مايكرولين ولا ماده الاكوالفت لتكبير المؤخره حق اللي سوها

السلام عليكم بنات الصراحه ابي مساعدتكم لانه ماعندي احد يقدر يفيدني غيركم الصراحه انا عزمت اسويها وموعدي للاستشاره عند دكتوره ميسون شاويش في بيلا كلينك يوم الخميس الصبح قالولي اهيا تسويها تكبر المؤخره بالاكوالفت وتضل لمدس سنه لي سنتين وبنج موضعي ودقيت على نوره الصليلي قالت عندها ماده المايكرولين وهذي تضل لمده 6-9شهور بي نوره حيل غاليه قالت 20مل ب150 مادري 200 نسيت والله بنات بليز اللي مسويه او تعرف احد مسويها تنصحني لانه موعدي الخميس وابي تساعدوني قبل لا اروح وهل يعور ولا لا بليز لاتكشتون فيني

مادة الاكوا لف مادة خطرة
حتى لو ببلاش بسوونها لج لا تسوينها

كل اللي اعرفهم استخدموها سووا بعدها عمليات لازالة المادة
وبعضهم بالخدود وتخيلي عاد شكل الخد بعد عمليات الازاله

نصيحة ابتعدي عن الاكوا لف

اقتباس:

المشاركة الأصلية كتبت بواسطة سـما اختي العزيزة مادة الاكوا لف مادة خطرة حتى لو ببلاش بسوونها لج لا تسوينها كل اللي اعرفهم استخدموها سووا بعدها عمليات لازالة المادة وبعضهم بالخدود وتخيلي عاد شكل الخد بعد عمليات الازاله نصيحة ابتعدي عن الاكوا لف

هلا اختي سما انا دورت وسرجت وقالولي هذا احسن حل حاليا بدال العمليه اذا ماتبين اجازفين ادشين عمليه وبنج عام ولويه ومادري قاعده ادور بالنت صراحه كثر ما اقدر عربي وانجليزي وحاليا هذا اضمن شي

اقتباس:

المشاركة الأصلية كتبت بواسطة am faisal صاجة فية عضوة قبل فترة صارو صعارير مثل الكور بخدها وذكرت اسم المادة اكوا لفت صرفى نظر عنها ودخلى اسم المادة الثانية وسوى سيرج قبل تسوينها وبلغينا بالنتيجة

ام فيصل انا سالت الدكتوره قالتلي الاكوالفت ماتنصح فيها للويه وخطره بس باجي الجسم عادي حتى في بنات يحقنونها بالصدر لانها امنه بس الويه مساحته صغيره فموزين والدكتور اللي يسوي بالويه حرام عليه

اقتباس:

المشاركة الأصلية كتبت بواسطة ranzi انا جربت الميكرولاين سويت 10 ابر وبعد 8 شهور سويت بعد 10 ابر احسن واامن من الاكوالف بس مشكلتها انها مكلفه وتخف خلال 6 شهور او اقل من سنه عشان جذي انا افكر بالسليكون

هلا اختي انا دقيت على نوره الصليلي قالت عندها هذي الابر بس حيل غاليه وانا مسحوته موليه الحبيبه بلا جم يبلي ومشكله انها تقل على كلامج "اسال مجرب ولاتسال طبيب"وانا مالي خلق كل شوي اقزز بس كنت بسالج يعور لما كنتي تقزينه واشلونها عقب شكلها حلو عطاج النتيجه اللي تبينه

