|
|
السلام عليكم , أصغر أولادي عمره 11 سنه بالصف السادس ما عنده صديق الكل يزاملهم بس ما يعرف يكون صداقه حقيقيه مع ان انا اعطيه جرعات كبيرة من مهارات الحياة وشركته بنوادي الصيف شامله مهارات الحياه وكراتيه بس ما اشعر انه استفاد , ويا عمري اشعر انه وحيد ( بينه وبين اخر اخوانه 6 سنوات ) يعني فجه كبيره ولا صار الويك اند الكل يطلع مع ربعه وهو قاعد ولا قلت له خلنا نطلع او اطلع مع ابوك يرد انا ابي واحد كبري مابي اطلع معاكم ما استانس ’حاولت انا اكون صداقات لمن عندهم اولاد بعمره ما اندمج معاهم .
شسوي شنو مقترحاتكم ؟
حاولي تطلعينهم مع بعض
خففي على نفسج من الهم اللي مو ضروري
انا بعد ودي على هالشئ بس مو بيدنا هذا نصيبهم لازم يرضون فية
وانت ساعدتية قد ما تقدرين ما قصرتي
ممكن تقوين صداقتج بوحدة ولدها بعمر ولدج وتطلعون ويا بعض
يعني اذا رحتي مكان معاه خليه اهو اللي يتكلم .. اهو اللي يحاجي عامل البنزين .. او اهو اللي يترس البنزين ..
اهو اللي يطلب من المطعم .. وايد مدحيه و خليه يثق بروحه انه اهو ذكي و يقرا وايد و بالمقابل لا تركزين على
عيوبه و لا تنتقدينه و لا تسألينه ليش ما عندك صداقات أبدا لا تيبين له طاري ..
ممكن تستخدمين الاسلوب القصصي ان وليد راح المدرسة و وعد امه و ابوه ان اهو راح اييب درجات زينة
و يرفع راسهم ..تعرف على صبي شاطر قال له ميخالف اخذ رقمك علشان يمكن اذا غبت ادق عليك و أسألك عن الواجب ؟
و انت بعد اخذ رقم تلفوني .. و بعدين الصبيان درسوا و تفوقوا و كبروا و …. الخ
المهم ان في بداية القصة بينتي له بطريقة غير مباشرة شلون يبني علاقة مع الناس و يبادر .. و بعدين كملي القصة
كقصة صداقة حقيقية مثل ما تبين .. خليه يحس ان الصداقة حلوة ..
و لا تحاتين اخوي كان نفس المشكلة الحين ينام عند ربعه و يقعد معاهم الله يحفظهم يا رب .. ادعي له بالصحبة الصالحة
اما ترتبطين انتي مع اهلج او رفيجاتج اللي عندهم صبيان كبره و تطلعونهم بمكان يلعبون فيه مع بعض ..