ليش الحسد يا كويتيات.

المعطي بالسما والحاسد بالوطي .

مثل أمي تقولة عن الحسد والله شفته من أغلبية الكويتيين ليش كل ما جت زيادة للمعلم الكل يتنرفز والكل يحسد اذا اهل ديرتنا حاسدينا شنقول عن العالم أخر زيادة الكل قام يعلق رفيجة إختي تقول كل شي ببطون المعلمات ووحدة تقول معاشاتهم حرام وغيرة وغيرة ليش ما تدرون ان المعلمة تكرف في المدرسة وما فيه معلة مرتاحة اذا مو حصص أعمال إدارية أو تكليف باي مكان والله ان معاشاتنا حلال علينا وليش معصبين لما نرفض الزيادة نعم نرفضها وبشدة الكل ياخذ معاشه وهو مرتاح ما حد تكلم لما تقعدون علي مكاتبكم وجاي وقهوة ما حسدناكم لما تطلعون بدون استئذان ما شكينا عليكم لما تغيبون وما ينحسب لكم طبية ما بلغنا عليكم ليش عندنا الكل يحارب والكل يتحلطم ما قول إلا حسبي الله ونعم الوكيل علي كل من يدعي علي المعلمات .
ملاحظات هامة:-
1- إن الكثير من الدول الأوربية أدرجت مهنة التدريس ضمن الأعمال الشاقة.

2- إن أكثر الأمراض المنتشرة بين المعلمات إلتهاب الحنجرة و مرض القولون ( حقيقة ).

لا وبعد يحسدونا.
تحية معطرة لكل معلمة

والله انهااا مهنه شاقه

ومعاشها قليل على اللي يسونه الابلات

يعطيهم العافيه

أب أب أبي الكل يقرا ويسمع معاناة المعلمات

آنا مو مدرسة ولا حاسدة المدرسات لأنهم فعلا يتعبون ويربون أجياااااااااال

والله إنهم يستاهلون المدرسة اللي تطلع من التدريس من غير امراض هذا شي نادر كله يعانون المدرسات وبالعافية عليهم الزيادة

مشكورة اختي عادت وصح لسانج كلمة الحق لازم تنقال بحق المعلمات ولازم الكل يعترف انها مهنة شاقة ومهنة تعب علي الأقل نرفع من الروح المعنوية للمعلمة ومشكوووووووورة

الله كريم

وفعلا كلام سليم

هذا غير الظلم والمجتمع النسائي اللي عايشيين فيه

انا اقول

الحمدلله ان الرزق من رب العباد

لو من البشر كنا متنا من الجوع

تستاهل الزيادة مربيات الاجيال وبالعافية علينا

ايه و الله تعب ف تعب

اعرف جم وحده ميداني ووقفووو ما يبووون بينحاشووون

عاااد الله و الزياااده 70 دينار و بس !!!!

اي والله

سبحان الله كل الناس يزيدونهم عااااااااادي محد يتكلم

بس خل يقولون بيزيدون المعلم مو زادوه لا بيزيدونه وشوفي التعليقات

الأيام اللي طافت لما كنت اقرا اخبار الزيادة بالجريدة

اتضاااااااايق لما اقرا التعليقات

اللي يقول ما صارت واللي يقول شدعوه يشتغلون

بس ما يخالف اذا احنا ما نشتغل عسى ان شاء الله بذمة اللي يقوله

اصلا من العيون الحكومه بكبرها استقالت وتوقف القرار

الحمد لله ان الرزق مو منهم من الله سبحانه

والله كريم

والزيادات تشمل الخليجيات ولا بس الكويتيات؟؟

اللهم لا حسد
تستاهلون الخير .. والله يعينكم على هالمهنة المتعبة نفسيا

الله ييعينهم رفيجتي اختفى صوتها من سنتين معاها قطع بالاحبال الصوتيه وما لها علاج نهائياا تخيلوا والطلبه صايرين قلة ادب ومافي اي خوف للمدرسه ولا احترام والسبب انه امنعوا الضرب والمشكله حتى لو دزه خفيفه يو الاهل يشتكون وآنا كنت اول وحده اعارض على الزياده بس اللحين لما اشتغلت معاهم اقول اشوي عليهم الزياده والله يعينهم والحمدلله ماني مدرسه

اشوف المهندسين والمهندسات زيادات 400 وفوق محد تكلم

من ابررررررررررز المهن الشاقه
الله يعين بس