|
|
بقولكم سالفتي اليوم
توني قريت موضوع اختنا لي كاتبه عن سالفة اختها مع مطعم كنتاكي وسعره الزايد
فتشجعت وكتبت موضوعي ..
بدخل بالموضوع
قبل جم اسبوع طلبت من ريلي يوديني النقره بشتري لي سواريه ناعم وانتم تعرفون النقره فوق كل محلات السواريهاات
المهم دخلت محل ما ابي اذكر اسمه شفت بدله اعجبتني وايد المهم قستها وخلصت بشتريها مدري شلي ما خلاني اشتريها
قلت حق صاحبة المحل خلاص راح امرج مره الثانيه عشان بأخذ رايي امي خاصة ان امي مسافره الخبر
وانا وايد أخذ بذوقها وريلي يحن اشتريها سعرها زين 120 دينار وبالاساس سعرها 150 وعليه ريلي متعود دايم اخذ منه 400 واكثر عشان مشاغل الحريم
على فكره البدله من لبنان مو تفصال الكويت
اليوم الثاني سافرت مع ريلي حق امي بالخبر لان عندنا عرس من جماعتنا المهم بعد ما خلص العرس
قلت بروح مجمع فنيسيا بالخبر يمكن يعجبني شي دخلت محل حلو نسيت اسمه بس على الزاويه المهم بدله روعه
عرف احنا كويتين جان يقول زبايني كلهم كويتيات بوريج بدله امس شرت منها كويتيه وقالت تنباع ب حدود 150-120 بالكويت قلت يله ورني انصدمت انصدمت .gif "Eh S(2)")
البدله لي كنت بشتريها اختها من امها وابوها نفس الشي
قلت بجم قال ب 400 ريال يعني تقريبا 32 او 35 دينار بسسسسسسسسسسسسسسسس
والله شريتها وانا مغمضه عيوني
وحلف راعي المحل ان في بدله عنده تنباع بالكويت ب 600 دينار وعنده ب 120 دينار بسسسسسس
لان البدل من لبنان ايبونهااا مو تفصال محلي
على فكره لي يبيع بالمحل اعتقد سعودي من كلامه
انصحكم بنات لا تستعيلون وانتو تشترون
يما كنا مغلفين واحنا ما ندري
مو القهر على الفلوس الفلوس تروح عادي
القهر انهم يستغلونا ليش ما ادري
فلوسنا كلها في بطن التجار
والله قهر .gif "Eh S(11)")
اسفه على الموضع شطوله بس فيني حره
اترك المايك لكم
تفضوا
حبيبتي نفس الشي يحصل
لكن البنات انواع في شراء البدلات في الي تفتخر بغلاء سعره اهم شي دفعت عليها السعر الفلاني
وفي بنات اهم شي عندها انه حلو وراقي سواء رخيص اوغالي
وفي بنات تبي الحلو الناعم الي سعره زين
أنا عن نفسي كنت ابي بدلة عرس ورحت لحولي من صوب النقره تعرفين المحلات الي عالطريق المصممين الي تمشين لهم عند بعض في مصمم لبناااااني نصااااب بدلاته على ألف وفوق ولايرد عليج ويبين انه محد نفسه
خليته ورحت للي يمه ولا عماره صعدنا فيها ولا مصممه لبنانيه نصاابه كنها اخوها الي قبلها
ورتني بدله حده روعه وتهبل وناعمه واحلفت انه ماكو نفسها وانها تو واصله من لبنان وقالت لفي للسوق ان لقيتي نفسها راح اعطيج اياها بلاش ( شوفي استخدام الكذب عشان تقنع ) وقالت ان ماراح تنزلها للسوق الا بعد كم شهر
أنا علطول صدقت لان ماعندي خبره ولا احب العروس بس الي بفتك وخلاص ولكن امي واختي معاااااي شبعانات من سوالف المصممات والبياعات
قالت اختي خلاص شوي ونردلج وتخيلي سعرها قالت بميتين عشانكم وانا ابيها
الصدمه مجرد دشينا سوق النقره فوق ع قولتج
والقى نفس البدله بالضبط على مية دينار شرايج
بالله مو قهر هالكذابه النصابه ؟؟؟!!!
وبعدها باسبوع مجمعات الفروانيه فووق عارضه هالبدله على مية وعشرين ……
مدري ليمتى هالكذب عشان الربح …
ومتى نوعى ونصحى …
اي والله مدري متى نخلص من الجذب ونصب
ملينا من غلاء الاسعار
ماصار
لمتى يستغلووناا ؟؟؟
نورتيني ام عبادي
بطلنـــــــــااااااااااااا نروح عرووووووووس بسببهم
معاشاتنا طايره على سخافات بدله بـ 200 و 400 اشدعوووا
كله ساعتين وأطلع من العرس
ومحد درى عنج ولا عن بدلتج
مابخافو الله المصيبه بقعدو يحلفو بالله كذب
معوضين فلوسك حبيبتي
.gif "Eh S(1)")
تدرين اعرف واحد عنده محل وكان يبيع شغله على 25 دينار يقوول مرة دشوا حريم لما سألوا عن السعر
جان ترد وحدة على رفيجتها لا اكيد بو طقة
لما سمعهم قال حق صاحب المحل غير الاسعار لي 75 دينار يقول والله طق مطاقق على المحل لما رفعوا السعر
.gif "Eh S(10)")
|
المشاركة الأصلية كتبت بواسطة فـراوله
 بطلنـــــــــااااااااااااا نروح عرووووووووس بسببهم معاشاتنا طايره على سخافات بدله بـ 200 و 400 اشدعوووا كله ساعتين وأطلع من العرس ومحد درى عنج ولا عن بدلتج
|
اي والله صاجه محد يدري عنا
شكراا على تواجدج
.gif "Eh S(7)")
|
المشاركة الأصلية كتبت بواسطة انا لحبيبي .
اااااااااااااااالله اكبر
مابخافو الله المصيبه بقعدو يحلفو بالله كذب معوضين فلوسك حبيبتي |
تسلمين
اشكر مشاركتج حبوبه
|
المشاركة الأصلية كتبت بواسطة رواسي الامال
تدرين اعرف واحد عنده محل وكان يبيع شغله على 25 دينار يقوول مرة دشوا حريم لما سألوا عن السعر جان ترد وحدة على رفيجتها لا اكيد بو طقة لما سمعهم قال حق صاحب المحل غير الاسعار لي 75 دينار يقول والله طق مطاقق على المحل لما رفعوا السعر |
اي والله هذا لي صاير
الرخيص نقول عنه بو طقه
والغالي نحبه
يسلموو على تواجدج
كلامج عين العقل
والصراحه ماكو على فينيسيا
أصلاً تجهيزي نصه كان بالكويت ونصه بالخبر
ولمن رحت الخبر تحسفت اني جهزت من الكويت
لأن هناك حتى بدلهم أحلى وايد وأسعارهم فرق
Petite
احنا بالكويت ندفع ولا ندري
برا وايد احلى وارخص
اتمنى البنات لي يبي يتزوجون يجهزون من الخبر ارخص بوايد