متى اتزوج و متة اتزوج و الزواج و الزواج و الريال والريال بس عاد عيشو حياتكم شالمجتمع!

عقد نفسيه الحمد لله و الشكر

والحين زااااايد هالشي بالبنات وعلى قولتج اغلبهم صغااار حتى ما توظفوا
لا وازيدج من الشعر بيت في بنات بهالعمر يحطون اساميهم عند الخطابات !!!
شدعوووه الدنيا بتطير ؟؟

ان عندي السبب الرئيسي الغيره .. غيرة البنات .. شمعنى فلانه تزوجت وانا لا ؟؟؟

ما يدرون ان الزواج قسمه ونصيب وان اهم شي تتزوجين ريال زين يخاف ربه يحبج ويخاف عليج .. مهما كان عمرج .. يعني اللي تتزوج صغيره احسن ؟؟ شكوو ؟ غباااء

و السبب الثاني الفرااااااغ .. فراغ الوقت وفراغ العقل !!!

انا من ناحيتي اتمنى الزواج
تدرين ليش.؟
لاني وحيده
اخواني كلهم متزوجين
خواتي نفس الشي
امي وابوي الله يحفظهم يارب
كبار بالسن
فا انا اتمنى الزواجمو عشان ميته عليه لا انا توني صغيره بس الظروف حدتني على هالشي اني افكر بالزواج واحن عليه
وعشان كله بروحي
كل شي بروحي
اذا مرضت بروحي محد يدري عني
اذا مشكله بروحي محد يدري عني
اضحك استانس ابكي احزن محد يدري عني
فا احسن حل الزواج بالنسبة لي والله يرزقني يارب
ونفس الوقت اقول كل شي بالدنيا قسمة ونصيب
وانا ناطرة نصيبي يجي
والدنيا ما وقفت على زوج
لا
كاني متوظفه
ودارسة
واروح واجي وعادي عيشة حياتي
والحمدلله

,،

خليها على الله انا اعرف وحده !
يالها ريال يبي يتزوجهآ .، المهم خطبهآ و جي صار كلآم يعني
شافهه و شافته ! (= اهيه وآفقه و آهوه مآ وآفق مآ عجبته
البنت رآحت كلت من الصدمه 10 بندولات !
سوولها غسيل معده زين مآ مآتت لحقوآ عليها
للعلم عمرها 18 سنه ! شدعععععععععععععععوة :/ !
آمبيه لهالـ درجه ميتين على الزوآج !
و الله شي غريب صراحه ! :/
ليه صار عمركمـ 28 و فوق شتسوون ؟! 😐

ههههههههههه اي نبي نتزوج شنسوي << اتغشمر

بس يعني اهي سنه الحياة صدقيني لو وحده تقولج مابي اتزوج و ماتحن اهي من داخلها تبي لان اهي سنه الحياة
الريال مايحاتي لا قطار ولا شي اما البنت غير
اذا كل واحد يبي يخطب قال ابيها بيضه ابيها رشيقه ابيها مادري شلون .. تفصال مو بنت
واللي يقولج ان في كويتيين الحين وايد يتزوجون من برا.. والبنات هني يعنسون فوق ما ان عدد البنات تقريبا دبل عدد الصبيان
شي طبيعي بتزيد الحنه من جيل الى جيل
وعلى طاري التلفزيون مو بس التلفزيون كل شي media تلفونات ستلايت انترنت كل شي ياثر
امبيه جم نكته طلعووها فيها مقارنه بين البنت الكويتيه و بنت اجنبيه
خلو صوره المره الكويتيه دفشه .. ماكو رقه بالتعامل .. تنترس بسرعه.. تتحلطم .. ركب سوده خخخ ( امبيه يعني الرياييل ركبهم ورديه وانا مادري ) .. كرشه.. مادري شنو !
عاد تيين بالواقع امبيه والله والله فيه بنات كويييييييتيات ملكات جمال والله يصكون على اللي بالتلفزيون
ورقه وحنونين وكلاس يعني موو شرط الفكره العامه اللي ماخذها مجتمعنا اهي الصح

للاسف هذا كله بسبب مجتمعنا واعتقاداته الغريبه . ولا بناتنا قبل ما يفكرون جذي . انا طفارتي ومينوني لمن اقعد بزوارة اهلي ما عندهم غير سالفة فلانه تزوجت وفلانه مهرها 11000 وفلانه تطلقت . انزين وبعدين !! خلصت السوالف يعني !!