مسالخير للجميع شخباركم بنات . حلاتين والله على الكويت وأهلها يعلهم يسلمون انشالله تقبلوني معاكم واكون خفيفة عليكم،،
اول موضوع ابي اشاركم به هو تجربة مؤلمة جدا جدا انا عشتها والله , وابي انقلها لكم عشان الحاضر يعلم الغايب .
الله يسلمكم بعد ما ولدت بنتي الثالثة وقبل ما أخلص سنة شفت جسمي مترهل بعد الولادة ,للأسف اني ماصبرت على نفسي حتى يرجع جسمي مثل الاول ,و حبيت اعمل تكبير للمؤخرة لأني سمعت وحده من هل دبي تسولف عن مركز جراحة للتجميل في دبي ويعملون هالعملية هناك بمادة دائمة تتم طول العمر ,,
المهم اني سرت دبي وفيني فضول ودي اعرف كيف هالعملية وشوه المادة ,, وقابلت مدير المركز كان طيب وتعامله راقي وصور لي ان العملية سهلة وأكد لي ان المادة مالها اضرار أبداً ,, باختصار صور لي ان الدنيا ربيع , ولا ذكر لي اني لازم اكون حذرة في جلستي و وين اجلس وابتعد عن الحقن في هالمنطقة ,وأتفادى الضربات
وانا كان ودي اعمل هالعملية مع ان مؤخرتي كانت زينة لكن بني ادم طماع ,,
المهم اني عملتها بعد ما صحيت من البنج حسيت كأن حصى يغلي في مؤخرتي ولبست مشد خاص مدة شهرين,, 3 ايام وصرت احسن , رجعت بوظبي وعادي مارست حياتي والحق ينقال مؤخرتي صارت ولا كيم كرديشيان , مرت سنة بس بسلام بعدها التهبت المؤخرة جهة وحدة والله العظيم وجع لايطااااااق , انا جربت الحمل والولادة بدون مسكنات والبواسير والخراج والله العظيم انهم مجتمعين يهونون جنب هالألم ,, الم مو طبيعي والله احس ان مفاعل نووي حاااار ينبض داخل المؤخرة بينفجر بأي لحظة وطبعا هالألم مستمر ليل نهار امشي كأني مشلولة وأحيانا أحبي من الألم لا اقدر انام ولا اقدر اجلس ولا اقدر اعيش مع الناس طول الوقت الحرارة واصلة 40 وفوق ماتنزل الا بمسكنات 3 أو 4 ساعات وترجع الحرارة مرة ثانية , والله اني طحت مثل الميتة واستبعت تماما ان تكون المادة ملتهبة انا فكرت تشنج في العضلات , ولا اي شي الا ان تكون المادة التهبت لأن الدكتور اكد لي ان هاذي المادة الدائمة مايصير لها شي وعشت الألم 8 ايام والله كأنها 8 سنوات , رحت له دبي مجرد مافتح فتحة طلعت المادة ملتهبة ولونها اخضر مثل الصديد وقوامها مثل الغرا وارتحت وبدت حرارتي تنزل شوي شوي
وتميت اعاني الألم كل ما أحرك رجلي مدة اسابيع لكن مش نفس الم الإلتهاب ,,,, وقلت الحمد لله لأن الفرق ما كان واضح بين اليمين واليساربعد ما هدت مؤخرتي
بعد هالسالفة ب 5 شهور كنت مسافرة مع زوجي في دورة و صار لي نفس الإلتهاب ونفس الشي بس في الجهة الثانية ولأني عشت الألم وصرت خبيرة فيه كنت خايفة ودايم اتصل له وكل مرة اتصل يصارخ في وجهي ويقول انتي ماتستحملين وجننتينا ومادري شوه ,,, قلت له كافة الاحتمالات اني اسير له دبي ولا اعمل لها تنظيف كامل ماكان يطمني والله اسلوبه كان مختلف 180 درجة عن اسلوب اول ما زرته بالعيادة كرهت اتصل له بعد ما هزأني , المهم اني رحت لدكتور تجميل بالديرة اللي كنا فيها والله يجزيه الخير ما قصر ظليت اروح له ويسحب من المادة شوي شوي لحد ما فضت المؤخرة وطبعا خلال هالأيام كانت حرارتي على طول مرتفعة والم مثل حصى حاااار ينبض مثل القلب ورجلي اشيلها شيل كنها مشلولة , لما شاف الدكتور هالمادة بعد ما سحبها قال انا ابداً ما أنصح باستخدامها ,,, واستغرب منها وطلب تحليلها
انا مش ندمانة على الفلوس والله انا بس ندمانة اني ماسمعت نصيحة امي وصديقاتي ,,, وندمانة على صحتي اللي تدهورت ,, وعلى عيالي اللي اهملتهم بسبب الألم الفظيع والحرارة العالية اقسم بالله اني عشت تجربة تصعب على الكافر
مابي اطول عليكم والحاضر يعلم الغايب ياخواتي وعموما المواد الدائمة في التجميل خطرة جدا اللي مصرة تبي تحقن اما بدهون الجسم او بمواد مؤقتة وأسألي طبيب مختص عنها قبل لا تحقنين وأسالي دكتور آدمي مب واحد تجاري مثل هالدكتور الله لا يسامحه .
(على فكرة انا اعرف وحدة حاقنة نفس المادة صحيح ما التهبت لحد الان لكنها تقول لي انها ميتة من الخوف لأنها تحس بآلام و وخز ساعات يستمر وساعات يكون متقطع

اقتباس:

