ليش الرجل يحب المرأة القوية

لا بجد زهقت من كثر مااشوف التناقضات بمجتمعنا اشياء كثير تمر على تخليني اوقف عندها واقول ليش؟؟

وبما اننا في قسم الحياه الاسريه بتناقش معكم في الامور الي تخص الحياه الزوجيه ولو اني مو متزوجه لكني احب اتلقف في سوالف الحريم ههههههههههههههههههه

الحين ليش الرجال يموتون على الحرمه الي ماتقدرهم ولا تعطيهم اي اهتمام؟والزوجه الي تذبح عمرها اهتمام ورومانسيات مايعطونها وجه؟
اي لاتستغربون من كلامي هذا الي قاعده اشوفه والي يمكن معظمكم يلاحظه في زمننا البنت السنعه النظيفه مالها مكان بقلب الرجال لكن العكس تلقينه يموت عليها والي شفته مو نموذج او اثنين عشان اقولكم انها استثناءات لكنها حالات مررررررررررره كثيره طبعا مانقدر نعمم لكن نقدر نقول انه شي ملفت للانتباه ومثير للتفكير

اقرب مثال وحده اعرفها من يوم تزوجت من سنه ونص وهي لاتطبخ ولاتنظف البيت وتتقرف منه تخيلو مره كنا بجمعه وتدرون مافي جمعة حريمات تخلو من سوالف عن البيت تخيلو وش قالت؟ قالت ملابسي اغسلها بالبيت بس ملابسه هو لا ووووع والله ماغسلتها اخليه يوديها مغسله وتصرف كثير لدرجة زوجها من بعد استلامه للراتب باسبوع يتسلف حق الاكل والشرب ومع كذا مايرفضلها طلب وياويل امه لو قالتله ياولدي انتبه لقريشاتك … طيب why???

واحد قريبنا من المحارم يعني الله يستر عليه هالادمي زوجته تهزئه قدامنا تخيلو تقوله انت اهبل اصلا وماتفهم ماافتكر وقتها وش صار بس اذكر ان كلنا صرنا نطالع ببعض مندهشين كنا ندخل بيته المغرب او الليل نلاقي سفرة الغدا لسه محطوطه والاخت نايمه جوا ومع كذا يموت عليها ويمدحها قدام الرجال الثانيين ويقول حرمتي مافي زي نظافتها ويزعل لو غبنا فتره عنها يقول ليش ماتحبونها نقوله ليش هي ماتجينا يقول تستحي تجي للناس

عمتي ماشالله انسانه ذربه وحترمه والله ان صوتها يدوب تسمعينه من ذوقها وادبها وعندا 4 كتاكيت كانت تراعي زوجها وتموت فيه وموظفه كبيره ماشالله والبيت الي ساكن فيه حضرته بيتها حتى امه حرمه مره كبيره وتعبانه جهزتلها غرفه في بيتها وسكنتها عندهم وصارت تراعيها زوجها انسان سفرجي ماخلا بلد بالعالم الا وراحلها لحاله طبعا قبل كم سنه قرر يتزوج عليها وحده مو سعوديه صارت مشاكل بينهم لحد في الاخير رضت بالامر الواقع تزوج وحده ماابي اقول مو حلوه لان الجمال جمال الاخلاق لكن الثانيه الي اخذها لاجمال شكل ولا اخلاق تدخن واخر الليل تجمع صحباتها على شيشه وطربقه واغاني وياجرلها شاليه يروحون له هي وصحباتها يقضون كم يوم والقهر صار مايسافر الا وزوجته الثانيه مع طيب ليــــــــش ؟؟ فسرولي تصرف هالرجال؟

بينما اشوف حريم نظافه وجمال وعيال مافي منهم بادبهم ونظافتهم ماشالله تلاقين زوجها متزوج عليها او يخونها
اعرف وحده متزوجه من سنتين بنت عمرها 22 سنه بسم الله عليها تجنن جمال واخلاق وادب ماشالله تخيلو اكتشفت انه زوجها يخونها مع وحده ماتسوى شافت صورها بجواله تقولي بشعه ومتينه وشكلها مره كبيره يمكن 45 الحين خلى الدلال والجمال وراح لوحده قريبه من عمر امه طبعا صارت مشاكل وراحت بيت اهلها بس انحل الموضوع بعد فتره بس لييش انت ربك اعطاك حرمه ماشالله ماينقصها اي شي وتروح تدور على وحده اقل منها ليييييش حب في الحرام وبس؟

حريم مطينه عيشة رجالها ومايخطي خطوه الا وهو معها وحريم مولعه اصابعها العشره شمع وزوجها كل شهر ببلد لوحده

مواقف كثييييييييير مايحضرني اقولها كلها لكن دايم افكر ليش الدنيا ماشيه بالمقلوب وبالعكس ليش الناس ماتعطي الا الي مايستاهل والي يستاهل محد يلتفت له مو بس في الزواج في كل النواحي بس انا خصيت هالموضوع لانه يهم بنات القسم اكثر

انتو تشوفون الي اشوفه والا انا افكر بطريقه غير؟