وياها نفس الحاله

حبيبتي الحين المجتمع ما يرحم من يجي عمر البنت 19 قاموا يقطون نغزات واذا ملج واحد من عيال عمج ولا خوالج قالوا غريبة ليش ما خذاج !!
ولا السؤال اللي يبط الجبد فلانه انتي ليش ليما الحين ما تزوجتي @@ ترا شكثر يسألون هالسؤال والله واااجد اسمعه يعني على بالهم مدحه ان انتي مو ناقصج شي ليش ما تزوجتي يعني شنو الجواب عليه ماعرف صراحة !!

ولما البنت تسوي شغلة زينه ويبون يمدحونها يارب اشوفج عروس الله يرزقج برجال يعزج يحسسوني اني طرارة

ومن تتوظف البنت الكل ينطر انها تتزوج انزين هذا نصيب مو بيدها انا مو ضد الزواج المبكر بس انا ضد ضغط المجتمع يخلون البنت تخاف من العنوسة وهمها بس تتزوج

وترا فيه حريم واجد وبعضهم بنات صغار تتوقع اهم شي الزواج مو مهم الرجال زين ولا مو زين بس اني مو اقل من غيري يعني متزوجه يحسون انه اللي مو متزوجه مسكينه

هذي الفكرة الحين اغلب الناس جذي تفكيرهم

انا اشوف انه البنت ما تربط نفسها اذا الله كاتب لها بيجيها نصيبها لي عندها بس تشغل وقتها وتعيش حياتها وهي مرضيه نفسها ولا تفكر بهم العرس كل شي بوقته حلو

مرده على التربية و المجتمع اللي ما يرحم و يغث! لا تزوجت وحدة قالوا لأختها اللي أكبر منها مو أحلى منج! و من هالسوالف، الزواج قسمة و نصيب و رب العالمين مقسم الأرزاق و الأرزاق بعلم الغيب، خير ان شاء الله تأخر الزواج نموت يعني؟ نعيش بكدر و ضيقة خلق؟ محد بياخذ رزق غيره و البنات صايرين مطفق بعد، يحسبون الزواج وناسة مو مفكرين إنه مسئولية و جنه الزواج جائزة مو أي وحدة تاخذها! يا بنااااااااااات مو كل زواج زواج! و مو كل زواج يدوم بس شتقولون، مجتمعنا في تخلف للأسف.

انا اشوفه غيرت بنات بس
وشخباري ريال لووووول الحين المراه معتمده على عمرها بكل شي قبل غير والحين غير سن البنت للزواج بعد 25 وايد احسن
اعرف وحده ماشالله حلوه وعمرها 18 كلا تقول وااااااااااي متى اتزوج اخاف اعنس !! لووووول بسم الله الرحمن الرحيم حسيت عمرها 30 والله قعدت اقولها شنو الي تبينه بالزواج توج صغيره تقول لا ابي اطلع معاه اروح سينما بلييييل ومطاااعم وسفرات !! جنه عليهم قاصر لوول ابي احس ان رفيجي وعلى فكره اغلب البنات هذي فكرتهم عن الزواج من جذي الطلاق صار عندنا حلاو
واخو رفيجتي تزوج عمره 18 ومرته 16 ياب ياهل توهق فيه ومسوليه طلق مرته تخيلو يقول مزعج وانا مالي خلق تعال وده طبيب وجمعيه انا بروح مع ربعي !

