ثاني يوم الساعة 3 الفجر ماكو تطور … آخر شي البيبي تعبت فكان لازم ندخل قيصرية … وولدت بنتي تخدير عام الساعة 3:20 خليجية … نصيحتي … لا تخافين واتكلي على الله … ما تدرين وين الخيرة … أنا الوحيدة من أهلي اللي والدة قيصرية … وهي ما اتخرع .. تبين الصراحة فيها شوية كرامة أكثر من الولادة الطبيعية ، مو كل شوي أحد يحط إيديه ويطلعها خليجية ولا أنا كل ما تغير شفت المستشفى … مروا علي دكاترة جدد ويفحصون … جد بهدلة … والقيصرية خصوصا إذا بجر يعني ماكو شي توسع ولا تحتاجين تضيقيين خليجية بس اللي تحسفت عليه أكثر شي إن ولادتي كانت تخدير عامم يعني ما حسيت في شي ولا شفت شي … وايد أثر فيني هالموضوع … علشان جذي ودي هالمرة إنشاء الله أجرب إبرة الظهر لأن ممكن يسون العملية وإنتي قاعدة فعلى الأقل تسمعين اليبي لما ينولد ويحطونه عندك خليجية هذه اللحظة أنا فقدتها مع بنتي … إنشاء الله ما تمرين في كل اللي أنا مريت فيه ، ترى برة في أوروبا وأمريكا يعطون المرة إلى أسبوع 42… بس الماي إذا فتح خلاص … لازم اتروحين المستشفى … ولا تخافين من أي حل … الخيرة فيما اختاره الله … خليجية خبيرة الأعشاب تقول إن الزعتر والبابونج يحمي الطلق ، جربيه إذا تبين … أنا قعدت أشرب دارسين 3 أيام… بس فتح معاي الماي ولا صار معاي طلق … قرقت وايد والله يسهل عليج خليجية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم خدمة أكيسميت للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.