|
|
مساء الخير
بنات الاحظ دايم بالنسبه لنفسي لمن اقرر اسوي ريجيم اقول لكل الناس
وخلاص بكره ببدء ويلا شجعوني ومن هالكلام اكتشف ان ما ابدء واخرب على طول
والكل عينه علي ها بديتي ها كم نزلتي ومن هالكلام الي يخليني اخرررب ابو الريجيم
بعكس يوم تسوين ريجيم وماتعلمي احد والله جد يضبط وتقعدي عليه بس اول مايعرفوا
الناس خلاص بالنسبه لي خرررب وانسي الموضوع
ما ادري هل انا بس الي يصير معي كذا ولا انتم بعد
وخلاص من بعد اليوم ماني معلمه احد عشان اكمل ريجيمي علي خير
تعبت من المراقبه وكم نزلتي
وللان صامله ومن هالكلام استغفر الله العين وراي وراي
ولا وحده اعرفها تسوي ريجيم وماشاء الله تغيرت 180 درجه
يسالوها الناس وش تسوي يافلانه
تقول لا ابد والله معدتي قايمه علي
انا عرفت
ان حديث الرسول عليه الصلاه والسلام {اقضوا حوائجكم بالكتمان}
ماجى من فراااغ صدق الرسول الكريم وهالقاعده لازم نطبقها بجميع امور حياتنا
قولولي تجاربكم تكفون
خصوصا اعرف وحده قاهرتني ماشاء الله تبارك الله نحفت وصار جسمها يهبل الله يهينها
والله مو حاسدتها بس المشكله هي بمدينه وانا بمدينه ثانيه لو تشوفني بس كذا التميت شوي
ونازله ثلاث كيلو او اربعه تقوم الدنيا وماتقعدها اوووه نحفتي اووووه صار لاحول ولاقوه
الا بالله كرهت اقابلها خصوصا تجي بالسنه كذا مررره
قولولي فعلا الي اقوله ولا انا بس الي اتوهم
منقووول للفائدة 
ونبي تجاربكم بنااااااااااااااات انتظركم .
وشاكرة مرورك حبيبتي
والله معاج حق من أحد يدري بدت الاسألة
ها شمسوية ؟ وجم نزلتي ؟
ووقت الاكل يخلونج تكسرين الخاطر وتعالي سمعي الحجي .gif "Eh S(14)")
__ وييي بس هذا اكلج حراااااااااام __
__ اكلي وخلي الرجيم من صجج بتضعفين __
.gif "Eh S(13)")
وغيره وايد
الله يعين .gif "Eh S(20)")
ليما كرهت روحي
حتى هني لما تحطين موضوع عشان تنفعين غيرج يات لج اتهامات انا اقتنعت
ان اسوي كل شي بدون ما اتحجى والله راحه رغم فيها انانيه لكن احيانا يخلون الواحد يصير اناني مو بكيفه !!!
الله يعييييييييينج صاحبة الموضوع لان حاسه فيج
حتى البشره يسألون والشعر اعوووووووذ بالله 
عيون الناس ماترحم
والله اعرف وحدة صار معاها جرثومة بالمعدة مسكينة ما تقدر تتنفسمن الألم شافوها ناس بعد فترة ضعفانه شمسوية قالتلهم جرثومة بالمعدة
قالوا ياليت يصير فينا جرثومة تضعفنا
الحمدلله عالصحة والعافية بس مثلا لاحظت اللي مثلا يقدمون لها اكل في المناسبات
يقولها تفضلي فطاير
تقول لالا ما اقدر معدتي ثقيله عليها الفطاير؟؟؟
والا تفضلي حلويات
تقول لا الله يخليج اسناني ذابحتني والعصب
اشدعوه عاد مره وحده افحمتها جدامي قالتلها من سنه وانتي اسنانج وعصب
؟؟؟؟؟؟
في حديث عن الرسول صلى الله عليه وسلم في مامعناه لا تتمارضوا فتمرضوا فتموتوا
يعني ماله داعي اقول لا بطني والا راسي والا والا
لا مثلا لا شبعانه والا ما احب الحلويات والا بخفف
وانا لا اقول عادي اسوي رجيم وتعالي شوفي التعليق
بالدوام يقولون لي شنوا ريوقج بس هذا عفيه عليييج ماتحسين باليوع لاااا وبعظهم يمسحون تمسح على جسمي صج ضعفتي شتسوين فاقولهم والله رجيم وحبوب وانا صاااجه ما اتعذر بشي ثاني ممكن يحصل لي ويضرني
او اقولهم لا ما اسوي رجيم هنيييه بيصكوني بعين على بالهم طبيعه جسمي
وانا حارمه نفسي واشرب هالاعشاب
مشكوووره يا الغاليه
.gif "Eh S(21)")
مع تحياتي يا حياتي
مزيونه وشقره
استغفر الله مسلمين اسامي بس لاحول الله
|
المشاركة الأصلية كتبت بواسطة عنايد
 ايه آنا بعد جذيه رفيجاتي بالدوام مراقبيني وحاطين عيونهم علي محتاره شقولهم لي بدا الدوام باذن الله لان احنا نقط قطيه للريوق وودي اتهرب منهم من غير ماقول لهم مسويه ريجيم وبنفس الوقت مابي اجذب شسوي ماني عارفه؟؟
|
نفسي
صج من يبين علي ويسالوني ارد ابلع بنفس اليوم
نصيحة اقضوا حوائجكم بالكتمان
ولا تييبون طاري الرجيم
انا شنو مخصبقني الا هالسالفة بالدوام وعند اهلي