المشاركة الأصلية كتبت بواسطة khawla&tito بس اللي فهمته ان الدهون اهوا اللي امن

ادري اختي ان الدهون اامن بس الدهون لازم عمليه كامله وان مابي عمليه ولويه ومشكله الدهون معروفه انه لو حقنتي مثلا 300 راح يضل 150 مثلا لانها دهون وتذوب بجسمج ولوسويتي ريجيم هم راح تذوب لانه شي طبيعي وانا رحت حق الدكتوره وماشالله روحها وايد حلوه واتينن شافتني قالت انتي مافيج دهون بطنج عضلات مترهله ويبيلها رياضه وتشد والدهن لو بنسحب منج ماراح يكفي ولاراح يعطيج النتيجه اللي تبينها

الماكرولين عباره عن مواد طبيعيه >> أأمن مادة بالسوق الحين

لكن عيبها إنها مكلفه جدا

الإبره الوحده قيمتها حدود 400 دينار تقريبا ,, وتتم فترة حلوه إذا ما تم خلطها مع مادة ثانيه

لأنه بعض العيادات يخففونها بمادة ثانيه علشان الكميه تزيد >> غش تجاري طبعا
اهي مادة هلامية حيييييييييييييل ثقيلة مقارنة بباجي المواد محضرة من حمض الهيالورونيك( آمن للغاية)

إذا خلطوا معاها ماده ثانيه راح تروح بمده أسرع

بعد ال 18 شهر ( سنه ونص ) تردين تحقنين الماده لكن بنصف الكميه اللي حقنتيها للمره الأولى .. عقبها ب 18 شهر ثانيين ( يعني 3 سنين من المره الأولى) تحقنين لكن ربع الكميه اللي حقنتيها بالمره الأولي .. بعدين تستمرين كل 18 شهر حقن بربع الكميه إذا حابه شكلها يضل كبيره

المادة تنحقن للصدر والؤخره والساق ولتعريض الوجه ( تحت صوب الفكين)

أستغفر الله الذي لا إله إلا هو الحي القيوم وأتوب إليه
عدد ما كان وعدد ما يكون وعدد الحركات والسكون

اقتباس:

المشاركة الأصلية كتبت بواسطة ranzi انا جربت الميكرولاين سويت 10 ابر وبعد 8 شهور سويت بعد 10 ابر احسن واامن من الاكوالف بس مشكلتها انها مكلفه وتخف خلال 6 شهور او اقل من سنه عشان جذي انا افكر بالسليكون

اختي ممكن أعرف وين حقتني بأي عياده ؟؟

وكم كلفتج الإبره الوحده ؟؟

اقتباس:

