ما عليكم أمر مدرسات الإسلاميه ابتدائي دشواااااا بلييييييييييز

مدرسات مادة التربيه الإسلاميه ابتدائي مرتاحين بوظيفتكم ؟؟ وشلون التدريس معااكم ؟؟ حلووو ؟؟ وتقدرون تتحكمون بالطلبه ؟؟؟

أنا بصراحه طالبه بالجامعه وأبي أدرس ابتدائي عن لوية المتوسط والثانوي وامتحاناتهم وأبيكم تساعدوني وتقولون لي عن وظيفتكم اذا زينه
ما أدري أنا قلت اسلاميه حلوه واكسب أجر بتدريسها

طلبتكم ساعدوني أنا أختكم وبصراحه ما عندي أحد من أهلي ولا يقرب لي مدرسات << قالت قصة حياتها كلهااااا

واللي ترد الله يجزاها خير ويحقق لها كل اللي فبالها يا رب

هلا حياتي ..

انتي تسأليـن عن التدريس .. ولا تخصص اسلاميـه ؟؟

شوفي انا بقولج عن التدريس ..
لان مو اسلاميـه .. وان شاء الله بنـات الاسلاميـه يفيدوونج ..

بس التدريس أغلبـه مثل بعضــه
اذا انتي حابـه التدريس .. وحابـه هالمجـال راح تمشيـن فيـه ..
بالعكس انا اشجعج اذا انتي شايفـه نفسج تقدريـن تبدعيـن فيـه ..
لكـن ..
اذا داخلتـه بس جذي .. راح تتعبيـن فيـه ..

انا مثلج ..
محد من أهلنـا مدرسـه ..
والكل منحاااش من هالمهنـه ..

بس انا حابتهـا .. وشايفـه نفسي فيهـا ..
واعتبرهـا مهنـه حيويـه ومتغيره اذا قارناهـا بـ مهن أخرى ..

استخيري ..
وشوفي اللي يريحج يا قلبي ..

موفقه ..

نفس كلام الأخت حلوى ورهش
إذا حابه المجال راح تبدعين في كل المراحل
بس إذا مو حابة المجال راح تحسين إنه تعب

آنا إسلامية وإبتدائي

بالنسبة للإمتحانات كل المراحل عندهم نفس الشي
الإبتدائي طبقوا عليهم نظام الإمتحانات الموحدة بس للصف الرابع والخامس
وكل الأبلات يشاركون بالتصليح إللي تدرس وإللي ما تدرس
نفس المتوسط والثانوي

الفرق هو إنه الإبتدائي عليج كل شي إنتي تحفظين اليهال والياهل ما يعتمد على نفسه
إنتي مسؤولة عنه .الوسائل التعليمية واايد بس الحمدلله متوفرة ..اليهال تقدرين تضبطينهم بسرعة

المتوسط والثانوي..الطالبات كبار نص المجهود عليج والنص الثاني عليهم
وسائلهم التعليمية أقل ..سنهم كبار لهم تعامل خاص مو نفس الياهل تقصين عليه لو بحلاوة

عموما مالج إلا الإستخارة والله يوفقج

ديري بالج على نقطة مهمة
إذا إنتي كلية التربية في جامعة الكويت
وحولتي إسلامية إبتدائي راح يكون مساندج عربي
وهني إحتمال كبير يقطونج أبلة عربي مو إسلامية
نفس إختي مسكينة توهقت قطوها عربي مع إنه ميداني إسلامية
وما بقى واسطة ما حطيناها ومارضوا يحولونها وبالأخير إستقالت

موفقة حبيبتي
مع تحياتي ((أبلة كويتية ))

تخصص اسلامية بشكل عاااام حلووو ومافيه صعووبه لكن حاليا بالمتوسط غيروا المناهج فصار شوي دسم لكن حلو حيل
اما الابتدائي فحسب ما سمعت اسهل لكن كل المسؤولية عليج والوسائل اكثر مع ضبط الصف لكن الجهال يهبلووووون والاجر كبييير فيهم خاصة انهم اذا احفظوا هالسن ماينسووووووووووونه فالاجر مضااااااعف بإذن الله

بس تأكدي مثل ما قالت لج ابلة كويتية من سالفة التخصص لان فعلا ممكن تصير لج هالحركة

الحمدلله أنا هذي أول سنه مرتاحة بس في البداية كان كلشي صعب لمن على شوي شوي صار الوضع عادي وسهل والتدريس صج متعب بس حلو خاصة اذا بتدائي يهال تعلمينهم وتاخذين أجر فيهم والشغل أخف بوايد من المتوسط والثنوي والامتحانات بس حق رابعة وخامسة..
بالتوفيق
وأي سؤال أنا حااااااضرة=)
ملاحظ>>>> داشة بنك أختي

بالعكس توكلي على الله

أنصحج بقوة .والله يوفقج

وأهم من المرحلة الأدارة المدرسية الزينة والقسم الحلو

الله يوفقج يااااارب

البنات ما قصروا نفس الي بقوله راعيات فزعه بنات المنتدى

انا متوسط وترا افضل من الابتدائي واريح

شوفي الله يسلمك أنا مدرسه إسلاميه إبتدائي أولاد صار لي سنه أدرس ومثل ما قلتي أنا دخلت قسم إسلاميه عشان الأجر، وبكل صراحه أنا تعذبت وتعبت صحتي ونفسيتي وفكرت أستقيل بسبت الأولاد مشاء الله تبارك الله عليهم فيهم طاقه عجييييييبه أحس أن فيهم كهربه، وصوتي رااااح من كثر الصراخ وطلعت روحي عشان أعلمهم درس الصلاة بس أحمد ربي إني أدرس إسلاميه لو إني أدرس عربي كا إنتحرت من زماااااان الله يكون في عون كل أبله عربي تدرس أولاد نصيحه لوجه الله مافي أريح ولا أحسن ولا أمتع من تدريس إسلاميه إبتدائي بنات صدق إن وسائلهم أكثر من المتوسط والثانوي بس لم تعلمين البنات الصلاة والقرآن ……إلخ تحسين بسعاده عظيمه،إسم الله عليهم البنات الصغار يهبلووووووون ؛ وأنا الحين طالبه نقل وبإذن الله ناقله ما أتخيل نفسي أدرس أولاد مره ثانيه إدعيلي وناأختك أدعيلي الله يفرجها علي وعلى كل المسلمين ،والله يوفقك باااااارب