متى تقاعد الغير متزوجة

السلام عليكم

ابي اعرف متى تتقاعد المعلمة الغير متزوجة لاني سمعت ان لازم يكون عمرها 55 سنة والصراحة انصدمت
شنو هم والزمن عليها كيفها اهي تقرر تستمر او لا راح العمر بالمدارس لا واحسافة
الله يخليكم اللي تعرف ومتاكدة تفيدنا بالموضوع

اي حبيبتي للحين هذا قرارهم بس يمكن يغيرون بقانون التقاعد ويخلونه 15 سنه للكل ..

يعني يعاقبون المو متزوجه و يخلونها تكرف اكثر؟ مايستحون

التقاعد يكون حسب تاريخ الميلاد .. يعني كل ما كان عمرج صغير كل ما تقاعدتي متأخر يعني توقعي لحد ال60 سنة يمكن أكثر . ما أقول الا حسبي الله ونعم الوكيل الزواج قسمه ونصيب بعد يتحكمون بالنصيب والله مصيبة

التقاعد ان يكون عمرج 45 وخدمتج 20 سنه

متزوجه او مو متزوجه نفس الشيء

ربح كريم انا اقول حولي اداريه ابرك لج من ضيم التربية

حبيبتي ما أبغي أصدمج .. يوم الأحد أنا في نفسي رحت للتأمينات وقالوا لي حسب تاريخ الميلاد سألتهم متى اتقاعد ولما قالتي الموظفة انصدمت وقعدت أدعم الطوف .. ما أدري ديناصورات أو يبونا نسير حفريات .. قالت لي العمر حسب تاريخ الميلاد عاد وأنت وحظك … يعني ما راح تتقاعد الغير متزوجه الا وعمرها تعدى العداد يمكن وانكسر بعد وبنشر وسلامتك وحتى تتأكدين أكثر اتصلي على الرقم 114. وسلامتك وساعتها مسكي نفسك عدل من الصدمة …..

بس خلاص انا عصبت على هذه القانون

مو قالو لازم يصير لج خدمة 15 سنه وبشرط تكونين 40 سنه؟؟
هذا اخر شي سمعته من سنه

لكل حالة سنوات خدمة محددة الي اخدمت 15 ومتزوجة وعندها عيال تقدر تتقاعد…والغير متزوجة لها قانون وحتى الي ماتزوجت لها قانون …الله يرحمنا برحمته قولوا آمين

هذي بركة نائبات طاح حظهم

قبل كان 15 سنة

نطوا بقانون يديد ليش ماتحترمون المرأه وتوقفون عطائها ومن هالخرابيط وخلوها لي 50 او 60 بعد!

اووووو نو ما توقع يصير عمري 55 سنة سواء متزوجه او لا وانا بالتربيه لوووول مستحيل

الله يكون بالعون

انااا الا اعرفه بعد 15 سنه التعين القديم من تعين 2024 طبقوا 20 سنه

بشرط انه اذا خلصتى المده يكون عمرج وصل الاربعين

اختي متاكدة من اللي تقولينه يا ليت من وين مصدرج سالتي بالتامينات والا شنو يا ليت توضحين