|
|
قوة بنات … سؤالي واضح ليش الطلعة ايام الملجة لها طعم و ما ودج تخلص و ريلج بس ما وده يشيل عينه من عليج و عقب الزواج يخف هالشي و يمكن يتلاشى .. انا لي مدة متزوجة و عندي يهال بس حتى لو طلعت معاه بروحنا مادري شلن ماعرف اوصف لكم الطلعة المهم اغلب الطلعة ساكت انا افتح المواضيع عشان اخليه يتحجى و كل ساع نتناجر على اي شي يعني ليش تقولي جذي اقصد نجرة على شغلات تافهة او اذا مشينا يالله اصير يمه يعني يا سابقني يا سابقته … مادري يمكن انا حساسة بس لما اتذكر طلعات الملجة و اول الزواج اوووووه فرق … انتوا شرايكم
اكيد فرق
الشي اليديد اول ما تشترينه ما تستانسين فيه وكل شوي تطالعينه وتمسحين عليه ؟؟؟؟؟
بس عقب ماتكون وناستج فيه مثل اول ما خذيتيه
نفس الشي
الملجة مثل الشي اليديد اللي توج خذيتيه واستانستي فيه
مع التعود
يصير روتين وشي عادي ماله تأثير اول الايام
وازيدج من الشعر بيت
بالملجة الموبايل مسكر طول الطلعة
الحين ربع الوقت لج وباجي الوقت لاتصالات ربعه اللي يحنون عليه تعال وتعال
وتتوتر الطلعة وتملق فوق ما اهي مليقة
انا بصراحة بديت امل من الطلعة معاه مع انه مسكين مايتحلطم واي شي ابيه اشتريه واي مطعم انقيه ناكل فيه بس ذابحني الصمت المليق
انزين اشمعنى احنا مانتغير يعني ليلحين نبي مسكة الايد وليلحين نقرقر ونسولف واهما لأ!!؟؟؟
لا واحنا نطق رقبه من الفرحه عشان طالعين وياهم
واول مانرجع مايبقى احد مانقوله 00000احنا طلعنا واستانسنا لووووووووول
قيسي هالشي على كل الاشياء لو مثلا شريتي تلفون اول الايام كاشخه فيه وبعدين قاطته ماتدرين عنه !!
وطبيعه الحياة الزوجيه موكلها عسل مسؤوليه وعيال ولويه والملجه مافيها كل هذا ..
اتمنى تكونين فهمتي قصدي
تهئ تهئ الا ياليت الملجه تعودو يوما . هههههههه
حبيبتي اكيد في فرق
زوجي كل ما اسأله هالسؤال يقول خلاص الحين انتي عندي .. ضامنج هع
الغريب ان الزوجه هى الى دايما تحاول تكسر الصوت وتسولف بس ما فى رد يشجع!!!!!!
روحو السينما احسن ببقو عيونكم بالشاشه وفجو حلوجكم للبوب كورن والناجوز بس
ليش تطلعون معاهم دام الطلعة ما تونسكم ولا تونسهم
طلعوا الطلعه إلي تونسكم وتغير مزاجكم وتريحكم من مسؤولية اليهال والبيت
مع ريفيجاتكم خواتكم بنات خالاتكم او عماتكم
حتى لو يمعه بيت وحده منكم هذا اول درس لكم
ثاني نصيحه او درس : لما تطلعون معاهم وينشغلون بالتلفون انشغلوا انتو بعد بالتلفون
دزي مسج دقي على وحده من خواتج او صديقاتج القراب رنه وتكونين متفقه معاها
اذا دقيتي رنه تدق عليج عشان جنها إيهيا إلي داقه عشان لا يعصب
وبعد عشان تحسسينه انج مهمه ومرغوبه .gif "Eh S(6)")
ثالث درس : لما يطالع يمين شوفي يسار
رابع درس : لا تتكلمين ودورين مواضيع وسوالف وتييبين حق نفسج المشاكل
خليج ساكته وراح تلاحظين ان راح يبدي يسأل جوابي على قد السؤال
وبعدين راح يبدي يسولف تقبلي سوالفه وخليه يطلع كل إلي بقلبه
وراح تعرفين اشياء مع الوقت بطبعه او تفكيره ما كنتي تعرفينهم من قبل
وبعدين ابدي سولفي سوالف خفيفه مافيها قرقه لأن الريال بطبيعته ما يحب الهذرة مثلنا
الدرس الأخير : ادري مللتكم .. اذا حسيتي انه حاقرج ومو قاعد يمشي يمج امشي عادي بخطواتج
ولا تمشين بسرعه جنج داخله سباق عشان بس تمشين يم جنابه 
وراح تلاحظين ان يبدي ينطرج او يزف وقولج شفيج تمشين بطئ ..
عاد انتي ياحلوه ردي برقة وقولي قاعد امشي عادي بس انت طاير حياتي 
سوري على الأطاله بس ودي افيدكم من دروس ابله مناير( صديقة خالتي ) مثل ما فادتني
|
المشاركة الأصلية كتبت بواسطة *يارا*
 بصراحه ياحبيباتي انتوا غلطانين
ليش تطلعون معاهم دام الطلعة ما تونسكم ولا تونسهم طلعوا الطلعه إلي تونسكم وتغير مزاجكم وتريحكم من مسؤولية اليهال والبيت مع ريفيجاتكم خواتكم بنات خالاتكم او عماتكم حتى لو يمعه بيت وحده منكم هذا اول درس لكم ثاني نصيحه او درس : لما تطلعون معاهم وينشغلون بالتلفون انشغلوا انتو بعد بالتلفون ثالث درس : لما يطالع يمين شوفي يسار رابع درس : لا تتكلمين ودورين مواضيع وسوالف وتييبين حق نفسج المشاكل الدرس الأخير : ادري مللتكم .. اذا حسيتي انه حاقرج ومو قاعد يمشي يمج امشي عادي بخطواتج سوري على الأطاله بس ودي افيدكم من دروس ابله مناير( صديقة خالتي ) مثل ما فادتني |
_03ba: تسلم إإإإإإإإإإإإإإإإإإيدددددددددددج حبيبتيي خوؤوؤوؤش نصاايح والله واستفدت منهاااااا حييييل بيما اني وحده اعاااني مع ريلي نفس باجي البنات
اكيد غييييييييييير وفي فرق 180 درجة بعد .. اول ابقراطيسكم بعدكم يدد والحين قدمنا خلالاص 24 ساعة اتشوفون بعض خلاص تعوتوا على شوفت بعض .. بعدين وجود اليهال خلالاص يخلي كل واحد يلهي وتصير الطلعة ثقييله .. عادي المهم انكم للحين تحبون بعض والله يخليكم لبعض هذا اهم شئ …