ما هو شعور اللي يتقدم عريس لخطبتها بعدين يقول البنت ما عجبتني ؟؟

بسم الله الرحمن الرحيم

السلام عليكم ورحمة الله وبركاته ..

صباح..// مســــاء الخير ..

المهم في الموضوع ..

ما شعور الفتاة التي يتقدم عريس لخطبتها

ثم يراها وبعد يومين تتصل أم العريس لتخبر أم الفتاة بأن

ابنها لم يوافق على الزواج من ابنتها وإن الزواج قسمة ونصيب ..

ارجو ان تعطيني رأيك بكل صراحه .. ولو مثلا مرّ عليك هالموقف في الحقيقه

( كيف راح تكون رده فعلك ) ؟

تخيّلي هذا الموقف .. وعطينيي اجابتك بكل صراحه ..(الله لاا يقدرهاا لكم ويرزقكم يااارب )

انتظر ردودكم ,,

مامر علي هالموقف

وبصراحه اذا كان صايرلي هالشي راح ازعل ويضيق خلقي لانه فعلا شي يقهر …,

بس بعدين بقتنع انه كل شي قسمه ونصييييييييب وان شاءالله يجيني الاحسن منه ….

عادى ماكو شى يقهر انا اخوى خطب نص الكويت وماتزوج تدرين ليش لانة يصلى استخارة مايرتاح يقول مابيها مو عشان مو عاجبتة
وبعدين لو ماعجبتة واذ معقولة كل شباب الكويت بشوفونى اينن مستحيل هيفا على جمالها وفى ناس تقول مو حلوة فعادى

مامر علي هالموقف بس لو مار اتوقع بيحز بخاطري خاصه لو اهوا عاجبني لوووووووووووول
بس هالشي بيصير من باول جم يوم بس بنهايه كل شي قسمه ونصيب

انا صادفني …

كان بهالفتره تقدملي اكثر من شخص وكنت ارفض لاني صغيره ومابي وبعدها تقدملي من الاهل وعلى بو انه من الاهل وافقت علما باني ادري شنو اهوى وشو ماضيه و الله يستر عليه
المهم ماادري شلون وافقت!! و شافني وشفته و اهوى وافق و يمكن اسبوع عقبها امه وابوي يايينا البيت يتعذرون وانه الولد بكمل دراسته ؟؟ عيارته الحين قبل لا يخطب ما كان يدرس واصلا كان باقي على دراسته اشهر يعني عذر اقبح من ذنب

المهم بجيت شوي مو عشانه عشان مو حلوه بحقي بهالاسبوع الكل درى وبارك

و عقب فتره مو طويله شفته انا وامي بالسوق اهوى تدوده امي تعمدت تسلم وانا بعد قلت له شلونك فلان < لانه ما كو شي يسوى

وعدت الايام والحمدلله الخطاطيب ماتوقفت عليه ، انا ملجت وتزوجت عقبها خطب بنت خالتي والمسكينه املجت جم اسبوع و فل الملجه ❊❊ يلعب مو !

وقلت الحمدلله هذا دليل انه مو عيب فيني ولا في بنت خالتي العيب فيه اهوى

والحمدلله الله رزقني بريل يحبني واحبه و الله رزقنا بنت مالين علي حياتي

وسلامتكم

اي وبنات لي يومكم هذا اتحمد ربي واشكره صج اذا مو نصيبج وقسمتج الله ادرى واعلم
وكل مااتذكر السالفه ريلي يكبر بعيني و اقوله انا شكثر محظوظه فيه

مرحباا بنات انا من رايي ان السالفه هذي تحز بخاطر البنت وصح كل شيي قسمه ونصيب
لكن كتوته الحمدلله ربج عوووضج واتكيد خير مننه والله يرزق بنات الحلال
والصعيريه واهواك بلا امل وام حسن وكتكوته شااكره تفااعلكم ومرووركم العطـر ياا عسـ,ولاااات

