|
|
وانا وحده من هالفئة اللي اتكلم عنها
بس الحمدالله تبت عنها
هالكلمة اهي ( مو عاجبك ؟؟؟ طلقني )
انا شخصيا وايد قلتها
اذا صار زعل
هواش
نجرة
انا بسرعة افقد اعصابي ،، اتنرفز بسرعة
دايما يقول عني جبريت 
مع ان اللي يشوفني يقولي شكلج ثلجة ليش اني بنفس الوقت هادية
المشكلة ان هالكلمة احيانا انا او بعض منكم يقولها على اتفه الأسباب لان في بالنا ان اذا حصلنا عليها
بنكون مفتكين ومرتاحين من مشكلة معينة قاعده تصير مع الزوج او الحمولة
مع ان العكس بالذات للي عندهم عيال
هالكلمة ماراح تحل مشكلة كثر ما راح تسحب وراها وايد مشاكل
يمكن تسؤلون وتقولون ،، شنو اللي حسسج بقوة هالكلمة وخلاج تتوبين عنها ؟؟؟؟
اكثر من شي الصراحة
– شفت وضع بعض المطلقات وحسيت وضعهم اصعب من لو كانوا على ذمة ازواجهم
– لو كل وحده تقارن زوجها في باجي الرياييل اكيد بتعرف مزايا زوجها
– السبب الأهم والاقوى ،، لما الزوج يسافر او يغيب فترة هني الوحده تحس انها ضايعة وتفكر لو بالفعل صار الطلاق راح تكون حالتها اسوء واسوء ،، يعني بتحس بحلاوة زوجها لما يغيب عنها وراح تحس بنفسها شكثر كانت عبيطة لما قالت هالكلمة
بس الشيطان اعوذ بالله منه
– هل انتوا من هالنوع اللي كل مشكلة والثانية تقولون طلقني ؟
– ما تتحسفون بعدها ؟؟
– تحسون ان اموركم بتنحل ابهالكلمة ؟
– شنو ردود فعل ازواجكم لما انتوا تطلبون هالشي بلحظة غضبكم ؟
– اللي كانت تقول هالكلمة بلحظات غضبها شلون امسكت نفسها عنها وتابت عن هالكلمة ؟
وبس 
بس نااتوقع اني من هالنوع لاني مو من النوع اللي اعرف ارادد وايد …
– هل انتوا من هالنوع اللي كل مشكلة والثانية تقولون طلقني ؟
اكيد لا لان الريال كثر ما يسمعها راح يصير عنده عادي انه يطبق كلامج
– ما تتحسفون بعدها ؟؟
اشوه اني ماقولها عشان اتحسف
– تحسون ان اموركم بتنحل ابهالكلمة ؟
طبيعي لا
– شنو ردود فعل ازواجكم لما انتوا تطلبون هالشي بلحظة غضبكم ؟
مادري لاني ماقولها
– اللي كانت تقول هالكلمة بلحظات غضبها شلون امسكت نفسها عنها وتابت عن هالكلمة ؟
اترك المكرفون حق اللي تبي تقول شلون تابت عن هالكلمه 
مشكوره
خوفج يسويها لووووووووووووووووووووووووووول
((صح صح صح صح صح)) وهذا حالي الحين بما انه زوجي مسافر صج على كثر مشاكلنا بس والله فقدته وحسيت انه كل اموري واقفه لاني تعودت على وجوده حسيت انه صج نعمه الله يديمها علي ولايغيرها
– هل انتوا من هالنوع اللي كل مشكلة والثانية تقولون طلقني ؟
شوفي اول ماتزوجت صج كنت اقولها بس مع العشره حسيت انه في شغلات تمنعني واولهم حبنا لبعض وثانيها عيالنا الله يخليهم لنا
– ما تتحسفون بعدها ؟؟
واااااايد تحسفت عسى الله لايعيدها من ايام
– تحسون ان اموركم بتنحل ابهالكلمة ؟
لاطبعا الحمدلله اموري اللي كنت اطلب الطلاق عشانها حسيت انها تافهه وماتستاهل اصلا
– شنو ردود فعل ازواجكم لما انتوا تطلبون هالشي بلحظة غضبكم ؟
يطلع ويخليني فديته ماشاءالله لااله الا الله
– اللي كانت تقول هالكلمة بلحظات غضبها شلون امسكت نفسها عنها وتابت عن هالكلمة ؟
قلتلج حبي له وخوفي انه عيالي يتشتتوون ويفقدون حضن ابوهم ولمتنا مع بعض ويشوفون نفسهم ناقصين عن غيرهم من العيال
صدقوني كل وحده تفكر تتطلق لانه ريلها قالها لاتروحين ولالاتطلعين ولاماقالها احبج او ماطلعها او او شغلات كلها تافهه جدام حبج له واختياره لج من بد الف وحده شافها غيرج وكااااافي انه صاينج وماخان ولادخل عليج سكران ولاطقج ولااهانج او اهان اهلج الحمدلله ماسوا كل هذا عيل اصبر واحبه اكثر اكثر واحببه فيني ومااخليه يستغنى عني
