لي متى تستمر الغيره ؟

شلونكم امهات ؟

انا توني ولدت بالسلامه الحمدلله وعمر ولدي سنه وشوي والصراحه ماتوقعته
يفهم ويغار

اول مايابولي بنتي بالمستشفى شلتها صرخ صرخه وقف قلبي وقام يبجي جان
اردها

ومن يومها وليلحين بس يبجي وكل ماشافها تييله حالة صراخ واعصاب

وصار فيه سخونه من غير اي سبب وحرارته صكت ال40

قبل ولدي اجتماعي وبشوش الحين صار دلوع ومايحب احد بس لازق فيني

شسوي ؟ ولي متى بتستمر هالحاله ؟ لاني صج صج تعبت ما انام الا ابجي
من عسارته

أول شيء الحمد الله على سلامتك
وبعدين راح اقولك الحال من بعضة انا بعد نفسك عمر بنتي 3 سنوات تغار من اختها عمرها 4شهور شسوي تعبانه منها صارت معصقلة ما تاكل وتطق اختها علابو انها تبوسها !!!!!!!!1 واي عوار راس
تحملي بعد شسوييييين ماكو حل

هلا اختي

حمدالله على السلامه ومبروك ماياج

الغيره تعتمد على الياهل نفسه وعلى معاملتج حق البيبي اليديد جدامه

انتي عطيه كل اهتمامج لان البيبي اليديد مايفهم لاتشيلنه جدامه وايد وتحبب خلج عادي

وان شاءالله تعدي على خير

الغيرة ماتوقف على عمر معين خصوصا بين الاخواان
ودام انه ولدج صغير ماراح يفهم لو تشرحين لة بهالعمر محتاج فعل
اول شى طووول ماهو يمج لاتشيلين بنوتج واذا بجت قوليلا حرااام تبجى تعطيها ممية ؟
وخلية اهو يساعدج بكل شى اييب ملابسها ومميتها يمسح على راسها بس جدام اعيونج قوليلة هذى اختك لاحد يطقها انت بطل ومن هالكلاااام وعلمى على الحنان كل ما عطيتى حنان راح يتعلم منجح هالطبع
انا دايما جذى مع اعيالى اوصيهم على بعض

مشكورين بنات على المرور

ريما انا قاعده اطبق كلامج والله يفيد حتى خليته اهو يدبخها لي بغت تنام بس تدبخه بكسات ودفاشه

ان شاء الله الغيرة بتروح بس شوي شوي
ويعتمد عليج وعلى طريقتج ويا الصغير