ليش التربيه بيئه طارده

السلام عليكم اشلونكم ابلات؟؟

سؤال وايد الناس تناقشت فيه وتكلموا عنه والاجابات كانت عليه كثيره وحبيت ان احنا الابلات انتشارك وكل وحده منا تقول رايها في هالموضوع

ليش التربيه بيئه طارده وليست بيئه جاذبه؟؟؟

يالله ابلات انتظر ردودكم وتفاعلكم خلينا انعرف لان احنا وايد مضلومين غير عن باجي الناس اللي يشتغلون في وزارات الدوله المختلفه
ولما اشوف تفاعلكم احطلكم اسبابي الكثيره

الصرف الغير عادي تبين تتميزين لازم تدفعين مو للدروسج لا ليوم الناظره المميز
أو التوجيه او عمل انشطة مالها داعي لا تخدم المدرسة والطالبه بس مجرد تعب على المدرسة

طلبات الناظره في عمل الوورش او دروس نموذجيه المشكله مو هنيه لا لازم يكون في اسبوع ثقافي المدرسة وإذا توجيه المادة يبي سويله يوم ثاني
شلون تعب يقولون عادي سوي الكورس الاول والكورس الثاني للتوجيه

وآخر شئ مجتمع الحرييييييييييييييييييييييييييييييم كله مشاكل وسببها الناظره والمدرسة

طولت عليكم هذا بعض الاشياءبس موكلها

اللهم أفرغ علينا صبراً

ليش التربية بيئة طاردة؟؟؟؟؟؟؟؟ لانهم بلا مسؤلية للطلبة الي اهم اهم شي شلون بيحسون تجاهنا بالمسؤلية ……… الجملة مو واضحة؟؟؟؟ انا اوضح لكم

يعني شلون وحدة مثلي واكو واااااااااااااااااااااااااااايد نفسي مو تربوية ولا دارسة شي بالتربية يحطونها مدرسة وقلت للموجة لما يانا ابي دورة تربية حياتية انا ماعرف شي قال :: لا خلاص سوينا قبل دورتين وهذا كان قبل لا اتعين والحين خلاص محنا مسوين (اشكررررررررررررررة) تعلمي من زميلاتج!!!!! وين الاحساس بالمسؤليه تجاه الطالب

يعني اهم مو هامهم هالطالب منو يدرسة يلله تعلموا عليهم والمشكلة على بو عليميات حتى التربية الوطنية الي ممكن انتعلم على روابع وخوامس عالاقل اهون من اولى وثانية هذيل تأسيس اليدد على طوووووووول يقطونهم عالتأسيس (يعني شوفوا منو قاعد يأسس العيال ) والله مساكين

انا كنت اقول اذا ياني عيال بدخلهم حكومة كانا تخرجنا وشزينا جامعيات لكن عقب الي شفتة (عالاقل المرحلة الابتدائية خاص اذا مانقدر لكل المراحل)

عقب اللعب الي شفتة ،،، وعقب ماكلتها ماعندي لغة كلش مع اني جامعية وهالشي توني احس فيه اذا ابي ماستر ماقدر عالتوفل واذا ابي اشتغل ببنك ماراح انجح بالامتحان …………..

والمشكلة ان الناس غير عني همهم المعاش يباااااا دام المعاش ماشي مشي حالج (انا اقدر امشي حالي )لكن ليش ؟؟؟ الله سبحانة يحب اذا عمل احدنا عمل ان يتقنة مثل ما قال رسولنا عليه الصلاة والسلام وهذا فيما معنى الحديث

ثانيا : وين راحتي وراحة قلبي ؟ ابيعها عشان المعاش وابيع ظميري واقعد ألعب باليهال؟؟؟؟ والله احس ان معاشي مو محللتة عدل لان ماقدر اعطي من قلبي لشي ما احبة

واكبر دليل ان مو مهم الي تشتغل والي ماتشتغل واهم شي يسدون النقص ويكملون النصاب

مرت علي مدرسة معطيه المدرسة بو لباس وتأخيرات وغيابات وعاااااااااااااادي ولما يات بتنتقل وبيصير نقص قالت لها الناظرة مستعدة احطج مدرسة اولى او بمثابة مدرسة اولى بس قعدي طبعا هالمدرسة الله يذكرها بالخير خوش بنت ومو قصدي احش فيها لكن قصدي شوفو شلون اهم الي يشتكون منها واشكرة جدامي الوكيلة تحش فيها وبس عشان النقص ومادري شنو جذي تسوون ؟؟؟ صج ماكو فرق بين الممتازة والي ماشية عالبركة

