|
|
قوه بنات شخباركم 
بغيت استفسر عن مادة الارض والكون للدكتور ابراهيم الرفاعي ؟؟؟
شلووون الدكتور ونظامه وامتحاناته 
عفيه بنات ضروري اللي تعرف لا تبخل علينا
وعسى الله يوفقكم ويسهل اموووووركم
في انتظاركم
>> للامانة انا ما اعرفه وما عمري سمعت عنه بس بحط لج تقييمه من موقع تقييم الدكاترة
– المستوى: سهل جدا
– الشرح: شرح ممتاز
– حصلت على: B
ننصح به
المـادة: 102 تاريخية التاريخ: 2024-07-14
الطالب: Angel-Soul رقم التقييم: 21305
وااااااي .. شقولكم بس .. انا اللي سمعته عن هالدكتور انه رايح فيها وما يحترم البنات اللي مو متحجبات … و .. و .. الخ ..
والله شوفوا انا عن نفسي ما خذيت عنده ولا مرة !! بس كنت احضر تاريخية استماع .. طبــعاا انا كنت مخلصة المادة من سنة .. يعني عندي Background عجيب .. الله يخلي د. عرفات و د. أديبة 
المهم .. كان يسأل الطلبة وايد .. والعموم كان متنح !! يعني يسأل يقول ليش الشغلة الفلانية تصير ؟؟ أو شنو اللي يسبب الشي الفلاني .. جان انا اقوم انط واجاوب .. (اللي كانوا ماخذينها راح يعرفوني! ) جان يقول : منو هذي اللي جاوبت .. جان ارفع ايدي .. والا يقول : (( الحين اللي يايه ضيفة عندنا تجاوب وانتوا ما تعرفون ؟؟)) المهم جاوبت معاه ذاك اليوم أكثر من سؤال .. جان يقولي .. انتي وحده ممتازة ! ابيج تقدمين عندي ماستر .. انا تنحت !! قلت ان شاءالله .. على بالي يستهبل .. بس كان مبين على ويهه الجد !! شجعني والله على هالشي .. انا قلت باخذ بريك بعدين اكمل ماستر بس شكلي بغير رايي 
بحط لكم رفيجتي شنو خذت عنده .. اهي خذت B+
والله نصيحة اخذوا عنده
–
– المستوى: سهل جدا
– الشرح: شرح جيد جدا
– حصلت على: A
ننصح به
المـادة: حقلية ( عمان ) التاريخ: 2024-12-10
الطالب: S3D رقم التقييم: 19181
خوش دكتور وملتزم ماشالله ,, أحلى شي فيه غشمرته وضغاطه للطلبه يوم كنا بعمان لوول ,, اهو اللي كان يحن على باجي الدكاتره يردونا مبجر ومقدر التعب شوي
ماشالله عليه كان حسبه ابونا بالسفره ويفرض احترامه عالكل
– المستوى: متوسط الصعوبة
– الشرح: شرح متوسط
– حصلت على: A
ننصح به
المـادة: جيولوجيا عامة طبيعية التاريخ: 2024-09-17
الطالب: المستعينة بالله رقم التقييم: 18928
دكتور طيب
و ما شاء الله يحفظ الطالبات
و امتحاناته متوسطة
بس كان يجيب سؤال تونا مو ماخذينه ضمن الكمية
و لا مرة ناسي إن علينا امتحان >>> لول
بس يعطي بونس و حده حده زين
ودي آخذ عنده مره ثانية
– المستوى: متوسط الصعوبة
– الشرح: شرح ضعيف
– حصلت على: B
ننصح به
المـادة: الأرض والكون التاريخ: 2024-05-30
الطالب: LeLLa89 رقم التقييم: 17417
يعطيكم العافية.. والله هالدكتور عقدني الكورس الي طاف!
يعني بالمحاضرة راعي نكتة و روحه حلوة.. و عارف ربه ودايما يذكر الله بالمحاضرة و يحولها ساعات محاضرات دينية ينصحنا ك بنات.. عنده روح أبوية لنا..