المشاركة الأصلية كتبت بواسطة khawla&tito هذي تجربة وحده الله يشافيها مسالخير للجميع شخباركم بنات . حلاتين والله على الكويت وأهلها يعلهم يسلمون انشالله تقبلوني معاكم واكون خفيفة عليكم،، اول موضوع ابي اشاركم به هو تجربة مؤلمة جدا جدا انا عشتها والله , وابي انقلها لكم عشان الحاضر يعلم الغايب . الله يسلمكم بعد ما ولدت بنتي الثالثة وقبل ما أخلص سنة شفت جسمي مترهل بعد الولادة ,للأسف اني ماصبرت على نفسي حتى يرجع جسمي مثل الاول ,و حبيت اعمل تكبير للمؤخرة لأني سمعت وحده من هل دبي تسولف عن مركز جراحة للتجميل في دبي ويعملون هالعملية هناك بمادة دائمة تتم طول العمر ,, المهم اني سرت دبي وفيني فضول ودي اعرف كيف هالعملية وشوه المادة ,, وقابلت مدير المركز كان طيب وتعامله راقي وصور لي ان العملية سهلة وأكد لي ان المادة مالها اضرار أبداً ,, باختصار صور لي ان الدنيا ربيع , ولا ذكر لي اني لازم اكون حذرة في جلستي و وين اجلس وابتعد عن الحقن في هالمنطقة ,وأتفادى الضربات وانا كان ودي اعمل هالعملية مع ان مؤخرتي كانت زينة لكن بني ادم طماع ,, المهم اني عملتها بعد ما صحيت من البنج حسيت كأن حصى يغلي في مؤخرتي ولبست مشد خاص مدة شهرين,, 3 ايام وصرت احسن , رجعت بوظبي وعادي مارست حياتي والحق ينقال مؤخرتي صارت ولا كيم كرديشيان , مرت سنة بس بسلام بعدها التهبت المؤخرة جهة وحدة والله العظيم وجع لايطااااااق , انا جربت الحمل والولادة بدون مسكنات والبواسير والخراج والله العظيم انهم مجتمعين يهونون جنب هالألم ,, الم مو طبيعي والله احس ان مفاعل نووي حاااار ينبض داخل المؤخرة بينفجر بأي لحظة وطبعا هالألم مستمر ليل نهار امشي كأني مشلولة وأحيانا أحبي من الألم لا اقدر انام ولا اقدر اجلس ولا اقدر اعيش مع الناس طول الوقت الحرارة واصلة 40 وفوق ماتنزل الا بمسكنات 3 أو 4 ساعات وترجع الحرارة مرة ثانية , والله اني طحت مثل الميتة واستبعت تماما ان تكون المادة ملتهبة انا فكرت تشنج في العضلات , ولا اي شي الا ان تكون المادة التهبت لأن الدكتور اكد لي ان هاذي المادة الدائمة مايصير لها شي وعشت الألم 8 ايام والله كأنها 8 سنوات , رحت له دبي مجرد مافتح فتحة طلعت المادة ملتهبة ولونها اخضر مثل الصديد وقوامها مثل الغرا وارتحت وبدت حرارتي تنزل شوي شوي وتميت اعاني الألم كل ما أحرك رجلي مدة اسابيع لكن مش نفس الم الإلتهاب ,,,, وقلت الحمد لله لأن الفرق ما كان واضح بين اليمين واليساربعد ما هدت مؤخرتي بعد هالسالفة ب 5 شهور كنت مسافرة مع زوجي في دورة و صار لي نفس الإلتهاب ونفس الشي بس في الجهة الثانية ولأني عشت الألم وصرت خبيرة فيه كنت خايفة ودايم اتصل له وكل مرة اتصل يصارخ في وجهي ويقول انتي ماتستحملين وجننتينا ومادري شوه ,,, قلت له كافة الاحتمالات اني اسير له دبي ولا اعمل لها تنظيف كامل ماكان يطمني والله اسلوبه كان مختلف 180 درجة عن اسلوب اول ما زرته بالعيادة كرهت اتصل له بعد ما هزأني , المهم اني رحت لدكتور تجميل بالديرة اللي كنا فيها والله يجزيه الخير ما قصر ظليت اروح له ويسحب من المادة شوي شوي لحد ما فضت المؤخرة وطبعا خلال هالأيام كانت حرارتي على طول مرتفعة والم مثل حصى حاااار ينبض مثل القلب ورجلي اشيلها شيل كنها مشلولة , لما شاف الدكتور هالمادة بعد ما سحبها قال انا ابداً ما أنصح باستخدامها ,,, واستغرب منها وطلب تحليلها انا مش ندمانة على الفلوس والله انا بس ندمانة اني ماسمعت نصيحة امي وصديقاتي ,,, وندمانة على صحتي اللي تدهورت ,, وعلى عيالي اللي اهملتهم بسبب الألم الفظيع والحرارة العالية اقسم بالله اني عشت تجربة تصعب على الكافر مابي اطول عليكم والحاضر يعلم الغايب ياخواتي وعموما المواد الدائمة في التجميل خطرة جدا اللي مصرة تبي تحقن اما بدهون الجسم او بمواد مؤقتة وأسألي طبيب مختص عنها قبل لا تحقنين وأسالي دكتور آدمي مب واحد تجاري مثل هالدكتور الله لا يسامحه . (على فكرة انا اعرف وحدة حاقنة نفس المادة صحيح ما التهبت لحد الان لكنها تقول لي انها ميتة من الخوف لأنها تحس بآلام و وخز ساعات يستمر وساعات يكون متقطع

صح كلامها المواد الدائمه وايد لها Side effects

الأفضل دهون الجسم أو المواد المؤقته

دهون الجسم سمعت إنه ممكن تتحرك وتنزل مناطق ثانيه .. يعني إذا بتحقنينها بالأرداف ممكن تنزل عالفخوذ
أو إذا بتحقنينها بالوجنتين .. ممكن تنزل تحت صوب الفك

بس ترى حتى دهون الجسم مو دائمه .. أنا اعرف وحده حقنت خدودها بدهون جسمها قبل سنتين
الحين أشوف خدودها واايد خفت عن أول فتره من العمليه

فالأفضل مواد مؤقته طبيعيه >> والمايكرولين تعتبر مادة مؤقته طبيعيه

اقتباس:

المشاركة الأصلية كتبت بواسطة arnoba15 هلا اختي انا دقيت على نوره الصليلي قالت عندها هذي الابر بس حيل غاليه وانا مسحوته موليه الحبيبه بلا جم يبلي ومشكله انها تقل على كلامج "اسال مجرب ولاتسال طبيب"وانا مالي خلق كل شوي اقزز بس كنت بسالج يعور لما كنتي تقزينه واشلونها عقب شكلها حلو عطاج النتيجه اللي تبينه

حبيبتي بجم إبرة الماكرولين عند نورة الصليلي ؟؟