اهههههههههههههه اخاف امللكم من القرقة يلله مع السلامة

قلتوا اللي كنت مفكره اقوله وزياده

انا ما تنبط جبدي الا من هالقرارت العشوائيه (خصوصا رياض الاطفال) واللي احس انها ما تهم الطفل بالمره !! من كل شي ماني قادره اذكرها من كثرها

الشي الثاني شلة اصدقاء الاداره !!! هذولي المتميزين انشاءالله تقدم درس كله غلط ميخالف المهم نشكرها واهيه متميزه !! والمغضوب عليهم هذولي لو يسوون اللي يسوونه ماكو شي يغفر لهم!!

الله يعينا ويفكنا ويصبرنا

وتلقين في نفس القسم ناس قاعدة مرتاحة وناس تشتغل شغل غيرها في تصوير الامتحانات وأوراق العمل والاحتياطات والمراقبة على الامتحانات <<<< إلحقوا يا جماعة بطيت الجربة

شكلي بفتح موضوع عن معاناتي الكبيرة وأنا في بداية مشواري المهني

صاجة هدوي ولا مدرسة خبرتها عشر سنين تغار من مدرسة خبرتها أقل من سنة

وتقولها أشكره وبالفم المليان:

حرااااام عليج لا تعطين البنات أسئلة صعبة ( على فكرة الأسئلة الصعبة والتعليل أنا أحلها مع الطالبات)….!!!!

عطيهم شغلات سطحية أنا أدرس هالمادة صار لي عشر سنين..!!!

انزين أنا بكيفي أعطي البنات اللي أبي إهي شكو..!!!

وكلها تاخذ مني أوراق العمل وتعطي بناتها

وما تكلف على عمرها وتسوي اختبار قصير

لا ..تاخذه مني؟؟؟؟؟ بس هي أحسن من غيرها ما تمسح اسمي من الامتحان

غيرها يمسح اسمي من الامتحان

والله العظيم يا بنات كل ما سويت ورقة عمل أحسب حساب لكل المدرسات اللي معاي بالقسم

لكن حزب الديناصورات هذا يسووون أوراق عمل وما يعلمون ( بس الحمد لله إني المسؤولة عن سجل الاجتماعات الفنية وملزقة فيه بس أوراقي وامتحاناتي)كخخخخخخخخخ

وانا عن نفسي كمدرسة حاسوب اول ما تعينت كورس كامل ما عندي منهج ولا مختبر ولا حتى جهاز كمبيوتر أشرح عليه ولا خطة تخيلو الوضع .. يقولون انتو ابتكرو درسو اللي تبونه ؟!!
يعني منزلين مادة ومنهج يديد ومعينين مدرسات ومعطين معاشات وزايدين مدة اليوم الدراسي على الطلبة وهم مو مجهزين شغلهم !!

غير التوجيهات اللي ما همها الا التطفيش عن نفسي أعرف مستواي وايد زين والناظرة لما تدخل تكون مستانسة ومنشكحة وتقولي حصتج اتهبل ماعندي ولا نقد لأني أدرس بضمير الحمدلله .. والموجهة حاضرة نفس الحصة اتقولي ليش البنات يتلفتون !!
يعني مو قاعدين يسولفون ! مو قاعدين يلعبون ! مو انهم مو منتبهين لا بالعكس … بس قاعدين يتلفتون .. هذا العيب اللي بالحصة !!
انا يالكبيرة ماقدر اقعد ساعة الا ربع راسي باتجاه واحد مليون بالامية بتلفت .. تلومين بنات الابتدائي ؟؟
وغيره وغيره وغيره ..

غير ان المدرسة مرات تشتغل مراسل حق الادارة تودي واتييب كتب .. ومرات سكرتيرة تطبع كتب وشغل الادارة .. ومرات مادري شنو متعددة الوظائف ..

والانشطة اللي بره الموضوع كلش سوو بطاقات سوو رزنامات سوو مادري شنو .. وياويلج ان ماسويتي تصيرون قسم نايم ومو متعاون وغير منتج …
مايهتمون بالحصة وبمستوى المعلمة والتدريس والطلبة كثر ما يهتمون بالسوالف الفاضية ..

انا عن نفسي احب التدريس يعني ماشوفه مهنة طاردة .. بس ما حب تبعاته اللي مالها سالفة ..

وسلامتكم وتعيشون —> ماعليه طولت عليكم قلبي مترووووسة