ليش يسون جذي حرام عليهم

شلونكم بنات
بدش بالموضع على طول

تذكرون سالفتي يوم قلت في ناس ياين يتقدمون ؟

خل اقولكم بس شصار بضبط

طبعا لما دقو خذو موعد بعد سبوعين ! بحكم ان الريال مشغول قلنا اوكي
لما يا قعد ساعه كامله بس يطالع ما شال عينه قلت اكيد يبيني من نظراته
طبعن ما ردوو خبر الا بعد سبوع و نص انه الولد يبي يقعد معاها و يشوف يتفاهمون ولا لا
انزين شدعوه سبوع و نص؟
قلنا اوكي يا قعد معاي ساااااااااااااااعتين و نص سوالف!!
اللي اخر شي قام ينكت و انا اضحك
حتى بلاغت الشف سألني جم واحد قعدتي معاه ؟
قلتله انت اول واحد العاده ارفضهم من الفون
يعني سوأله كلش مالا داعي
والله حسيت انه خلاص يبيني لدرجه قاعد يسأل عيالنا تبينهم مدارس خاصه ولا حكوميه؟
اذا خذيتج بسوي عرس امبيه وااايد واايد اشياء والله اكتبلكم و قلبي يعورني على المقلب اللي سواه
يعني وااايد سوالف اخر شي قاعد يقولي شسون ربعه حق اللي متزوج شلون يضغطونه
طبعا طلعو و قالو خلونه نفكر
انا قلت مو مشكله معنه حسيت وااايد قاعدين يطولون بالرد
طلعو و يولي 2 بس رفضناهم عشان حظرته ان الكل قال دام يا مره ثانيه و طولتو اكيد يبيج
دقت الام بعد سبوع قالت الولد بصلي استخاره !
انزين صل بدون لا تقول انا صليت واااااايد و لا مره قلت
بعد سبوع و نص دقت قالت اوكي متى تبون تروحون وزاره العدل؟
كلم ابوي و راح مع ابوي و كل شي اوكي
طبعا انا اهني تكلمت و قلت حق الكل لانه خلاص قلت اكيد كلشي اوكي
المهم رحت و فحصت و طلعت النتيجه
طبعا الحين اكيد بدقون و يقولون متى تبون الريايل ايون عدل؟
امي ما كانت ادق تقول مابي احسسهم اني بايعتج متى ما حبو يدقون يدقون

تخلو بعد سبوع دقو على الاساس قلنا بقولون متى نيي
دقو قالو ماكو نصيب !!!!!!!
انزين ليش ما ليش محد يدري
والله اهلي كلهم على راسهم علامه استفهام
انزين دامك ما تبيني ليش طولتوها جذي؟
كانو يايللي ناس غيركم و رفضتهم عشانك؟!
والله اني للحين منصدمه
و كرهت عمري ان الكل قاعد يطالعني بنظره شفقه!
الحمدالله انا مو قاصرني شي و اهو مو هامني
بس اللي معور قلبي ليش عشمتني شهر و نص شهرين؟
والله كنت اقول حق امي ترا وايدطولها
تقول ميخالف كل تأخيره فيها خيرا و هذا زواج
و انا سامعه انه يدوروله من زمان
كنت متوقعه البله من البنات الحين تأكدت انه ضعيف شخصيه و متردد

والله حسيت نفسي جني سلعه للبيع
ايي يتمقل و بعدين يروح و يفكر بعدين يرد و يعاين البضاعه بعدين يفكر عشان يقول أي او لا؟؟!!
انا خابره البنيه اللي اطول بالرد مو الريال

والله عقب المقلب احس خلاص قلت حق امي الحين ستووب غسلو ايدكم بمرق مراح اشوف أي واحد و اللي يبيني اول مره بقعد دقيقتين و بقوم و اذا صار في شوفه ثانيه حده 10 دقايق و اذا مو عاجبه بطقاق خل يدور غيري
بس والله بتقولون الكل يتزوج جذي انا بصراحه حسيت اني لعبه قسما بالله حتى اللعبه ما يعاملونها جذي!
جنه احنا ميتين على الزواج مو جنه نبي الستر

ليش اهل الريال يعاملونه جذي؟
والله ودي بس مره وحده اشوفه جدامي بس بقوله الله يسامحك و بنات الناس مو لعبه بيدك
على اخر شي قال مابي؟
قول من الاول محد جبرك و قالك وافق و احنا كلش ما دقينه عليهم عشان ياخذون راحتهم
والله مادري شنو صار بضبط بس صج انصدمت و صارت فيني ردت فعل قويه
يعني لو رحنا نخطب حق اخوي والله مراح اسوي جذي بالبنت ما فكرو انه الموقف قوي ؟ولا بس همهم يدشون بيوت الناس انزين قدرو مشاعر الادميه اللي جدامكم
ولا عبالكم ما عندها احساس؟
والله انا مالي غيركم بنات افضفض له
حتى امي مابي اقولها لانه من غير شي اهي متضايقه من الحركه و قلتلها ترا عادي راح ولا رد اهو الخسران مابي ازيد عليها مو انا حمدالله انا مو بايره بس الموقف اللي حطوني فيه خايس خاصه ان انا عقب كلامهم خلاص يعني حطيت في بالي بتزوج
مادري بنات شقول بصراحه
والكويت رصغيره و مراح استغرب اذا دشت وحده من خواته و قرت الكلام لانه صج حركتهم حسستني انهم قليلين الادب
حتى لما قلت اوكي امه وااايد ستانست تقول حق امي والله مشكورين و ما قصرتو ؟!!
والله السالفه متناقضه
شكله كان يحب و الحين اهل البنيه رضو ولا وقت الطواله هذي راح شاف وحده ثلنيه

