ماء الاطفال

السلام عليكم
قبل كنت اسوي حليب بماي ابراج ولا اروى عقب مايغلي بس قالولي لا فية املاح وماادري شنو
يا تحطين ماي فلتر يا ماي اليهال لونة وردي
صحيح الكلام هذا ولا عادي اي ماي استخدم

أنا كنت أستخدم لبنتي نفس الشي دكتورة بنتي بمشفى السلام نبهتني قالتلي لا ماي فلتر ولا ماي معدنية فيها أملاح ومعادن مو زين للبيبي وقالتلي استخدم فقط بيبي واتر اللي غطاه زهري

اي حبيبتي مو زين ماي صحه وايد
يسبب املاح بالكله
اخذي ماي فلتر واغليه
وحطيه بمطارة وشويه منه
حطيه ببطل عشان توازنين
بينهم حق الحليب والاكل
انا استخدم الوردي حق الطلعه
احطة بالجنطه عشان اذا عطش اشربه منه

ايي موزين في املاح وايد
انا استخدم ماي الاطفال الوردي بس مادري قطعوه ولاشنوو موقادره احصله كل مره اشتريه من مركز سلطان كل ماروح ماكوو

قمت اغلي ماي واخليه يبرد ,,

عاااااااد تصدقوون انا استعمل ماي الصحة حق بنتي

انزيين انا مره سمعت ان هذا البيبي ووتر يوصلوون لي البييت خل اسأل عن رقمهم واعطيكم ايااه

مشكورين بنات
صح اسورا يوصلون للبيت ريلي ماادري من وين طلع رقمهم خصوصا انه راح مركز سلطان واكثر من جمعية ماحصل
خذا 6 كراتين 2 لتر ب 14 دينار

ماادري يمكن ممنوع احط رقمهم

وى وى وى انتو من صجكم اولا مصرف ثانيا لاتعلمون اليهال على التعقيم الزايد نصيحه امجربه ابجرى ابتلشت كله طايحه مريضه ……..

ماى فلتر اغلى وبردى ابجدر وحطى بمطاره والثانى ماى همن فلتر اغلى ولاتبردينه سيييده بلمطاره وبس احط من الحار المغلى كم رقم وازيده من البارد الى سبق وغليته واسوى فيه الحليبه والحمدلله مرتاحه لان مرد الياهل هذه بيكبر لى متى بيشرب ماى معقم وحالته حاله باجر معدته اتصير ماتحمل اى ماى الحرص الزايد يخلى الطفل يمرض وايد

انا مع عيش ومرق

انا معاج اختي عيش ومرق لازم الجاهل يتعود على الشي الطبيعي

delta water 97221979

انا اول الاشهر استخدم ماي الصحه عقب قالوااا موزين في املاح وااايد وحولت على ماي الفلتر وااايد اريح وانفع

الماي اللي لونه وردي وايد زين وفي كالسيوم يساعد في بنائ العظام والاسنان
زيادة الخير خيرين

انا شريت غلايه ستيل
وخليتها للبيبي بس
اغلي فيها الماي من الفلتر واكون مبرده ماي بمطاره وازايد وبس

وي انا اعطيه من ماي ابراج
احس ماي الفلتر فيه طعم و ريحه
مشكورين على هالملاحظه

والله يابنات لااتعودونهم على ماي الصحه والله بنتي بدايتهااوتتعب دايما مريضه عشاني غيرت المي بس اجبرتهاا لين تتعودت عليهاا والحمدلله وولدي والله من ماي الفلتر والحمد لله زين عليه