ماتوقعت اني اتعذب بفراقك بس دحين اتمنى الموت ولا اعيش لحظة بدوونه

السسسلام عليكم

كيفكم كويتيات ورمضان مبارك عليكم ,,
ببدأ موضوعي من اوله وابيكم تقوليلي اذا اني غلطت او لا واذا كنت غلطانه كيف اصحح غلطتي
بالبداية انا متزوجه تقريبآ لي 6 سنين
وعندي بنت وحده عمرها سنه المهم الموضوع ومافيه
اني بعد ولادتي فبنتي اكتشفت ان زوجي له علاقه بوحده ثانيه وقريبتي بس ظليت ساكته وجاملت
عشان اختصر الموضوع هاذي تصير خالتي اخت امي اول ماعرفت بالموضوع كنت بسافر عند اهلي بعد ولادتي بحوالي 15يوم ونفس اليوم اللي كنت بسافر فيه لقيت ميموري كارد عند زوجي واستغربت لأنه الميموري كان طايح منه وهو مو منتبه وكان حاطه فشنطه له برقم سري وانا كنت اعرف انها بس للأوراق الرسميه فيوم شفت الميموري على الارض
عرفت انه فيه شي مايبغاني اوصله سحبته وحطيته تحت رجلي وانا واقفه ليما قام زوجي وشلته بشنطتي وطلعت للمطار بعد ماوصلت عند اهلي فتحته
ولقيت لها صور ومكالمات مسجله وتأكدت من الآدميه صورها وصوتها
علمت امي وجدتي فالموضوع وتوقعت انهم بيوقفون معاي لأن الحق معاي بس سكتوني ثنتينهم وقالوا خالتك متزوجه لاتخربين بيتها بأوهامك
تمنيت اني اقدر افتح الميموري لهم بس صورها
فااااااااااضحه سكت عالموضوع وبعدين نفاسي رجعت لزوجي على العلم انه عرف اني عرفت عن خيانته بس ماتناقشت معاه بالموضوع ابد ورجعت معاه وانا ساكته ماتكلمت وبديت اخلق له الف عذر وعذر واحط نفسي انا الغلطانه عشان ابررله خيانته
وبديت فنفسي ليس شكلآ لأني بالشكل مو ناقصني شي الحمد لله عدلت نفسي بكل شي يخص الفراش
وتجرئت حيل وبهذاك الوقت كنت ادخل بيتي احيانا والاقي لها اثار فالبيت مره روج على مخدتي ومره خاتمها ومره تفتح دولابي وتفتش فقمصان نومي
اولها لما شفت الروج سألت زوجي عنه قالي اكيد منك وانا ماعندي من الأساس لون الروج اللي شفته
يعني هي بالبدايه كانت تجي للبيت وماتترك اثر لدرجة اني عمري ماشكيت بس بعد ماعرفت اني عرفت بالموضوع صارت تستفز اعصابي واششياء كثيره بعضها اسأل زوجي عنها وبعضها ابلعها واسكت حتى ارسلت مسج على جوالي تقولي اتركي بيتك برضاك احسن مابكره يصير البيت بيتي وتنصدمين ومن هالكلام
وطنشت واتصلت مرتين وطنشتها حتى الخط مافتحته
بعد مايئست من الموضوع ومن زوجي قلتله انا بروح فتره عند اهلي برييح اعصابي ونحاول نحل الموضوع بهدووء لكن انا دحين اعصابي ماتتحمل
وانا من الأساس كنت ناويه اروح ومارجع له اببد
هو خاف من هالشي وعيا يخليني اروح لأهلي وصرنا هذيك الفتره متوترين بعد جاته سفره وغاب عني اسبوع بعد مارجع سويت نفسي اني خلاص رضيت ونسيت الموضوع بس عشان اخليه يوافق اني اروح لأهلي وكلمته وقالي احجزلك ذهاب واياب واجلس هناك اسبوعين بس ووافقت رحت عند اهلي
وانا من الأساس مابي ارجع بعد ماجاء موعد الرحله اللي ارجع فيها وانا طنشتها وهو كان ينتظرني فالمطار صارت مصيبه وزعل وهواش وانا للحين ملتزمه الصمت بس ابي اعصابي ترتاح
الحين لا الكلمه ولا يكلمني انا بديره وهو بديره
بالبدايه كان يحاول يصلح الموضوع وانا مطنشته وجاء عند ابوي اول مره وكلمه وسأله ابوي عن الموضوع اللي بينا وماتكلم وانا ماتكلمت وطلب من ابوي انه يشوفني وانا رفضت
بعد بأسبوعين رجع مره ثانيه وطلب بنته بيشوفها بسس مافتح موضوعي
ولما اخذها جلست تبكي لأنها صارت ماتعرفه وهو بكى وطلع من عندنا على طوول وبعدها صار يرسلي مسجات بس كل ليله وانا اقرأ وابكي ومارد عليه
الحين هو وقف مسجات ولا عاد يجي ولا اعرف عنه شي بديت احس بفراقه واني مو قادره اتحمل هالبعد
بديت افقده بكل شي
ومادري اذا اني غلطت والا لا
بالبدايه كنت ابي اتطلق بس الحين امووت ولاعيش من غيره لو لحظه وهو ساكت وانا مابيدي شي اسويه
ولا اعرف ايش الحل
ساعدوني

