|
|
السلام عليكم خواتى
بغيت اعرف اللى عندها خبره شنو الفرق بين تدريس المرحله الثانويه والمتوسط وشنو المميزات والعيوب واى مرحله حبت تدريسها؟والله محتاجه هالاجابه عشان احدد مستقبلى
آآآآآآآب
انا ادرس عربي متوسط
وعندي المتوسط وايد اهون من الثانوية. الثانوية صح كبار يعني ما يأذونج لكن يشتغلون عليج سوالف وحجي ومسخرة ونغزات
اذا كنتي تتحملين ومو حساسة اخذي ثنوي وغير جذي اي مادة بالثنوي طبيعي تكون اصعب من مواد المتوسط يعني انا العربي مال الثنوي
الصراحة ما اقدر عليه وخاصة النحو بينما اقدر على نحو المتوسط والصراحة ماحب اتفشل وتسألني الطالبة ابلة مو عارفة شنو اعراب هالكلمة وانا ما اعرف اوضح لها
المتوسط صايرين بالوسط مابين الثنوي والابتدائي تقدرين تضبطينهم بالنظرات اما الثنوي كبار وقراب من عمرج وصعب تتحكمين فيهم وهذا رايي
انا اشوف المتوسط افضل .. لأنه مهما كان تقدرين تسيطرين عليهم
ومنهجهم اخف شوي من الثانوي .. بالنسبه للنصاب حسب عدد
المدرسات بقسمج .. ممكن يقل او يزيد
طابور الصباح اذا كانت عندج الحصه الاولى لازم تحضرينه
او اذا كنتي مشرفه ومسؤوله عن صف .. لازم توقفين عليهم
هذا اللي اعرفه
محتاره بين المتوسط والثانوي>> نازله هالكورس ميداني بالمتوسط (علووم وانا اساسا تخصصي احياء ثانوي)
مادري احس ماشي حالي بالمنهج ومع البنات
بس قالولي اذا كنتي ثانوي تترقيين بسرعه>> هذا الي سمعته
وبعديين اذا كنتي تبييتن ثانوي وفي نقص بالمتوسط بيحطونج متوسط والعكس صحيح وانتي ما تدريين على حسب التعيين ووين يكووووون النقص
خاصة
سادس وسابع
لكن ثانوي
لايحوووشج