شرحه؟ صفــــر! بروحنا أدبي ومخنا على قدنا والمادة دسمة انزين اشرح عدل! لا يقرى من الكتاب! انزين دكتور اشرح فهمنا! ماكو..
امتحاناته اول شي كانت قمة بالصعوبة! يوم شاف درجاتنا second midtrem , the final كانو سهلين وايد و موضوعي!
بالنهاية عطاني B بجهدي طبعا واجبات و امشي على EL.Bouns ..
بس عامة حبوب عيبه الشرح
يعني بعطيه نجوم حق نفسيته بالمحاضرة و كلامه الطيب و البونس بس
شرح وامتحانات مافي نجوم
– المستوى: صعب
– الشرح: شرح متوسط
– حصلت على: D
ننصح به
المـادة: ارض و كون التاريخ: 2024-06-10
الطالب: BenT_oboha رقم التقييم: 14025
خوووووووش دكتووووووور طيب و حبووووب و اينن و محترم وطيب وكل شي زين موجود بهالريال .. بس لازم تشد حيلك عشان ال A انا كنت مو ذاك الزود و طلعت من الماده D ( نعمه ) P:
وو وايد متفاهم و يقدر الظروووف والله خوش ريال عسى الله يوفقه انشالله وين ما يروح : )
– المستوى: سهل جدا
– الشرح: شرح ضعيف
– حصلت على: B
ننصح به
المـادة: جيولوجيا تاريخية 102 التاريخ: 2024-04-30
الطالب: bo_khalid رقم التقييم: 13716
هالدكتووور حبووووب ونكته
ومحاضرته ماتنمل
واصلا ماكو شرح
بس كله يقرا الملخصات اللي اخر الشباتر
وبالاخير يعطيك مذكرات تدرس منهم الفاينل
واللي يحفظ ايه من القران يعطيه بونص 5 درجااات
ومو كل مدلقم جووووز
– المستوى: متوسط الصعوبة
– الشرح: شرح متوسط
– حصلت على: B
ننصح به
المـادة: جيولوجية تاريخية التاريخ: 2024-02-11
الطالب: black52angel رقم التقييم: 13258
ما شاء الله على الدكتور الرفاعي
يساعد الطلبة
بس الشرح ماله شوي لازم تكون مركز على الكلام اللي يقوله
واخر الفصل يعطي نوتات يجي منها الفاينل
الدكتور يساعد الطلبة ويحب اللي يلبسون الزي الوطني
لووووووووول
بصراحة طول الكورس وهو حاط علي ليش لابس جينز وكل شوي ماسك علي يقول لي شنو يعني برادا يقصد التي شيرت اللي لابسه اقوله ماركة واضحك
لوووووول
وهم بعد حط علي طالبة مصرية عندنا لدرجة انا ما قمنا نشوفها تداوم معانا
مسكينة ما تستاهل والله (:
لووووووووووول
بصراحة الدكتور عسل ومعتبرنا مثل اعياله
جزاه الله كل خير
واخر الكورس يعطي بونص تحفظ سورة الملك يعطيك 5 درجات
– المستوى: متوسط الصعوبة
– الشرح: شرح جيد جدا
– حصلت على: B
ننصح به
المـادة: تاريخيه 102 التاريخ: 2024-04-10
الطالب: سوسو رقم التقييم: 3273
خوش دكتور و يرفع درجات الطلبه و امتحاناته زينه
– المستوى: متوسط الصعوبة
– الشرح: شرح جيد جدا
– حصلت على: B
ننصح به
المـادة: 0410101 التاريخ: 2024-03-21
الطالب: سلام رقم التقييم: 2894
دكتور يهبل سهل الماده عنده
بنات نبي تجاربكم في انتظاركم
بس بغيت أسألج جم رقم مقرر الارض والكون ؟؟؟
|
المشاركة الأصلية كتبت بواسطة ألايانفس……
 أب يفيدونج البنات
بس بغيت أسألج جم رقم مقرر الارض والكون ؟؟؟ |
هلا ياقلبي الرقم الشعبه اجيبه لج شوي عشان السستم مصكره ياغلاا
ولايهمج