ليش البعض منكم يفتقد اسلوب الحوار

طبعا مثل ما هو مكتوب بالعنوان ليش بعض العضوات

مع الاسف يفتقدون لاسلوب الحوار والنقاش

والصدمه ان بعض من هالعضوات كبار شخصيات

او عضوه ماسيه !!!!!!!

ليش دايما اي موضوع حتى لو كان حلو لازم لازم

يصير فيه هواش ونقاش حاد

طبعا بتقولون الكلمه المعهوده

( اختلاف الراي لا يفسد للود قضيه )
اول شي هالمقوله تنقال لما يكون في نقاش بأدب واسلوب

تحاور مو عقب ما تشرشحين راعيه الموضوع

وتلعنين خير السالفه تيين آخر شي تكتبين هالجمله !!

ثاني شي اذا في موضوع مو عاجبني ماله داعي ارد رد

استفزازي وبالتالي راعيه الموضوع ما تسكت وكلمه

مني وكلمه منها وكلمه من العضوات وشبت حريجه وتسكر

الموضوع ترى اذا انتي الموضوع مو عاجبج

غيرج عاجبه ومستمتع فيه فليش تخربين

على باجي العضوات انتي مو عاجبج احط باك سيدا

او اني اتناقش بأدب وباسلوب حوار اذا ابي اشرح وجهه نظري

مع الاسف عندكم اهتمام بكل شي وبكل شي تبدعون لكنكم

تفتقدون لاسلوب الحوار والثقافه العامه

نيي للنقطه الثالثه هالقسم موجود عشان المتزوجات يتناقشون

بأمورهم بمشكله بسالفه بشي سمعته من صديقه او اخت

او اي من وسائل الاعلام مثل ما صار مع

العضوه عيميه والقلب كندري

ليش على طووووووول تشنون حرب البسوس

واللي يبط الجبد ان الوحده تقرا اول سطر واخر سطر بدو ما تفهم

المحتوى وتدخل تبي تتهاوش ترى عمره ما كان النقاش بهالاسلوب

الهمجي واسلوب الصيحه والنجره خلكم ريلاكس

ترى اقصاه نت يعني ما يسوى حرقة الاعصاب و رفعة الضغط
عشان موضوع مكتوب

نيي للهبه اليديه مالت 2024

كل كلمه والثانيه تبون الشهره بركن الزوجيهاو الاستعراض

شنو شهره واستعراض وين قاعدين لايكون ببرنامج آرب قوت

تالنت وانا ما ادري

الحمدلله على نعمة العقل

رابعا ليش ننكر فضل بعض العضوات يعني عضوه تكون

حيل متعاونه معانا وتساعد الكل فجأه يصير شي مو مفهوم

على طوووووووول هجوم عليها وتشرشح مثل ما صار

مع عضوه اتوقع نكها العاشقه المهم طلعت يعني معقوله

عشان غلطه صارت نسيتوا كل الاشياء الزينه اللي سوتها

وكل المواضيع اللي فادتكم فيهاا ليش هالجحود!! ونكران الجميل

بعدين اهي حتى لو جذبت اهي ما ضرت احد ماجذب على احد

بخلطه او بقصه او ببضاعه او بنصيحه

والعضوه فوفو 22 ليش هالهجوم اللي صار عليها بالاستضافه

اتوقع ان كل واحد المفروض يسوي تعتيم على حياة الخاصه

وما يذكر كل التفاصيل طلعتوا كل مواضيعها وبديتوا نسخ الروابط

والحجي ليش !!!! نسيتوا شكثر كنتوا تطلبون منها نصايح

وبعدين المرا كبيره لازم يصير في شويه احترام

واخيرا سالفة الاحزااااااااب والله هذي رفيجتي ارفع موضوعها

حتى لو ماكان هادف وهذي انا ما احبها ادش اخرب موضوعها

بجم كلمه خايسه بسكم تكسر مياديف وحزازيات واحزاب

ترى بتصرفاتكم تخلون الواحد يتحسف يكتب شي بهالقسم

يمكن غيرج يكون محتاج حق هالموضوع وحاب يصير

في نقاش بس بسبب اسلوبكم وافتقادكم لاسلوب الحوار

قاعدين تخربون على عضوات وااااايد

ياريت ترتقون باسلوبكم شوي عشان يرتقي القسم

واتمنى انكم ما تزعلون مني بس انا من النوع اللي بقلبي على

لساني