مؤسسه البترول الكويتيه

السلام بنات
ابي اعرف التخصصات اللي تحتاجها مؤسسه البترول الكويتيه

انا تخصصي نادر بس ابي اتأكد اذا اهم محتاجين تخصصي
المهم اللي عنده معلومات ارجو انها تفيدنا

شكرا

وعليكم السلام

شنو تخصصج علشان اقدر افيدج ؟؟

وبعدين التسجيل يفتح شهر سبعه بالصيف

شنو تخصصج

انا دبلوم هندسة كمبيوتر……يقبلوني؟؟

انا تخصصي يديد ونادر
انا خريجه كليه العلوم تخصص الفيزياء الهندسيه الاستشعار عن بعد

في موظفين من البترول نفس تخصصي من الجنسيه الهنديه ياخذون دوره عند دكتوري فقلت خلا اقدم عالبترول

فهل محتاجيني؟
شهر سبعه؟ انا سألتهم شهر 2 اللي طاف عند مؤسسه البترول الكويتيه قالولي راح ينزل اعلان شهر 4 وقدمي بس لي الحين ما نزل شي؟

للاسف لا يبون بكاليريوس هندسة كمبيوتر او نظم معلومات

تخصصج مرغوب فيه بس ينزلون اعلان سجلي بالانترنت

شهر 2 كان خاص حق اللي عندهم خبره وتسجيل عقود مالهم شغل بتوظيف الخرجيين الجدد

شهر 7 ينزل الاعلان مافي شهر 4

انا موظفه بوزارة النفط نفس مبنى مؤسسة البترول الكويتيه kpc وادرى بالمواعييد

اهاا اوكي كويتيه_1984 ومشكووووه
ويعطيج الف عافيه عالمعلومه

كريستاله*Cristala يالله خيرها بغيرها

كرستاله لم ينزل الاعلان سجلي فيه بعد اعتقد يصير لانه اذكر كانو يبون دبلوم بس دبلوم شنو ماذكر انتي قدمي وانشالله ياخذونج بس بالنت طبعا

مع اني اشوف تخصصج حلو اكيد يبونه بس دبلوم مادري بس انصحج تقدميين

انا رحت المعرض اللي بالهندسه اليوم
وقالولي انه بينزل الاعلان شهر 9
وايد بعيد المهم هم بنطر وسألته اذا تخصصي مطلوب في مؤسسه البترول الكويتيه قالي مايدري في تخصصات وايد وموذاكر شي!!
المهم حسيت انه دايخ هالموظف ما استفدنا شي منهم !!

الاهم من التخصص الواسطه يبي واسطه وراح يقبلونج ان شاءالله..

وموفقه يارب..

ياليت احد يفيدنا
شنو تخصصات الدبلوم المطلوبه

نهقون الواسطه تنفع لو التخصص مومرغووب

ما اعتقد وانا ما احب الواسطات
اهم شي ابي القبول بمجهودي ولا ما ابيه الوظيفه
المهم اللي عنده معلومات بالتخصصات اللي يبونها تفيدنا

تسقط الواسطات تسقط تسقط

اي تنفع