|
|
السلام عليكم كويتيات طبعا إحنا كلنا مشغولين بالحمال و تجهيز البيبي و الإستقبال و الدكاترة و أسعار المستشفيات و شلون نتنفس عدل بفترة النفاس و …. و …. إلخ ….
بس نسينة شي مهم و هم هالشي يبيلة تجهيز وجدول ألا وهو ((الزوج)) و الليلة الأولى اللي بعد النفاس
شلون نتجهز عشان نكون عروسات بهالليلة المهمة واللي بعدها من أيام خصوصا بعد فترة الحمل المتعبة على الزوج و المتعبة أكثر عليه فترة النفاس اللي تكونين فيها بعيد عنه…
نبي نستفيد من تجارب بعض نبي نعرف كل وحدة شنو بتسوي و تجهز خصوصا الفترة الأخيرة من النفاس …. بليز نبي مشاركة الكل …
آنا عن نفسي عندي خلطات حلوة لتفتيح الأماكن الغامجة بعد الولادة و الله ما كثرها بعد الولادة ………
البطن , الإبطين , الرقبة , الصدر , الركب , الكوع , المنطقة الحساسة
و عندي جدول راح أمشي عليه وبقولكم عن الخلطات و عن تجربة و عن جدولي و حتى خلطات الشعر بس أبي ردود و تفاعل منكم نبي نفيد و نستفيد
انا عن نفسي شريت من مزيونة و شقرة بوكس نواعم و بمشي عليه
يله بنات لا تبخلوون عليينه
أول شي خلطات التفتيح و آنا عن نفسي راح أستخدمها في آخر 20 يوم من النفاس
أول خلطة (خلطة تفتيح البطن) بعد الولادة: هذه الخلطة تستخدم بعد الولادة على طول من تروحين البيت لمدة 40 يوم
المقادير : علبة زبدة كاكاو تحصلينها فبودي شوب أو بالجمعيات عندج كريم زبدة الكاكاو ماركة نيفيا – علبة صغيرة كريم جرجنز لشد البشرة هم تحصلينة بالجمعيات – 5 ملاعق زيت زيتون – 5 ملاعق زيت البابونج – 10 ملاعق خل تفاح – اختياري 10 ملاعق عشبة القنطريون تلاقينها عند العطار.
الطريقة : خلطيهم و حطيهم بزجاجة نظيفة أو علبة و ادهني منطقة البطن قبل لا تنامين و نامي فيها …و هالخلطة هم زينة حق الخطوط الحمره و زينة لأن الخل يشد و يحرق سعرات حرارية
لنتيجة أفضل غطي البطن بنايلون و تدفي و نامي
هذه خلطة البطن و باجي الخلطات راح أكملها ……. نبي ردود يالله بنات
فيه خلطه الصبوحه حيل يمدحونها ان شاء الله بشتريهااا للجسم وفيه للويه بعد
رفيجتي جربتها بس بأخر اسبوعين من انفاسها تقول والله صرررت الق لق حتى رقبتهااا ردت مثل اول وركبهااا صارت شي شي
واكيد ما نخلي الحمامات المغربيه والتفريك يطلع البلاوي نتاج 9 شهور حمال انا عن نفسي بجيب وحده للبيت كل اربعه ايام تسوي لي تفريك بدون بخار والبخار مره كل اسبوعين لانه مو زين كثرته ..
وان شاء الله نرد عرايس مو اي عرايس خخخخ عرايس جريئات لووووووووول ونلبس احمرررر ونشعللها << فاصخه الحيا
يعطيج العافيه
لتبييض الإبطين يدهن بزيت الخروع يوميا لمدة شهر كل ما تدشين الحمام أو خلطة ثانية: ملعقة بودرة تلك مع ملعقة ملح ينحطون مع ماء ورد و تدهنين فيه كل يوم
و شوفي الفرق هالخلطات يبيلها مداومة 
داومو عليها 
نكمل الخلطات:
لسمار الرقبة:
المقادير : نصف ليمونة – كمية من بيكربونات الصوديوم.
الطريقة: اغمسي الليمونة فبيكربونات الصوديوم و افركي فسها رقبتج مدة 10 دقايق و اغسليها بالماء.
و اللي تبي بعد الاستحمام دهني منطقة الرقبة بجلسرين و ليمون و ماء ورد خليهم غترة و بعدها غسلي المنطقة.
نيي حق المنطقة الحساسة:
المقادير: علبة صغيرة كريم دوف الوردي – ملعقة كبيرة فازلين – ملعقة كبيرة نشا – علبة كريم فيتامينA تلقينة بالصيدلية.
الطريقة: تخلط المقادير معا و ندهن بها المنطقة الحساسة بعد كل وصوء و لرائحة جميلة أستخدم المسك السائل تلقونة عند محلات عبدالصمد القرشي بس غالي شوي أحطة بقطنة و أمسح المنطقة بعد كل وضوع طبعا هذا ما يستخدم إلا آخر 10 أايام من النفاس.
طبعا آنا دايما آخر 3 أيام من العادة أبخر المنطقة بمرة و قشر بصل … وايد زينة و ممتازة هالطريقة.
راح أستخدمها بالنفاس
اااااااااااااب