ليش الناس تخش حملها اول الشهور علمونى

بنات الله يخليكم علمونى ليش الناس تخبى حملها الله يسلمكم انا حماتى دريت فيها انها طرحت فجاة انزين متى حملت ومتى طرحت مادرى ودريت انها كانت حامل فى الشهر الثالث داشة انزين ليش يخشوووووووون

شوفي في ناس يخشون لانهم يخافون مايتم الحمل لان معروف اول 3 شهور الحمل لين الحين ماثبت ف ينطرون يثبت وعقب يقولون
ووهالشيئ عادي جدا واهو الطبيعي
لكن ان تنصدمين بوحدة بالسابع ولاا فجاة والدة هذي ناس مو صاحيه الحمدلله والشكر لان الكل يحمل ويولد حتى القطاوة

انزين انا اول ماحمل الكل يدرى فينى مااخش مثلهم

ياقلبى الناس يخفون من العين والحسد ومحد ياكلها غيرنا احنا اخر الناس تندرى بالحمل الحمدالله والشكر

الظاهر بسوى مثلهم لى حملت ماعلم احد

الحريم يخشون حملهم من خوفهم من الحسد والعين وفي ناس بسرعه يتاثرون من العين وفي ناس عادي مايصير فيها شي
سألي صديقاتك واهلك وانت تتاكدين

حبيبتي لانه اول الشهور يكون الحمل مو ثابت ومن بعد ثلاث شهور يثبت الحمل وبعدها عاد يقولون وهالشي عااادي وانا وحده منهم

والله كربلائيه انتي مثلي اهل ريلي كله يخششون عني وانا بكل غباء اقولهم عن حمالي وشنو فيني بس والله انا علي نيتي يعني اقول ميخالف عادي خو الناس شايفين خير مو شفاحه بس انصدم بعدين اللي حامل واللي والد ولي طارحه وانا ياغافلين لكم الله حدي اروح اشتري ورد وكاكاو واروح اتحمد السلامه بعد شسوي :::::::::::::::::

حنينين اشكثر عندج عيال

وتدروون اللى يزيد الطين بله ان بعضهم مو اول ياهل اللى الخامس وسادس ياهل ويخشون على شنو يعنى انتى يايبه عيال من قبل ليش تخشين بجر

عقوول ناقصة ولا حتى القطوه تحمل

البكر أواللي مطوله ما حملت معذوره ، بس وحدة عندها درزن وتخش مو لايق الصراحة

قلة ايمان

من يتكل على الله فهو حسبه

اللي تخش حملها عن العين والحسد ماعندها سالفه لاهي اول وحده ولا اخر وحده تحمل
اللي تطيح ترى من الله وخصوصا بهالزمن دوم المره ظهرها ضعيف من الاكل اللي موصحي وووالخ
ولي طاح قالو من العين …! شكو
(من نظرتي)اللي تخش حملها متخلفه وخصوصا اللي تكون قريبه مني وتخش عني امبيييييييييييه قمه بالتخلف
انا ماقول مافي عين وحسد
لان انا اصلاااااا انطقيت عيييييييين اسدحتني بغيت اموت
بس سالفه الحمال لا خطيييرين عاد
حتى القطوه تحمل وتولد
الحمدلله ماعندي هالسوالف من احمل الكل يدرون يستانسون علي ويدعون لي مافيها شي ……

والمشكلة تدرون شنو ان هالناس اذا احد خش عنها خبر حمال تقوم تشره وليش ماتقولون لا ومرات تسال والله تسال متى موعد دورتج عشان تحسب مت وقت الحمل والولادة

3 شغلات ما تنخش الزواج والموت والحماال

وشدعوه عاد يعني الحمال نعمه من الله والاغلب يحمل واييب

انا من احلل خطر انشر بالجريده اني حاامل والكل يدري مع اني اول مره طرحت وحملت بعدها وولدت وحملت بعدها وحملي من النوع اللي ما يثبت بسرعه واعاني ومع جذي عادي اقول للكل اني حامل, والحافظ الله

عطييهم طااف لا تهتميين لهم

كل واحد ينام على الجنب الي يريحه

والله يرزق كل محرروم