|
|
السلام عليكم
شلونكم بنات
والله انا فيه شي محيرني وايد وقمت احس اني ظالمه ريلي
او اني قاعده اصير وايد متطفله وياه
الحين انا بقولكم
مو المفروض المره والريل مايخشون شي على بعض؟؟
يعني انا وريلي مانخش شي على بعض
مثلا
– انا اعرف باسوورد ريلي مال ايميله واهوا اللي معطيني اياه ويدري اني اجيك على ايميله واهوا كذلك
– قفل تلفونه انا اعرف الرقم مال القفل وعادي اخذ تلفونه جدامه واتعبث فه واهوا كذلك
بس بعض المرات ريلي يقولي ترى ماكو حريم يسوون جذي انا ربعي كلهم ياويلها اللي تجيس تلفونه
وانا اقوله حبيبي لا تسمع كلام رياييل انا اقولك رفيجاتي كلهم يمسكون تلفونات رياييلهم وبهالحاله منو تصدق يسكت
بس تصدقون والله احس اني بعض المرات اصير سخيفه مادري غثيثه مادري تصير حركاتي مو انثويه مادري مادري شلون اعبر :/
بس ياليت تقولولي انتو نفس حالتي ولا انا اللي قاعده اسويه غلط وريلي راح تطق جبده
اي وعلى فكره انا ماصرت جذيه الا منه لان اهوا انا اول مادش البيت علو طوووووووول وين تلفونج ياخذه ويتعبث باللوق بالمسجات هاااا واذا شاف باللوق اني دازه مسج والمسج ممسوح يقولي شدازه حق فلانه :/
فانا بس يقولي وين تلفونج انا اقوله عطني تلفونك اول والمشكله انه يعطيني :/
مادري مادري شنو الصح وشنو الغلط
تحياتي
خلينا منه اهوا.. الحين انتي ليش تتعبثين وايد والله زين منه مجاريج وااايد انا ريلي ماخذته عن حب عمري ماقلت له هات باسورد ايميلك ولا اتعبث بتلفونه.. خلج واثقه من نفسج قبل لا تكونين واثقه منه اوكي حبيبتي
والريال لي بغى يخربط يقدر يقص عليج وانتي ماتدرين عن شي صح ولا لأ
انتبهي بليز وحاولي تخففين هالشغله ترا الرياييل مايحبون المره المتطفله ينظر لها بنظره مو حلوه حتى لو بينه وبين نفسه
والله يوفقج حبيبتي
وترى كلش مو حلوه
خلي الثقه بينكم
ولو يبي يسوي شي صدقيني يقدر يسوي له ايميل ثاني وياخذ خط يديد وانتي ما تدرين عنه
وماعليج من رفيجاتج
مو كل شي يسوونه رفيجاتج صح
|
المشاركة الأصلية كتبت بواسطة الاميره مغروره
 اكيد اهو تعلم هالحركه لانه شافج تسوينها
وترى كلش مو حلوه خلي الثقه بينكم ولو يبي يسوي شي صدقيني يقدر يسوي له ايميل ثاني وياخذ خط يديد وانتي ما تدرين عنه وماعليج من رفيجاتج مو كل شي يسوونه رفيجاتج صح |
انا معاها بكل كلمه قالتها
ترى الرياال ما يحب المره اللي تنبش
اذا قاالج عطيني تلفوونج عطيه
ولا تهتمين وعلى المسجات لا تمسحين خليه اهوو اللي يمسح
انا ماقمت اسوي جذي الا لما شفته اهوا يسوي
يعني لما يقولي عطيني تلفونج انا ماكون ابي تلفونه
بس عشان ابيه يتعلم انه مو حلو تاخذ تلفوني وتتعبث
بس المشكله انه عادي عنده اخذ التلفون ومايقولي لأ ماكو
انا فاهمه قصدج انتي تاخذين تلفونه واتنبشين تبينه يحس على دمه وماينبش بس اللي فيه داء حبيبتي مايبطله على كلامج ان اهوا من يدش البيت سيده ياخذ نقالج خليه يشوف عادي والله لاتعطين الموضوع اهميه
طوفي ياقلبي
بس مثل ما قتلكم لان اهوا يسوي
وانا اللي ابي اعرفه
هل غلط اللي قاعد يصير والا شي طبيعي؟؟
انا الصراحة وحدة لو شنو ما اسويها و اهوه ان سواها بزعل بقوله شنو شاك فيني @@
الثقه أكيد موجوده بينج وبينه
خلي امورج طبيعيه
لا تتعبثين بتلفونه
وبدون ما يطلب تلفونج انتي عطيه
رد فعل طبيعي انه لمن يقولج عطيني تلفونج تقولين له عطني
بس خففي
لا تصير السالفه مداحر ووحده بوحده
بالعكس خلج واثقه من نفسج ومنه مع الحذر
ومن اليوم وطالع عطيه من غير لا يطلب
وانتي طنشي جهازه
وان بغيتي اخذيه بس جذي مو بنفس الوقت اللي يطلب فيه تلفونج
|
المشاركة الأصلية كتبت بواسطة um jojo
مادري احس الحركة كلش مو حلوه وين الثقة عيل !!!
انا الصراحة وحدة لو شنو ما اسويها و اهوه ان سواها بزعل بقوله شنو شاك فيني @@ |
انا مادري ليش البنات يعتبرونها شك وعدم ثقه
انا بالنسبه لي هالشي من حقي ومن حق زوجي
بما ان مافي اسرار بينا شاللي يمنع انه يشوف تلفوني واشوف تلفونه
وترى بعض المرات مايكون عشانه شاك فيج لا انا احس مجرد فضول بشوف منو داق عليج ومنو دازلج مسج 
هذي سوالف مراهقين و يهال
العلاقه الزوجيه علاقه راقيه و لازم تقون مبنيه على اساس قوي اللي هو الثقه والاحترام
وشي مثل هذا مستحيل يكون عادي مثل ماتقولين
يعني فضول او شي جذي
هذي حركه عفوا يعني بس تافهه وايد وماظن شخص عنده ثقه بنفسه باللي جدامه يسويها
شوفي انتي لاخذا تلفونج مره 2 بدال ماتقوليله عطني تلفونك حاولي تقطين عليه نغزه تحرجه
يعني وانتي تعطينه ابتسمي مثلا و قوليله اوكي حبيبي هاك اخذه بس ترى انا ماراح اخذ تلفونك لاني احبك و اثق فيك وامشي عنه
مره مرتين 3 طبعا مو كل مره تعيدين نفس الكلام بس مديله التلفون وانتي مبتسمه و تطالعينه وامشي
صدقيني مع الوقت راح يستحي واييله احساس ان الي قاعد يسويه شي سخيف وبيقول مرتي الي اهي مرا و المفروض الحريم اهما الي لهم هالسوالف موقاعده تسوي الي اسويه
والله يوفقج