اكيد البنت راح تتضايق لان البنيه حسااااااسه
بس هم احسن من الخطبه قبل لا يتزوجها
ويطيح الفاس بالراس بعدين يقول خلاص
مابيها بعد بنات الناس مو لعبه بيدهم

انا صارلي نفس شي بس بطريقه غير مباشره بس تزوجنا ^_^
يعني لما شافني قالي انتي متينه و انا جنه معطيني طراااااااق فحطيت في بالي انه ما يبيني و زعلت بس الحمدلله تمت الخطبه بس صج تضايقت من قلب و ما خليته يشوفني وايد عشان ما يجرحني على فكره انا مو متينه واااااااايد بس اهو كان يبي وحده نفس جسم العارضات
الحمدلله على كل حال و الله لا يحط وحده بالهموقف لانه ثقيل و يسلمو على الموضوع

انا صارلي نفس شي بس بطريقه غير مباشره بس تزوجنا ^_^
يعني لما شافني قالي انتي متينه و انا جنه معطيني طراااااااق فحطيت في بالي انه ما يبيني و زعلت بس الحمدلله تمت الخطبه بس صج تضايقت من قلب و ما خليته يشوفني وايد عشان ما يجرحني على فكره انا مو متينه واااااااايد بس اهو كان يبي وحده نفس جسم العارضات
الحمدلله على كل حال و الله لا يحط وحده بالهموقف لانه ثقيل و يسلمو على الموضوع

الحمدلله مامريت بهالموقف بس أتوقع بتزعل البنت جم يوم وبعدين تنسى…

احس الموضوع ما يزعل وايد يعني يمكن يحز بخاطرج اذا كان الولد زين لكن ما توصل لدرجه الزعل والبجي لان مثل ما انتي لج نظره اهوا له نظره

على قولتكم الزواج قسمه ونصيب

وعلى حسب البنت بعضهم يتضايقون وبعضهم لا

الحمدلله اني مامريت بهالموقف

واحسن انه يهون قبل لايطيح الفاس بالراس

اعرف وحده مسكينه ماشاء الله مره جميله

خطبها واحد وتزوجو وراحو شهر العسل ورجعها مطلقه

اي ليش طلقتها

مارتاح لها من البداايه

لو انه متحجي الله يهداه جان البنت اللحين مو مطلقه

الله يوفقها ويوفق الجميع

عادي مافيها شي الزواج قسمه ونصيب

انا رفضت وااايد تقدموني .. فمافيها شي اذا احد رفضني

بس الحره مو هني

صار هالموقف مع اختي اخطبوها ناس وصارت يوم الخطبه الرسميه وحددو يوم الملجه والمهر وكل شي

عقب الخطبه الرسميه ما سمعنا عنهم لا حس ولا خبر @@

شالسالفه .. دقت عليهم عمت ابوي جان يقولون هونا مانبي

اي شي عقب ماحددو كل شي .. واختي راحت تجهز

بس الحمدلله الله رزفها بواحد احسن منه

شفتي شلون اذا ماصار نصيب بواحد اييلج اللي احسن …. ولا تصدقين اللي يقول الفرصه مره بالعمر .. وكلما كبرت البنت قلت فرصها

بالعكس انا وايد يتني فرص وكلما كبرت ياتني فرص احسن

والحمدلله

آنا ما صار معاي هالموقف بس بنت عمي صار فيها و اهيه بالنسبه لي مو بس بنت عم اخت دنيا ، المسكينه انهارت و كانت تدق علي تبجي و آنا قلبي يتقطع عليها المشكله انه ما رفضها أول ما شافها بالعكس كان يبيها و كانو متفقين و اعلنو الخطوبه بالعايله و قريب الدزه غير رايه الأخ و فركش السالفه علشان جذي اهيه انقهرت لأن الكل درا ، و آنا حاولت كثر ما أقدر اني أصبرها و بقلبي أقول الحمدالله انه السالفه ما تمت لأنه طلع أي كلام و بخييييييييييييل ، بنات ادعولها الله يعوضها بواحد يعرف قدرها و يصونها اهيه لي الحين ما تزوجت بلييييييز بنات دعواتكم