استغفر الله
زوجج مريض نفسي يحب مجامعه المحارم اليوم خالتج وباجر بنته لا كبرت
من صجج تحبينه؟؟
واي راسي صكني من سالفتج بس ماعتقد في شي اشيد من انه يجامع خالتج باجر ختى خدامتج يلمسها ووووووووووع
مادري عنج طريقه تفكيرج غريبه
ان شاء الله البنات يفيدونج

يبوووووووووووووي والله جسمي قشعر من قصتج الله وكبر عليها خالتج الله لا يوفقها اللي ماتستحي الريال ماينلام بس المره اهيا اللي عليها الملامه المهم الحين اهوا عرف غلطته واكبر دليل انه رجع وارسل مسجات وبجى والمسامح كريم وانتو بينكم بنت ولا تهدين بيتج عشان اللي ماتخاف الله ويمكن هذا اللي تبيه وراح تحققينه لها خلج قوية بااس وايد رياييل يغلطون في بداية حياتهم وانتي تحبينه ؟ هذي شغله الشغله الثانيه حريها وارجعي بيتج الحين تقولين شلون خلي احد من اهلك يتوسط لكم ولا تطولين السالفه بعدين يتعود فراقج وفراق بنته وتصير السالفه عاديه عنده بسرعه تحركي لا توقفين جذي ساكته وتشوفين بيتتج ينهدم بسبب وحده ماتخاف الله خلي ابوج يكلمه امج اي احد او دخلي احد من اهله وردو لبعض وقهرو العذال وخليه يندم ويعتذر ولا يسوي هالشي ثاني مره بس اهواليش صورها بالميموري اكيد ماصورها اللي السالفه لعب بلعب مافي زواج ولا شي واهيا بعد تلعب ومايهمها شرفها هذي مقهوره منج وتبي تهدم بيتج لا تعطينها فرصه انا مو متزوجه بس والله قاعده انصحج من قلبي وموفقه يارب

اول شي ريلج وخالتج لا تعليق
انتي انسانه سلبيه بشكل مو طبيعي !!!!! لا تزعلين ؟؟؟
كل هالبلاوى وساكته ؟؟؟ بالعذر شاخ عليج ؟؟؟
الغلط راكبج من راسج لريولج انتى سكتي على بالج انه هالشي سنع بس هالسنع انقلب عليج ؟؟
انتى ماسويتي اى ردت فعل قويه توقفه عند حده ولا سويتي شى لخالتج ؟؟
عندج دليل وماعرفتي تستعملينه عدل ولو بس مهددتهم فيه جان لقيتيهم تحت ريولج يدورون رضاج

ياربي لهالدرجه شفتي روج وساااكته !!!

المهم ارجعي بيتك واقهريها هي من رسالتها تبغاك تتركينه وتطلقون

لكن انتي اقعدي على قلبهاا واتفاهمي مع زوجك والصور اللي معاك هدديهم فيها

ولا تسكتين على شي اذا رجعتي لبيتك .. واذا شفتي اي شي امسكيه عليهم لما يتأدبون الاثنين

حتى لو تضطرين تورين احد الصور تسستاهل ماشاء الله هي تتونس وتسوي اللي تبغى وانتي تستحين

والله يريح بالك يارب

حسبي الله على خالتج ياعلها المرض اللي مايخليها تقوم من فراشها ياربي شهالناس الله لايوفقها
وانتي قضبي ارضج وقعدي بعد كل اللي سواه فيج تحبينه يدخل خالتج على فراشج وتحبينه ؟؟ انتي اكيد موصاحيه

بصراحه وبدون زعل انا بحياتي كلها مامرت علي انسانه اعصابها بارده مثلك شلون قدرتي تسكتين موقادره افهم ولا قادره استوعب سكوتك على وقاحتها اللي ماتخاف ربها هذي انسانه مومال تسترين عليها ابد كلمي جدتك وخليها تشوف الصور اللي عندك وقولي لجدتك والله اذا مارجعت لزوجي وهال———- مابعدت عن بيتي والله الصور من بكره عند خوالي وزوجها لخلي فضيحتها بالجرايد انا سكت قلت يمكن تتعدل وتعقل بس الظاهر هي موناويه تفكنا من شرها وهي كلميها قوليلها من بكره الصور عند زوجك واخوانك بشوف شنو بتسوين وسكري التلفون لاتعطينها مجال ترد عليك خليها تعيش بخوف وتعرف ان الله حق وامك خليها تكلم زوجك وتتفاهم معاه عشان يجي هو بنفسه ياخذك وتشرطي عليه واذا جا زوجك كلميه وتفاهمي معاه بكل شي وقوليله الصور والسالفه محد درى عنهم الا امي وجدتي مابغيت انشرها عشان لا افضح ابو بنتي ولا هي تستاهل اللي يفضحها ولو اشك مجرد شك انك رجعت لعلاقتك فيها او غيرها والله فضيحتكم اثنينكم الديره كلها راح تدري عنها مثل ماانا سامحتك وشريتك بعد اللي سويته فيني خلك قد المسؤوليه وبنفتح صفحه جديده مابيك توصخها نبي نعيش لبنتنا وننسى كل شي وبعدين سافروا واستانسو وخليها تموت بقهرها خليه يغير خطه عشان ماتقدر تدق عليه
حريتيني بسكوتك وسلبيتك جد قهرتيني
الله يهدي بالك ويعينك وينصرك عليها يارب

