ليش بفترة الدورة اتزيد العصبية !!!!

بنات انا لاحظت على روحي اني بفترة الدورة الشهرية اتزيد عصبيتي بشكل فظيع ، ومعظم هواشي مع الريل والعيال والخدم وزملاء العمل ايكون في فترة الدوره ، انا اعرف بأن هرمونات المره تنعفس عشان جذيه اهي تنعفس بعد ، بس هاي الصراحة مب حاله أستغفر الله ، عوار راس في بداية الدوره وعصبية في خلال الدوره ومره ثانية في نهاية الدوره عوار راس ، والله لاعت جبدي ، انتو بعد مثلي هاللون!!!!

انا مثلج هاللون (ياحلوو حجيكم يالبحرينين)موووت عليه
بس انا زياده عليج مو بس وقت الدووووره على طووووووووووووووووووووووووووووووووووووووووول
عصبيه ونرفزه

أنا مثلج بالظبط
بسرررررعه اتنرفز لما تييني الدوره وأظل لما تخلص
يمكن عشان ما نصلي الشيطان يقرب أكثر منا؟؟؟
والله أنا كل ما أذكر أقعد أستغفر عشان أهدى
والله الهرمونات تلعب فينا لعب

انا قبل الدوره باسبوع لازم متهاوشه مع زوجي حبيب والحين عرف السالفه قبل الدوره وبالدوره مايكلمن بالمره

حبيبتي لازم جذي الهرمونات كلها تتلخبط حاولي تمسكين نفسج وتكثرين ريليكس ومساج هالايام وتشربين بابونج وايد يرخي الاعصاب

أظاهر من الهرمونات وهاي شي طبيعي

والله يكون بعونا جميعآ….

نورمل … انا اصير قمه الاعصاب

انا الثلاث ايام اللي قبل الدوره نفسي بخشمي واللي يكلمني اتهاوش معااااه .. بس من تنزل اطخ ارتااح ارد مثل ما اكنت

مشكوره عمري ، اول وحده اتقول ان حجينا حلو ، ولا اهو الصراحة لوعه ، حتى شوفي مسلسلاتنا أضحك ، بس الكلام الكويتي اينن وايد حلو قطيعه تقطع الحجي البحريني (يازعم اكلم اكويتي) ومشكورين بنات على المشاركه ، بس صج انا اعاني من هل المسألة ، يعني من اتهاوش مع اختي اتقول لي ها فيج الدوره !!!!

نفسي تهئ تهئ

صح انا بعد اتنرفز فبل لا تيي الدورة ولمن تخلص…

كنت احسب انه فيني خلل بروحي
طلعتو مثلي
زين معقوله يعني ما فيه حل كلش
لابد يكون في شي يخفف هلتوتر و الاعصاب

انا اصير حيل حساسه بزود ونفسي خايسه واي شي ينرفزني بس قبل الدوره بيومين وبعدين ارجع مسالمه حبيبه نفس ما كنت

انا اصير كتله من الاعصاب
يا ربي والله ودي اعرف شلون اهدي نفسي
بس سمعت توني انه المراميه تخفف نت اعراض العصبيه وقت الدورة

نفسي بالضبط وزياده عليه بسرعه ابجي و لساني يطول :×