تدرين وين العيب العيب فينا احنا لان نشوف ان الحياه ماتكتمل الا مع زوج اي نعم هذا سنه الحياه وهذا شي طبيعي بس بالله عليج تعتقدين اذا تزوجتي راح يكون الزوج زين راح يكون مريح راح يكون فارس الاحلام اللي بغيتي تموت لو ماتزوجج بالعكس والله يااني اعرف ناس ودها الايام ترد علشان تستمتع بكل لحظه بالعزوبيه يبه ترى هذا نصيب واللي تقولي اخواني متزوجين وخواتي بعد وامي وابوي كبار وين المشكله انتي حطيتي حدود بينج وبين خواتج اي نعم الاخوان علاقتنا فيهم رسميه بس الاخوات غير بعدين الحين الدنيا تطورت عيشي يومج يوم طلعي مع خواتج يوم استقبلي رفيجاتج بالبيت يوم رتبي دارج يوم روحي السوق مع امج والايام تمشي ترى مو كل زواج ناجح والله ياان حريم صارو اهم الام والابو لاو السايق بعد يعني لاتخافين الرزاق بالسما وانا اشوف ان الحياه راح تستمر بوجود زوج او لا

من الناس تلقين كل ماشافوهم قالو ها مانخطبتي ماتزوجتي ؟
تعرفين لقافه حريم .. والكل حوالينها متزوجين فحست انها عانس !
واغلب البنات عبالهم الزواج رومانسيه ووناسه وسفرات وجي فاهمين
الموضوع غلط :/

ياالله جبتيها عالجرح يختي شي يفقع القلب وربي كل مارحت مجتمع ليه ماتزوجتي ليه تستنيه ليه مادري شنو بكره يطوفك وانا كلي ثقه نصيبي مابياخده احد مهما كاااااااااااااااااااااااااااااااااااان

السبب اهو المجتمع الذكوري +العادات و التربية ,,,
لما تقعدين بـ الزوارة و مناسبة و لا استقبال تلقين انه الخبر المهم اللي يصير اهو انه فلانة ملجت او تزوجت ,, عندهم هذا انجااااااااااااز يعني صادت لها ريال ! ,, يعني مو قسمه و نصيب !! و اي شي ثاني اتسويه المرة مو مهم بحياتها كثر الزواج ,, يعني اشتغلت و لا ادرست و لا ان شالله خذت جائزة نوبل عاادي كل البنات يقدرون يسوون هالشي لكن غميضة مو لاقيتلها ريل ! و اي مسكينة دام ما عندها ريل خل اتفرغ حرتها بالشغل و الدراسة ! ,,,, فـ اهني تلقين في تعظيم للزواج و تحقير للبنية المو متزوجة يعني ليش للحين ما تزوجت حالها حال غيرها اكيد معيوبة ! و اهني البيئة اتحسس البنية بالنقص ,,

غير سالفة اتشدد الاهل على بناتهم ,, ما تسوين هالشي الا لما تتزوجين بعدها انتي و ريلج كيفج ,,, فـ البنت اتفكر اهني ترسم للزواج صورة وردية و فرصة اتحررها من قيودها الاسرية ,,, و اهني ننتقل للنظرة الذكورية ,, بالاسلام الزواج اهو نص الدين للمرة و الريال يعني شي اساسي لهم عشان يعفون نفسهم و يفرغون فيه مشاعرهم ,,و زمنا هذا في مغريات للمرة و الريال ,, انقول المرة تقدر ثقة اهلها فيها و تعف روحها و تصبر لي ايي نصيبها ,, لكن المجتمع الذكوري يرفع هـ الشي عن الريال حتى لو كان مخالف للدين ,, تلقين الريال يغازل و يخربط و يكلم بنات و يقيم علاقات و متى ما اشبع فكر بالزواج حتى لو كان عمره 50 و المجتمع بـ يدافع عنه انه شايل عيبه ؟ ,,, فـ شنو يبي بـ الزواج اذا يقدر يسوي كل شي في باله ؟ خلاص صار مثل الكماليات بالنسبة له ,,,

انا ما اقول حللو للبنات نفس ما اتحللون للشباب ,, لكن اطلب انه ما يكون فيه تحامل كبير عـ البنية لـصالح الصبي,,, لانه مجتمعنا حيل شاااااااد عـ البنية و حيل راخي عـ الصبيان ,,