ومشكوره حبيبتي على هالموضوع وان شاءالله فيه الفايده
تحياتي
صحيح انها صارت بطرف لسانا من كثر مانسمعها يمكن او لانها معروفه
او مرات الهواش او المشاكل تحسين نفسج لاشعوريآ تقولين طلقني
وبينج وبين نفسج تحسين خايفه وتدعين لا انه ماينطقها
الحال اصعب بعد بوجود العيال والله يا انهم لاكبرو بيفقدونه حييييييييييييييييل
ومهما مريتو بمشاكل جايده يعني الله يغفر احنا لازم نكون متسامحين
معلش مره مرتين ثلاثه
يكفي انه زوجنا وسترنا وابو عيالنا ويستاهل نتنازل عشان حياتنا الزوجيه
طبعآ انا مو متزوجه فما برد على الاسئله
وكلكم عقولكم ماشاءالله يابنات كبيره وفاهمين وناضجين
يعني لو بدورون او عالاقل بتفكرون بحلول بغير الطلاق والله بتلاقون
والله يتمم على كل المتزوجين بكل خير يارب
لا بس مره وحده قلتها لانه كنت واصه حدي من الاعصاب
– ما تتحسفون بعدها ؟
اكيد تحسفت
– تحسون ان اموركم بتنحل ابهالكلمة ؟
لا ما تنحل بتزيد لانه هالكلمه ترخص المرى عند الريال
– شنو ردود فعل ازواجكم لما انتوا تطلبون هالشي بلحظة غضبكم ؟
عصب ونادا امه وقالها شوفي حل مع هالمصرقعه
– اللي كانت تقول هالكلمة بلحظات غضبها شلون امسكت نفسها عنها وتابت عن هالكلمة ؟
قلتها مره وما عدتها
مع اني عصبيه وبسرعه اتنرفز وياما عصبت
لاني لو انا الريال ومرتي قالت لي اذا مو عاجبك طلقني وبسهوله تطلع من حلجها بقولها روحي بيت اهلج اذا صج تبين الطلاق
فيني النوووووووووووووووووووم
لازم الدوام ؟؟
مشكورين والله لا اييب هالكلمة على لسانا ولا على لسان ازواجنا يا رب
والله يبعد ابليس واهله عن كل متزوجة
بيتي بوب
ضحكتني ردة فعل زوجج 
ساعات من كثر ماهو عنيد و يحكم عناده على الفاضى و المليان و لا يخلى مجال للتفاهم ..استسهل هالكلمة ..بس عشان اوريه إنى وصلت حدى ترا ..و مستعده ابيع …
والحين انا فى هالوضع ..و عندى موضوع وايد جايد على الاقل من وجهة نظرى ..لان ماكو حل له ..مو قاعد يسمع منى أى كلام ..و لا عندى أحد الجأ له يكلمه و يوقفه عند حده ….
و مو مثل كل مرة ..هالمرة قلت و نفذت والله ..رحت بسكات مجمع المحاكم …و سألت و استفسرت عن الوضع شلون راح يصير ..بس لما دخلت هناك و شفت الناس و العالم ..و شفت الحوسة ..دارت الدنيا فينى 
..و قلت حق نفسى ..ما راح ابهذل نفسى و اهلى بسبته صج إموتنى قهر بتصرفاته …لكن ما راح اخسر بروحى ..لازم اخسره معاى …
و الحين انا لازالت الحرة فينى …بس قاعده و افكر شلون احره مثل ما حرنى ؟؟؟
انا واااايد كنت اقوووولهم وشنو كان هدفها ريلي تعلم ان يقولها عقب ماانا سكت عنها وتبت ظلت اهي ابحلجه ريلي وتعود يقولها وصج كانت معاناة
عقبها ابصراااااحه مااتحسف لانها صارت عندي شغله عاديه ولمن اقولها يكون اهو امسوي شي جاااااايد فعادي مااتحسف
(((ردت فعل ريلي كان يعصب قبل طبعاً كان يقولي اي تبين تروحين عني ماتبيني وكان يطقني واااايد لمن يشوفني اخذ الجنطه يعني لمن احنا نبيهم مايبونه ولمن اهم يبونه احنا مانبيهم فريال مايحب المره تقوله ماابيك )ومع الايام لمن قتله طلقني يقولي اخذي اغراضج وروحي بيت اهلج فصار الشي عادي(وانا حاليا بفترة اني بنفصل عن قريباً ومومتحسفه واهو موقفه مايدري عني
وآسفه على الاطاله