ma3leesh 7abebety ednya matrosah mn hal ashkal alah ysam7hom , e’6aher enah kan 7a6 wa7dah thanyah fe balah o kan y5tar been ethnteen o mtraded o el kafah ethanyah raja7t , 3eeb 3alyhom , enty ma ‘3l6te wala ahlk mashalah 3alyhom ma esta3jlo bass el 3ebah jat mnhom , inshalah rabe y3aw’6k bele a7san mnah , aham shay estafadte nm hal mawgef o 3arafte eshlon btt3amalen ma3a ay 56ab thanyeen btt2athar nafseytk fatrah bass btnseen 7abebty alah ywafgk good luch sweety

سخآآآآآآآآآآآآآفه وملآآآآآآآآآآآآقه

صج قهـــــــــــر

النـآس مو لعبه عندهم حرآم عليهم

بس ولايهمج حبيبتي .. خليه يولييي بالطقـآق

ان شااء الله أيي رزقج

لاتستعيلين

موفقه

سالفتج مثل سالفه بنت عمي بالضبط وكلنا انصدمنا كسرت خاطري والمسكينه شرت فستان الحفله كل شي زهبت …
ولا اتضيقين خلقج ان شاء الله اييلج نصيب الزين وخيرة الي صار وبعدين انا اتعجب الي يسوون استخارة بالزواج والاستخارة مو ابكل شي على قولت ريلي كنت بسوي انا استخارة عشان خدامه ولا يقولي لا اتسوين وقالي قصه ان ايام الرسول في واحد تاجر سوى استخارة على سفرة عشان تجارة وطلع مو زين الاستخارة وتدرون شنو السبب مو ان التجارة مو زينه لأ عشان ان في هالسفرة راح يطوف صلاة ….

حده مليق شنو بناات الناس لعبه عندهم
الله يرزقج ان شاء الله

الله يعوووضج بلي احسن منه ياااا رب

الله يرزقج

جد وايد تضايقت لأني قاريه الموضوع القديم
يقههههههههرررر

ما عليج حبيبتي ولا تحرين روحج والله يوفقج ويرزقج في واحد احسن منه ياااااااااااارب

حياتي ما تدرين وينن الخير
مو يمكن ال 2 اللي يولج ورديتيهم خيرة من الله وكان الريال اللي بياخذج سبب في ان هال 2 ما اييون خيرة لج ؟
صج السالفة تقهر والنطرة بروحها تحرق الأعصاب ،، بس مبين ان شخصيته متذبذبة ومتردد وافتكيتي عالأقل منه

وانتي احسن من غيرج

بنت عمي املجت 3 شهور وكانت طايرة من الوناسة واهو طاير فيها ،، عقب العرس ضلوا مع بعض اسبوعين بس ودخل عليها الغرفة فجأة وقالها فلانة انتي طالق ،، انهارت البنت
ليش ؟؟
طلع كان يحب وحده وبعد عرسه اشتغلت عليه تلفونات ومن رد سمع صوتها خق
وكاهي البنت مطلقة بدون ذنب

ادري اني دخلت عرض بس يا معودة شي أحسن من شي

والله يرزقج الزوج الصالح اللي يحطج بعيونه ويسكرهم عليج

ينكشف بالخطبه

احسن من ما ينكشف بعد الزواج والدخله والعرس

انه متردد او وراه بلاوي ولعاب

قولي الحمدلله انه مو نصيبج

وادري السالفه تحر

وعسى الله يعوضج

من صجج زعلانه المفروض تببين فرقاهم عيد خيييييييييييييرة لج ربنا يحبج شنو هاللعب والخرابيط اللي سواها مع اهله لا سنع ولا اصول حبيبتي لا تعيدين ولا تزيدين بالموضوع صفحة وحرقيها من حياتج طااااااااااااااااااااف هذا من اولها جذي!! باجر اذا خذاج سمالله عليج بببهذلج

وشدعوة الخبة اللي سواها مع اهله انا مالومج ولا الوم اهلج ولا الومه بعد الووووووم اهله !! دام ولدكم جذي شكوو تخطبونله بنات الناس!!!! خافوا ربكم

الله يعوضج باللي احسن منه انشالله هذا شنووو اللي تحسفين عليه

ما عليج حبيبتي الدنيا دين وبيلقى اللي يسوى هالحركه بخواته واكثر بعد
انتي قولي حسبي الله ونعم الوكيل وما عليج احسن دامه ترللي افتكيتي منه والله يرزقج باللي احسن منه يا قلبي

ولا يهمج حبيبتي الله يعوضج بلي احسن منه ان شاء الله ودامج صليتي الاستخاره فهذي خيره والحمدلله على كل حال

خيــــــره والله يرزقج بالانسان اللي عقب ما تاخذينه تقوليييييييين الحمدللـــــــــــــــه ان هذاك ما كان نصيبي خليجية

ليش يسون جذي حرام عليهم

اترك تعليقاً إلغاء الرد