|
|
السلام عليكم
خواتي انا سويت تلقيح صناعي يوم الخميس 30-10 وكنت ماخذه ابرة تفجيرية قبله بيومين
متى اقدر اسوي تحليل الحمل الهرموني؟
انا الحين ظهري ذابحني وصدري مورم…اللي عندها خبرة تقولي
وادعولي بالحمل السليم المعافى ..والله ان شاء الله يهون عليكم حملكم وولادتكم
تاريخ 1311 تسوين يعني سويتيها الخميس اللي طاف تسوين تحليل الحمل الخميس الياي لازم يمر علي التلقيح 14 يوم اسبوعين بالضبط 
وان شاء الله تطلعين حامل يارب
شكرا على سرعة الرد يالغاليه
انا ادري انه يوم 13 لان الدكتورة قالتلي انا ابي قبل جذي…متى ممكن يبين؟
انا ادري انه يوم 13 لان الدكتورة قالتلي انا ابي قبل جذي…متى ممكن يبين؟
حبوبه عقب التلقيح بسبوعين حللي راح يبين اذا في حمل او لا
وان شاء الله تكونين حااااااااااااامل يا رب
الله يرزقج الذريه الصالحه
انا سويت بعد اسبوعين بالضبط تقريبا13 يوم وبين معاي تحليل البيت وبعدين سويت دم
بعد الابره مو التلقيح ب 14 يوووم بالتمام والكمال
لان تأثير هرمون الابره يقعد بالدم 12 يوم تقريبا اذا حللتي قبل ال12 يوم يبين حمل من تأثير الابره لكن بعد ال12 يوم يبين ان شاء الله عدل
وان شاااااااااااااااااء الله يارب حامل
ماقصرتو وزاكم الله خير
انا موقادرة اصبر شسوي؟
موعشان بعرف النتيجة بس لاوالله الا طلعتلي مليون شغله مايصير اسويها وانا حامل
ابتلشت وربي
بس باصبر والصبر زين
شكرا مره ثانية
انا سويت تلقيح قبل 12 يوم واليوم رحت حللت وانا12 قالو مافي حمل يعني صج ولا لازم اعيد التحليل
نصيحه لازم يمر عليج بعد ترجيع الاجنه اسبوعين عشان يبين ولاتنصدمين
حبيبتي بعد اليوم العاشر من التلقيح الصناعي ممكن اتسوين تحليل حمل
مثل كلام الفنانه تري تأثير الابره بدمج نطري اسبوعين كاملين لا تستعجلين والاشيااء الي بتسوينهم اجليهم حرام تقطين 10 دنانير وماتبين النتيجه عدل
انا بعد 13 يوم من العمليه وماشاءالله بين والحمدلله يارب
موفقه
الله يرزقنا ويرزقكم يارب
بنات شفيكم رفعتوا الرد والموضوع من ٢٠٠٨
!!!!!