ما ادري شسوووووي بعمري :"(

:السلام عليكم ..

واي بنات بمووووووووت من العوار الله يسلمكم انا يتليي ع الساعه 11 و انا كل مره آخذ كاتا فلام المهم كنت توني قاعده من النوم و ادور العلبة مو لاقيتها و عيزت دورت دورت الظاهر انها خالصة و انا ناسية اشتري يديده المهم كليت بسكوتين و خذيت بندول اكسترا 2 و اول ما خذيتهم شحليلييي خف عليّ و وصيت ابوي واهوه رايح صلاة الظهر اييبلي كاتا فلام من الصيدلية و ياب لي يزاه الله خير بس انا قلت عساس آخذهم ع المغربيه جذي لما يروح مفعول البندول بس المصيبة انه الحيييين من الساعه 1 جذي و انا ياااااااااااااان عليّ عوار بطني ما ادري شسوووي من العوار يا تكرمون داشه الحمام يا طالعه من الحمام و عواااار فضيع ورحت سويتلي مطارة ماي حار ماكو فااااايدة عوار مو راضي يوقف مو انه يروح ويرد حتا و الله مساع رحت تكرمون الحمام ما ادري شسوي جان ابجييييي

و الله يعور يعوووور وبس قاعده اصبر نفسي بالمنتدى و اتفرفر فيه بس الحين زاد ماني قادره انسااااه و المشكلة اقول حق ابوي مساع باخذ كاتا فلام الحين يقولي مينوونه انتي ناويه على عمرج توج ما صارلج الا ساعتين من خذيتي بندول اكسترا 2 شناويه على معدتج قتله مو قااااادرة بطني بطني يقولي تحملي تاخذين أجر واااي صج مو قادره اتحمل ما ادري شسووووي شوروا عليّ ؟؟؟؟

و حدددي مو مشتهية آكل شي جبدي واصله حدها يعني مو زين آخذ بعد كاتا فلام على معدة شبه خاليه ..

عفيه بنات قولولي شسوي و اصلا ما ادري اذا الموضوع مكانه صح ولا غلط بس من العوار بحط الموضوع وبس ابي ردووودكم بليييز آخذ كاتا فلام ؟؟؟

والله مادري
الله يعينج

بس شربي شي دافي
وسوي كمادات ماي حار على بطنج تحت

شربت مساع فانيلا و ما احب سوالف زعتر و دارسين يسون لي حارج و لما الحين حاطه مطارة الماي الحار على بطني و مشكورة حبيبتي ع الرد

عوار من الدورة؟ و إلا طلق ولاده ؟
ما فهمت عليج
عموما شربي دافي يريحج ونامي على بطنج إذا مو حامل جود يهدى العوار شوي
الله يعينج

الي اعرفه كتا افلام حق الضرس بس وموزين بس حبه وحده باليووووم

شربي اشياء دافيه

لا حبيبتي عوار الدورة

اييي نفسها مالت الضرس العلبة الصفرا و الحبوب حمرا و كثرتها صح مو زينة بس انا كل دورة آخذ 3 باليوم

مادري بس عوار الدوره مو طبيعي يكون بهالقوه
انصحج تسوي فحوصات اخاف فيج اكياس و لا شي لاقدر الله

مابي اخرعج بس في وحدة اعرفها دورتها تذبح عوار و طلع فيها تليف و لانها ماعالجت اول باول سوولها استئصال بالرحم
فا انتي لاتهملين نفسج
ترا الدوره مو لي هالدرجه تعور
الله يشافيج

لا شدعوه يمه لا تخرعيني وايد بنات جذي تعورهم الدورة ما احس انه شي غريب

و شكرا جزيلا لكل من قدم لي نصايح و شارك في هالموضوع :***

يبا عادي اكلي اي شي وبعدها خذي كاتافلم او بروفييين وايد زين

الطبيب قال لي عادي اذا كان بين البندول ودوا مسكن ساعه لانهم غير عن بعض

حبيبتي انتي مو متزوجة صح؟

اكلي بروفييين او اخذي ابرة من المستوصف

لان الكاتا افلام يقولون مو زين

حتى البروفين يقولون مو زين روحي الصيدلية وشوفي الصيدلي شقولج

و زين عليييج ادوية كل شهر هالكثر

الله يشااااااااااافيج