|
|
مساء الخير كروشات اخباركم اليوم ان شاءالله بخيــــــــــــــر .gif "Eh S(15)")
حبيت استفسر كل موعد تروحين شنو يفحصون فـيـج ؟؟؟
انا اول زياره لي خذوا مني عينة بول و الطول طبعا مـع الوزن وشافوا ضغطي
ودخلت عند الطبيبة وسألتني بعض الأسالة بخصوص امراض وراثية او امراض اعاني منها
وبعدها كشفت علي وشافت صدري وفحصت بطني وسمعتني نبض الجنين
طيب الموعد الثاني شنو يفحصون بعـد
لانها طلبت مني قبل مازورها بأسبوع اروح المختبر ياخذون مني دم وبول عشان يفحصون وجي
انتو خبروني كل موعد تروحون شنو يفحصون فيكم 
واذا عندج اسئلة تسألينها ..
وتشوف التحاليل واذا تحتاجين حبوب فيتامينات وجذي وطبعا لازم …راح تعطيج ..وبس
و تسوي تحليل بول تقريباً كل مراجعة يشوفون السكر و الزلال
و السونار بعد كل مرة عشان تشوف البيبي و تطورات النمو
و تسالين اسئلة و تجاوبج
و اهي تسألج اذا في شي متعبج تعطيج نصايح او ادوية
تشوف وزنج
و تشوف دقات قلب الجنين
جذي يعني
بصراحة وناسة المراجعة
و يقيسون الجنين و عنق الرحم و يقيسون وزنج و يشوفون ضغطج !
و اذا عالفحوصات ,
اول شي يطلبون تحليل نسبة الدم عشان لا سمح الله يكون فقر دم ..
و طلبوا تحليل ثاني اللي اسمه الحصبة الالمانيه مادري ليش !
و بعدين تحليل بول و السكر و غيره ..
بعدين مع كل مراجعه اهي الدكتور تعرف متي تقولج تسوين فحوصات
يعني لا تحاتين الدكتوره عارفه كل شي ,
و انا عن نفسي ..
كل شهر اراجع و اي شي يصير وياي او احس متعبني اكتبه بالنوت !
عشان بمراجعتي اليايه اكلم دكتورتي و تنصحني شسوي
و تكتبلي من حبوب و فيتامينات علي حسب نتيجة التحاليل ..
و هاذه اللى اعرفه حبيبتي :$ ،
تأخرت صح ؟! يعطون فيتامينات لمنع تشوه الجنين من اول شهر وانا الحماره اخذتها بالشهر الثالث