هل موقف صار مع صديقتي خطبها واحد وبعدين حسته يكلم احد غير وتالي طلعت خالتها وهي هم متزوجه المهم صديقتي ع طول تركته وظلت كم سنه وتالي الله عوضها وتزوجت

المهم

انتي عليج

١= الدعاء وقيام اليل وسورة البقرة
٢= افضحيهم وهدديهم لا تسكتين هو الي هدم بيته مب انتي
٣= اقهري زوجك قوليله طلقني انا لقيت لي عريس وابي اعيش حياتي وياليت بعد جد تلقين لج واحد من ديرتك دوري لج واحد يخاف الله وقوليله ابيك بدون مهر ولا شي ترا في شباب واجد يبون يتزوجون وما عندهم

ياشيخه انتي وش له ساكته للحين
حلي موضوعك بذكاء لاتخلين خالتك تلعب فيك وفي اعصابك هذي شلون تربيتها تهدم بيت بنت اختها
ماعندها لا ذمه ولا ضمير هالوسخه القذره
اقولك والله او انا منك اني افضحها وافضحك هالوسخ الي معها ..
اذا خانك مع اقرب الناس لك .. وش لك فيه

الله يعينج
مصدوووووووووووووووومه خالتج الله يهديهاا اذا خالتج
حبته ماعلا البنات شرهاا لاخذوة منج
حبيبتي ارجعي لبيتج وقوليلها اذا ماتركتية بفضحج بالصور
واخرب بيتج لاخربتي بيتي تخلين بيتج وريلج وتضيعين بنتج علشان هالخايسة ماحلا الا زوج بنت اختي حسبي الله ونعم الوكيل

صراحة انا مو مصدقة القصة مو لان القصة ماتصدّق بس لان بروووووودج و سلبيتج ماتصدّق..

حبيبتي شهالخرابيط ؟؟؟

انتي من صدقك والا لا ؟؟؟

اذا صدق ليش كذا بارده ؟؟

ترا هذا مو عقل هذا هبل ؟؟

خالتي تجامع زوجي واسكت ؟؟

والله لأشرحهم اثنينهم !! لأسوي شي ماشافوه ولاتوقعوه بحياتهم !

دام عندك الدليل وريه امك وجدتك واحتفظي بالدليل لااااااااتعطينه احد ،،

خالتك فاصخ و قويه وجه !! يبيلها من يكسر راسها ويدوس على رقبتها ؟؟

يعني لاتخاف من الله ولاتستحي من الناس !!

وزوجك شلووووووووووووووون يتجرأ ويسوي معها علاقه !!

سالفتك حيل قويه صراحه !!

ان علمتي الرياجيل بيصير بالسالفه دم ! طبيعي !؟؟

وان سكتي خسرتي بيتك وزوجك وضيعتي بنتك !!

هدديها وان ماتسنعت عطي الادله ابوها واخوانها وباللعنه موتة كلب ماعليها حسوفه !

الحين القرار بايدك ،

واستغفرالله الله لايبلانا يارب سمعنا وسلمنا على قولة امي يامال الجنة !

لاتعليق بس سوال
انتي ع بالك سكووتك كان حل ولاتخسريه؟غلطانه بقوة لاتسكتي وانتي الي طلعتي من القصه خسارنه
انتي اهم شيء عندك انه وحشكي تستاهلي يوم انه قدامك مادافعتي ع بيتك وكرامتك وحقك سكتي وخليتيهم يعيشو قصه الحب
قهرتيني بقوة بقوة

انتي غريبه حيل بس خلج ساكته لمن تنفجرين
والله احس ماتحسين ماعندج دم ماتواجهين ماتقلبين الدنيه على روسهم ماتفظحين ماتنقدينه على نفسه
يعني العيب منج دام هاذي رده فعلج اكيد انتي حياتج كلها مو طبيعيه اكيد معاملتج له غريبه
العيب منج وهمن تفكرين في زوجج عقب الي شفتيه ماعرفتي تفظحين خالتج عند زوجها